ပဏာမအဆင့် ဒေါ်လာ ၁၀၀၀ စီပေးသွားမှာပါ
Nyein Min Wai

     မြန်မာနိုင်ငံအဝှမ်းမှာ ရှိတဲ့ နည်းပညာနဲ့ကွန်ပျူတာတက္ကသိုလ်များမှ ထူးချွန်တဲ့ ကျောင်းသား ၅၀ ကို ပညာသင်ဆုပေးမယ့် ICT Talent Development Program အတွက် နားလည်မှု စာချွန်လွှာ MoU ရေးထိုးပွဲကို ဒီဇင်ဘာ ၂၉ ရက်နေ့က ရန်ကုန်မြို့Melia Hotel မှာ ကျင်းပပြုလုပ်ခဲ့ပါတယ်။

Photo: mizzima



         ပညာရေးဝန်ကြီးဌာနရဲ့ ပံ့ပိုးမှုနဲ့Huawei နဲ့ပါမောက္ခချုပ်များ ကော်မတီ တို့အကြား MoU ရေးထိုးခဲ့တာ ဖြစ်ပြီး ကဏ္ဍ ၆ ခုပါဝင်မယ်လို့ဆိုပါတယ်။

         ICT Talent Development Program မှာ ပထမအကြိမ် ICT ဒီပလိုမာသင်ရိုးစနစ် စတင်ခြင်း ၊ Seeds for the Future အစီအစဉ် ၊ Huawei Authorized Information and Network Academy (HAINA) တည်ထောင်ခြင်း ၊ ထူးချွန်ကျောင်းသား ၅၀ ကို ပညာသင်ဆု ပေးခြင်း ၊ ICT နှင့်သက်ဆိုင်သည့် သိပ္ပံသုတေသနပံ့ပိုးမှု ၊ Huawei CSIC (Customer Solution Innovation & Integration Center) ရဲ့ Youth Open Day အစီအစဉ်တို့ပါဝင်မှာပါ။

         ထူးချွန်ကျောင်းသား ၅၀ အတွက် ICT Scholarship ပဏာမတစ်ပိုင်းချင်းစီမှာ ဒေါ်လာ ၁၀၀၀ စီပေးအပ်သွားမယ်လို့ဆိုပါတယ်။ ဒီနားလည်မှုစာချွန်လွှာဟာ ၂၀၁၄ ခုနှစ်မှာ စတင်ချုပ်ဆိုခဲ့တဲ့ သဘောတူစာချွန်လွှာရဲ့ အဆက်ဖြစ်ပြီး ဒီအစီအစဉ်ကနေ ၄ နှစ်အတွင်း ICT ထူးချွန်ကျောင်းသား ၁၅၀၀ ကျော် မွေးထုတ်နိုင်ခဲ့တယ်လို့သိရပါတယ်။


ဆက်စပ်အကြောင်းအရာများ


Author

  • Nyein Min Wai

    Content Writer (Duwun Tech)


က္က