TikTok ကို အိန္ဒိယအစိုးရမှ ပိတ်ပင်ထားပါတယ်
Nyein Min Wai

Bytedance ပိုင် TikTok ကုမ္ပဏီဟာ လူမှုကွန်ရက်စံနဲ့ မညီတဲ့ ဗွီဒီယိုတွေ ဖြုတ်ချခဲ့ပြီး ပြီးခဲ့တဲ့ ဒုတိယနှစ်ဝက်မှာ အိန္ဒိယမှ ဗွီဒီယိုပေါင်း ၁၆ သန်းကျော် ပါဝင်ခဲ့တယ်လို့ ဆိုပါတယ်။

TikTok ဟာ ၂၀၁၉ ဒုတိယ ၆ လဖြစ်တဲ့ ဇူလိုင်ကနေ ဒီဇင်ဘာအတွင်း ပွင့်လင်းမြင်သာမှုအစီရင်ခံစာကို ထုတ်ပြန်ခဲ့ပြီး ကုမ္ပဏီအနေနဲ့ အဲဒီ ၆ လအဝင်းမှာ ဗွီဒီယိုပေါင်း ၄၉ သန်းကျော် ဖယ်ရှားခဲ့တယ်လို့ The Next Web သတင်းမှာ ဖော်ပြထားပါတယ်။ ဒါဟာ TikTok ပလက်ဖောင်းပေါ်မှာ ရောက်လာခဲ့တဲ့ ဗွီဒီယိုစုစုပေါင်းရဲ့ ၁% ပဲ ရှိတာ ဖြစ်ပါတယ်။

Photo: TNW


လူမှုကွန်ရက်စံနဲ့ မညီတဲ့ ဗွီဒီယိုတွေရဲ့ ၉၈.၂% ကို ကြည့်ရှုသူတွေက တိုင်တန်းမှုမလုပ်ခင်မှာ AI systems တွေကနေ တွေ့ရှိဖြုတ်ချခဲ့တာ ဖြစ်တယ်လို့ ကုမ္ပဏီက ဖယ်ရှားခဲ့ပါတယ်။ ပလက်ဖောင်းပေါ်ကနေ ဖယ်ရှားခံရတဲ့ ဗွီဒီယိုတွေရဲ့ ၈၉.၄% ဟာ ကြည့်ရှုသူ ၁ ယောက်တောင် မရှိခဲ့ဘူးလို့လည်း ဆိုပါတယ်။

TikTok ပေါ်ကနေ ဗွီဒီယိုဖယ်ရှားခံရမှုအများဆုံး နိုင်ငံဟာ အိန္ဒိယဖြစ်ပြီး ပြီးခဲ့တဲ့ ၂၀၁၉ ဒုတိယ ၆ လအတွင်း ဗွီဒီယိုပေါင်း ၁၆.၄၅ သန်းကျော် ဖယ်ရှားခံခဲ့ရပါတယ်။ အိန္ဒိယရဲ့ နောက်မှာတော့ အမေရိကန် ၊ ပါကစ္စတန်နဲ့ ယူကေတို့က ဗွီဒီယိုပေါင်း ၄.၅ သန်းကျော် ၊ ၃.၇ သန်းကျော်နဲ့ ၂ သန်းကျော်စီ ဖယ်ရှားခံရပြီး အစဉ်အတိုင်း ရပ်တည်နေပါတယ်။

၂၀၁၉ ဒုတိယ ၆ လအတွင်း အိန္ဒိယအာဏာပိုင်တွေဟာ TikTok ကို သုံးစွဲသူအချက်အလက်ပေးဖို့ အကြိမ်ပေါင်း ၃၀၂ ကြိမ်တောင်းဆိုခဲ့ပြီး ဗွီဒီယို content ဖယ်ရှားဖို့ အကြိမ် ၃၀ တောင်းဆိုမှု လုပ်ခဲ့တယ်လို့ ဆိုပါတယ်။ လက်ရှိမှာ TikTok အပါအဝင် တရုတ်ပိုင် app ပေါင်း ၆၀ ခန့်ကို အိန္ဒိယအစိုးရဟာ နိုင်ငံ့လုံခြုံရေးအရ ပိတ်ပင်ထားပါတယ်။


ဆက်စပ်အကြောင်းအရာများ


Author


က္က