အလိုအလျောက်မောင်းကား ၄၅ စီးနဲ့စတင်ထားတာပါ
Nyein Min Wai

Robotaxi Service ကို တရုတ်နည်းပညာလုပ်ငန်းစု Baidu က ဟူနန်ပြည်နယ်ရဲ့ မြို့တော် Chaungsha မှာ စတင်မိတ်ဆက်လိုက်ပြီ ဖြစ်ပါတယ်။

Baidu ရဲ့ Apollo Robotaxi ဝန်ဆောင်မှု ပထမအသုတ်အဖြစ် မောင်းသူမဲ့တက်စီ ၄၅ စီးနဲ့ဝန်ဆောင်မှုပေးသွားမှာ ဖြစ်တယ်လို့South China Morning Post က ဖော်ပြထားပါတယ်။ ဟူနန်ပြည်နယ် Chaungsha မြို့ရဲ့ လမ်းတွေပေါ် စမ်းသပ်မယ့် ကားတွေဟာ တရုတ်ကားကုမ္ပဏီ FAW Group နဲ့ဖက်စပ်ထုပ်ထားတဲ့L4 Hongqi EV ကားတွေ ဖြစ်ပါတယ်။


Photo: CNMO


ဒီ robotaxi တွေဟာ လမ်းနဲ့ယာဉ်ကြောအခြေအနေတွေကို အခြေခံပြီး လမ်းပြောင်းတာ အပါအဝင် ဉာဏ်ရည်မြင့် ကိုယ်တိုင်မောင်းစနစ်တွေ ပါဝင်မှာပါ။ Baidu က သုံးထားတဲ့ မောင်းသူမဲ့ကားတွေဟာ အနားက ကားတွေရဲ့ လှုပ်ရှားသွားလာမှုကိုပါ လေ့လာပြီး အလိုအလျောက် ရှောင်ရှားနိုင်မယ်လို့ဆိုပါတယ်။

လောလောဆယ်မှာတော့ robotaxi တိုင်းမှာ ခရီးသည်ဘေးကင်းစေဖို့အကူယာဉ်မောင်းတစ်ဦးထားပေးထားပါတယ်။ Apollo Robotaxi ဝန်ဆောင်မှုအနေနဲ့Changsha မြို့တွင်း စတုရန်းကီလို ၇၀ ကီလိုမီတာ pilot zone အတွင်း ပြေးဆွဲမှု မလုပ်ခင်မှာ ကနဦးအနေနဲ့ကီလိုမီတာ ၅၀ စပြီး ပြေးဆွဲဖို့မျှော်မှန်းထားတယ်လို့ဆိုပါတယ်။

Photo: SCMP


"Chaungsha မှာ လုပ်တဲ့ စမ်းသပ်မှုကတော့ Apollo Robotaxi ရဲ့ သုတေသနဲ့ဖွံ့ဖြိုးမှုတိုးတက်မှုဟာ ဈေးကွက်ဝင်အဆင့် ရောက်နေပြီလို့လက်တွေ့ပြသလိုက်တာပါပဲ။ " လို့Baidu ရဲ့ ဒုဥက္ကဌနဲ့ဉာဏ်ရည်မြင့်မောင်းနှင်မှုအဖွဲ့ အထွေထွေ မန်နေဂျာဖြစ်သူ လီဇန်းယုက ဆိုပါတယ်။


ယခုလဆန်းပိုင်းကလည်း Didi Chuxing နဲ့မောင်းသူမဲ့ကားဆိုင်ရာ startup တစ်ခု ဖြစ်တဲ့ AutoX တို့ဟာ ၂၀၁၉ နှစ်ကုန်နဲ့၂၀၂၀ နှစ်ဆန်းပိုင်းမှာ ရှန်ဟိုင်းမှာ မောင်းသူမဲ့တက္ကစီဝန်ဆောင်မှု စတင်သွားမယ်လို့ ကြေညာထားပါတယ်။ Pony.ai နဲ့WeRide ကားနည်းပညာလုပ်ငန်းတို့ဟာလည်း အလိုအလျောက်မောင်းနှင်နိုင်တဲ့ ယာဉ်တွေကို စမ်းသပ်မှု လုပ်ဆောင်ထားပါတယ်။


က္က