တစ်ဖွဲ့ကို ၃ ဦးနှုန်းနဲ့ဝင်ပြိုင်နိုင်ပါတယ်။
Nyein Min Wai

Ooredoo နဲ့UNDP တို့ပူးပေါင်းပြီး Hackathon ပြိုင်ပွဲတစ်ရပ်ကို လာမယ့် ဒီဇင်ဘာ ၈ ရက်နဲ့၉ ရက် နှစ်ရက်တာ ကျင်းပသွားမယ်လို့ဆိုပါတယ်။

OML-UNDP-Panelists.jpg

Photo: Ooredoo

 

ဒီပြိုင်ပွဲကို ရန်ကုန်နဲ့မန္တလေးတို့မှာ ရှိတဲ့ Ooredoo ရုံးနှစ်နေရာမှာ တစ်ပြိုင်နက်တည်း ကျင်းပသွားမှာ ဖြစ်ပြီး မြန်မာနိုင်ငံရဲ့ နှစ်စဉ် Hackathon ပြိုင်ပွဲတွေထဲမှာ အကြီးဆုံး ပြိုင်ပွဲအဖြစ် ကျင်းပသွားမှာပါ။

Hackathon 2018 မှာ “စိုက်ပျိုးရေးနှင့် စားနပ်ရိက္ခာစနစ်များတွင် အမျိုးသမီးများနှင့် လူငယ်များအား စွမ်းဆောင်ရည်မြှင့်တင်ခြင်း”ခေါင်းစဉ်နဲ့ယှဉ်ပြိုင်ရမှာ ဖြစ်ပြီး အများဆုံး ပြိုင်ပွဲဝင်တစ်ဖွဲ့ကို ၃ ဦး နဲ့ဝင်ပြိုင်နိုင်မယ်လို့ဆိုပါတယ်။

ပြိုင်ပွဲဝင်များဟာ Hackathon 2018 ပြိုင်ပွဲမှာ Ooredoo မှ ပေးထားတဲ့ APIs service (Charging & SMS) ကို သုံးပြီး အန်းဒရိုက် app တစ်ခု ဖန်တီးရမှာပါ။ ဒီပွဲမှာ ဝင်ရောက်ယှဉ်ပြိုင်မယ့် ပြိုင်ပွဲဝင်များကို Impact Hub Yangong မှ ကျွမ်းကျင်သူများမှ လိုအပ်တဲ့ အနီးကပ် လမ်းညွှန်မှုများ ပြုလုပ်ပေးသွားမယ်လို့ဆိုပါတယ်။

Hackathon 2018 ပွဲအတွက် နိုဝင်ဘာ ၂၅ ရက်နေ့နောက်ဆုံးထားပြီး http://bit.ly/hackmm2018 ကနေတစ်ဆင့် စာရင်းသွင်း လျှောက်ထားနိုင်မှာပါ။

ရွေးချယ်ခံရတဲ့ အဖွဲ့များကို UNCTAD နဲ့UNDP မှ ပညာရှင်များ ဦးဆောင်ကျင်းပမယ့် ၆ ရက်ကြာ စီးပွားရေး စွမ်းဆောင်ရှင် အလုပ်ရုံဆွေးနွေးပွဲကို တက်ရောက်ခွင့် ရမှာ ဖြစ်သလို  Impact Hub Yangon ရဲ့ ထုတ်ကုန်နဲ့ဝန်ဆောင်မှုတွေကိုလည်း အသုံးပြုခွင့် ရမှာ ဖြစ်ပါတယ်။

45541143_10161017285725032_7335339383156899840_n.jpg

Photo: Impact Hub Yangon

 

Hackaton ပြိုင်ပွဲတွေဟာ ကိုယ့်မှာ ရှိထားတဲ့ အိုင်ဒီယာကောင်းတစ်ခုကို programming နည်းပညာများနဲ့ပေါင်းစပ်ပြီး သတ်မှတ်အချိန်အတွင်း Develop လုပ်ရတာ ဖြစ်ပါတယ်။ Hackathon 2018 ကတော့ မြန်မာနိုင်ငံအတွင်း ဒစ်ဂျစ်တယ်ဆန်းသစ်တီထွင်မှုနဲ့စဉ်ဆက်မပြတ် ဖွံ့ဖြိုးတိုးတက်ရေး ပန်းတိုင်များ (SDGs) ပြည့်မြောက်ရေးမှာ အရှိန်အဟုန်မြှင့် ဆောင်ရွက်ပေးဖို့အတွက် စီစဉ်ကျင်းပလိုက်တာလို့သိရပါတယ်။


ဆက်စပ်အကြောင်းအရာများ


က္က