နည်းပညာတက္ကသိုလ်နဲ့နိုင်ငံခြားဘာသာသင်တက္ကသိုလ်မှ ကျောင်းသား ကျောင်းသူများကို Internship အစီအစဉ်အနေနဲ့Huawei Myanmar မှ ဒီတစ်ပတ်ထဲမှာ စတင်ရွေးချယ်သွားမယ်လို့သိရပါတယ်။
ရန်ကုန်ရုံးချုပ်မှာ ရှိတဲ့ Huawei Myanmar ရဲ့ အလုပ်သင်ခေါ်ဆိုတဲ့ အစီအစဉ်ဟာ ၂၀၁၇ ခုနှစ်က စတင်ခဲ့တာ ဖြစ်ပြီး ဒီနှစ်မှာတော့ Internship အစီအစဏ်အတွက် လာရောက်လျှောက်ထားတဲ့ ကျောင်းသား/ကျောင်းသူပေါင်း ၂၄၀ ခန့်ရှိတယ်လို့ဆိုပါတယ်။ Huawei ဟာ မြန်မာနိုင်ငံ ICT ကဏ္ဍပိုင်းကို အထောက်အကူပြုရေးအတွက် နည်းပညာဆိုင်ရာ လူ့အရင်းအမြစ်ဖွံ့ဖြိုးစေဖို့အတွက် ဒီအစီအစဉ်ကို စတင်ခဲ့တာလည်း ဖြစ်ပါတယ်။
Photo: Huawei
အလုပ်သင်ကာလ ၃ လကနေ ၆ လအထိ ကြာမြင့်မယ့် ဒီအစီအဉ်အတွက် ကျောင်းသားကျောင်းသူ ၆၅ ဦး ရွေးချယ်သွားမှာ ဖြစ်ပြီ အလုပ်သင်ကာလ ပြီးဆုံးချိန်မှာ ဒီထဲက ကျောင်းသား/ကျောင်းသူ ၂၀ ကို Huawei Myanmar ကုမ္ပဏီမှာ ဝန်ထမ်းအဖြစ် ခန့်အပ်သွားမယ်လို့လည်း ဆိုပါတယ်။
Huawei ဟာ ပြည်တွင်းနည်းပညာနဲ့ကွန်ပျူတာ တက္ကသိုလ်များမှ ထူးချွန်တဲ့ အိုင်တီကျောင်းသား ၅၀ ကို ပညာသင်ဆုပေးတဲ့ ICT Talent Deveopment Program တစ်ခု စတင်ခဲ့ပြီး မကြာသေးမီက ဒီအစီအစဉ်အတွက် နားလည်မှု စာချွန်လွှာ MOU သက်တမ်းတိုးခဲ့ပါတယ်။