မတ်လထဲမှာ ၂၄ နာရီနီးပါး ကြာအောင် ပြတ်တောက်ခဲ့ပါတယ်။
Nyein Min Wai

     ဇူလိုင် ၃ ရက် ညဦးပိုင်းကစပြီး Facebook ၊ Instagram နဲ့WhatsApp တို့ဟာ နာရီများစွာကြာအောင် ပြတ်တောက်မှုနဲ့ကြုံတွေ့ခဲ့ပါတယ်။

         ကမ္ဘာနဲ့အဝှမ်းမှ Facebook ၊ WhatsApp နဲ့Instagram သုံးစွဲသူတွေဟာ ပို့စ် ၊ Stories နဲ့ဓါတ်ပုံတွေ တင်မရတာမျိုး ဖြစ်ခဲ့တယ်လို့Daily Mail သတင်းမှာ ဖော်ပြထားပါတယ်။ Facebook ပိုင် social apps များ သုံးမရတဲ့ ပြဿနာကို ဥရောပ ၊ အမေရိကန် ၊ တောင်အမေရိကနဲ့ဂျပန်တို့ဟာ အဆိုးဆုံးဖြစ်ရပ်နဲ့ကြုံခဲ့တယ်လို့ဆိုပါတယ်။

         Instagram users အတော်များများဟာ ပုံနဲ့ဗွီဒီယိုတင်မရတဲ့ ပြဿနာကို အများဆုံး ကြုံခဲ့ပြီး Desktop ဗားရှင်းနဲ့သုံးသူတွေမှာလည်း No Photo description available ဆိုတဲ့ မက်ဆေ့ချ်နဲ့အတူ ပုံတင်လို့မရဘဲ caption ပဲ ပြတာ ကြုံခဲ့တာပါ။ အမေရိကန်မှာတော့ Instagram လိုင်းကျတဲ့ပြဿနာကို Twitter ပေါ်မှာ #instagramdown ဆိုတဲ့ hashtag နဲ့အတူ လူပြောအများဆုံး သတင်းဖြစ်ခဲ့ပါတယ်။

Photo: Daily Mail

         Twitter မှာလည်း Direct Message ပို့တဲ့ feature နဲ့ပတ်သက်ပြီး ပြဿနာတက်နေခဲ့တယ်လို့Twitter ရဲ့ Support Team မှ စာတင်ထားပါတယ်။ Instagram ကတော့ ပြီးခဲ့တဲ့ သုံးပတ်လောက်ကပဲ ၂ နာရီကျော်ကြာ ပြတ်တောက်မှု ဖြစ်ပွားခဲ့ပါတယ်။ ပြီးခဲ့တဲ့ မတ်လထဲမှာ အင်တာနက်သမိုင်းရဲ့ အကြီးဆုံး လိုင်းကျမှုလို့ပြောနိုင်တဲ့ Faebook ၊ Instagram နဲ့WhatsApp တို့နာရီများစွာ ကြာအောင် ပြတ်တောက်ခဲ့ပါတယ်။

         မတ်လလယ်က ဖြစ်ခဲ့တဲ့ Facebook ပိုင် apps များ ၂၄ နာရီနီးပါးကြာ ပြတ်တောက်မှုမှာ မြန်မာနိုင်ငံအပါအဝင် နယူးအင်္ဂလန် ၊ တက္ကဆက် ၊ ဆီယက်တဲလ် ၊ ဝါရှင်တန် ၊ လက်တင်အမေရိက ၊ ပီရူး ၊ ယူကေ ၊ အိန္ဒိယ ၊ ဖိလစ်ပိုင် ၊ ကနေဒါ ၊ လာ့စ်ဗီးဂတ်စ် ၊ တူရကီစတဲ့ နိုင်ငံတွေမှာလည်း ကြုံတွေ့ခဲ့ပါတယ်။ Facebook နဲ့အတူ Messenger လည်း desktop ဗားရှင်းမှာ ဝင်မရတာမျိုး ရှိခဲ့ပြီး mobile ဗားရှင်းကတော့ သုံးလို့ရတာတွေ ရှိခဲ့ပါတယ်။ Facebook ရဲ့ ads section လည်း အလုပ်မလုပ်တော့ဘဲ ads တစ်ခု ဝယ်ဖို့လုပ်ရာမှာ internal error ဆိုပြီး ဝယ်လို့မရခဲ့ပါဘူး။

Photo: Daily Mail

         DownDetector.com ရဲ့ ပူးတွဲတည်ထောင်သူ တွမ်ဆန်းဒါးစ်ကလည်း Downdetector တည်ထောင်ပြီး ၂၀၁၂ နောက်ပိုင်းမှာ နာရီအကြာဆုံး အင်တာနက် လိုင်းကျမှုနဲ့ကြုံခဲ့တာ ဖြစ်တယ်လို့Tech Crunch ကို ပြောထားတာပါ။ Facebook ဘက်မှလည်း ကုမ္ပဏီပိုင် apps တွေမှာ ပုံတွေ ၊ ဗွီဒီယိုနဲ့တစ်ခြားဖိုင်တွေ တင်ရာ ပေးပို့ရာမှာ ပြဿနာတက်နေတာ သိရှိကြောင်း Tweet တင်ထားပါတယ်။

         မနက် ၆ နာရီခွဲခန့်မှာတော့Facebook ဟာ အင်တာနက် လိုင်းကျတဲ့ ပြဿနာကို ဖြေရှင်းပြီး ဖြစ်ကြောင်းနဲ့ဆာဗာ စီမံမှု configuration အပြောင်းအလဲကြောင့် ဝန်ဆောင်မှုတွေ သုံးမရတာ ဖြစ်ကြောင်း ထုတ်ပြန်ခဲ့ပါတယ်။ နေ့စဉ် ကြော်ငြာကနေ ဒေါ်လာ သန်းချီ ဝင်နေတဲ့ Facebook အနေနဲ့အခုလို ပြတ်တောက်မှုအတွက် စီးပွားဖက် ကုမ္ပဏီတွေကို ငွေပြန်အမ်းမယ် မအမ်းဘူးဆိုတဲ့အပေါ်ကိုတော့ မှတ်ချက်ချမထားပါဘူး။


ဆက်စပ်အကြောင်းအရာများ


က္က