သောကြာနေ့မှာ စတင် မိတ်ဆက်ဖို့ရှိပါတယ်
Nyein Min Wai

သတင်းအဖွဲ့အစည်း ရာပေါင်းများစွာဆီက သတင်းအကြောင်းအရာတွေ စုစည်းပေးမယ့် News Tab တစ်ခုခုကို Facebook မှာ ထည့်သွင်း ဖြန့်ချိသွားမယ်လို့ဆိုပါတယ်။

အိမ်ဖြူတော်ဘဏ္ဍာရေးဝန်ဆောင်မှု ကော်မတီရှေ့မှောက်မှာ Facebook ရဲ့ အမှုဆောင်အရာရှိချုပ် မတ်ခ်ဇူကာဘတ် ကြားနာစစ်ဆေးမှု လုပ်ချိန်မှာ ဒီသတင်းထွက်လာတာ ဖြစ်ပါတယ်။ Facebook ဟာ ABC News ၊ Dow Jones ၊ Washington Post နဲ့Bloomberg တို့အပါအဝင် သတင်းဌာနပေါင်းများစွာကို ချဉ်းကပ်ပြီး News Tab ကဏ္ဍမှာ ဖော်ပြမယ့် သတင်းအကြောင်းအရာတွေအတွက် ခွင့်ပြုချက်အဖြစ် ဒေါ်လာ ၃ သန်းအထိ ပေးဖို့ ကမ်းလှမ်းခဲ့တယ်လို့ပြီးခဲ့တဲ့ သြဂုတ်လကတည်းက Wall Street Journal က ဖော်ပြခဲ့ပါတယ်။

Photo: politico


Facebook ပြောခွင့်ရပုဂ္ဂိုလ်ကလည်း မတ်ခ်ဇူကာဘတ်ခ်အနေနဲ့ သောကြာနေ့နယူးယော့ခ်မှာ ပြုလုပ်မယ့် ပွဲမှာ ထုတ်ကုန်သစ်တစ်ခု မိတ်ဆက်သွားမယ်လို့အတည်ပြုထားပါတယ်။ ဒီထုတ်ကုန်ဟာ ဒီဂျစ်တယ်ခေတ် ဂျာနယ်လစ်ကဏ္ဍကို အာရုံစိုက်သွားမှာ ဖြစ်တယ်လို့ဆိုပါတယ်။ Facebook ရဲ့ News Tab အတွက် Rupert Murdoch's News Corp ရဲ့ CEO ရောဘတ်တွမ်ပ်ဆင်နဲ့ပူးပေါင်းသွားဖို့ရှိပါတယ်။

" ယခုသီတင်းပတ် နောက်ပိုင်းမှာ သတင်းနဲ့ဂျာနယ်လစ်ဇင်ပိုင်းအတွက် စီမံကိန်းကြီးတစ်ခု ဖြန့်ချိမယ့်အကြောင်း ကြေညာသွားဖို့ရှိပါတယ်။ အရည်အသွေးမြင့် ဂျာနယ်လစ်ဇင်ပိုင်းကို ပံ့ပိုးပေးထားတဲ့ ထုတ်ကုန်သစ်တစ်ခု တည်ဆောက်ဖို့ကျွန်တော်တို့အဖွဲ့အစည်းအများကြီးနဲ့ပူးပေါင်းထားပါတယ်။" လို့မတ်ခ်ဇူကာဘတ်ခ်က ဆိုပါတယ်။

Photo: twistarticle

ဒီဝန်ဆောင်မှုသစ်ကို အောက်တိုဘာ ၂၅ ရက်နေ့က စပြီး အမေရိကန်က Facebook သုံးစွဲသူတစ်ချို့စတင် မြင်တွေ့ရမှာ ဖြစ်တယ်လို့လည်း Politico သတင်းမှာ ဖော်ပြထားပါတယ်။ Facebook ဟာ ပြီးခဲ့တဲ့နှစ်ကလည်း သုံးစွဲသူတွေရဲ့ News Feeds ကို မိသားစုနဲ့မိတ်ဆွေတွေတွက် personal post တွေပဲ မြင်ရမယ့် Feeds နဲ့သတင်း ၊ စီးပွားရေးနဲ့တစ်ခြား brands တွေရဲ့ အကြောင်းအရာပဲ ဖော်ပြသွားမယ့် Explorer Feed ဆိုပြီး နှစ်မျိုး ခွဲပြဖို့စီစဉ်ခဲ့ပေမယ့် မအောင်မြင်ခဲ့ပါဘူး။

မတ်ခ်ဇူကာဘတ်ခ်ဟာ ကုမ္ပဏီရဲ့ cryptocurrency စီမံကိန်းသစ်ဖြစ်တဲ့ Libra နဲ့ပတ်သက်ပြီး ဖြေရှင်းချက်ပေးဖို့အိမ်ဖြူတော် ဘဏ္ဍာရေးဝန်ဆောင်မှု ကော်မတီရှေ့မှောက် ရောက်နေတာ ဖြစ်ပါတယ်။


က္က