Corellium ကတော့ White Hat ဟက်ကာတွေအတွက် ထုတ်ထားတာလို့ဆိုပါတယ်။

Corellium ဆိုတဲ့ Startup လုပ်ငန်းတစ်ခုဟာ iOS Operating System ကို virtual copy လုပ်ပြီး တရားမဝင် ပြန်လည်ရောင်းချမှူနဲ့တရားစွဲခံထားရပါတယ်။

TechCrunch သတင်းမှာ ဖော်ပြချက်အရ Corellium ဟာ သူ့ကိုယ်သူ ARM ပေါ်မှာ iOS ၊ Andriod နဲ့Linux virtualization များပေးတဲ့ ပထမဆုံးနဲ့တစ်ခုတည်းသော ပလက်ဖောင်းအဖြစ် ကြေညာထားပါတယ်။ ဝန်ဆောင်မှူအနေနဲ့iPhone / iPad တို့လို iOS devices တွေကို web portal ကနေ simulate လုပ်ပေးတာ ဖြစ်ပါတယ်။

Photo: Global News

Corellium ရဲ့ စနစ်ကို သုံးပြီး သုတေသီတွေအနေနဲ့iOS ဗားရှင်းတစ်ခုမှာ bug တစ်ခု ဘယ်လောက်အထိ ရှိနေတယ် ၊ virtual device တွေ အလုပ်မဖြစ်ရင် တစ်ခြားနမူနာတစ်ခုနဲ့boot up လုပ်တာမျိုးတွေ လုပ်ဆောင်ကြပါတယ်။ ဟက်ကာတွေဟာ Corellium ပလက်ဖောင်းကို သုံးပြီး Virtual Apple ထုတ်ကုန်တွေကို ၁၀ မိနစ်အတွင်း ဖန်တီးနိုင်ပါတယ်။

ဒါကြောင့်ပဲ Apple ဟာ Corellium ရဲ့ virtual iPhone replica ပွားမှူဟာ iOS ၊ Graphical User Interface နဲ့တစ်ခြား ဆက်စပ်နည်းပညာဆိုင်ရာ မူပိုင်ခွင့်ချိုးဖောက်မှူနဲ့တရားစွဲလိုက်တာပါ။ Corellium ကတော့ ကုမ္ဗဏီရဲ့ ရည်ရွယ်ချက်ဟာ software bug အားနည်းချက်တွေကို ဖော်ထုတ် တင်ပြမယ့် White Hat ဟက်ကာတွေအတွက် ရည်ရွယ်တာလို့ပြောပါတယ။်

Photo: Tech Crunch

Apple ဟာ bug Bounty အနေနဲ့သူ့ရဲ့ စနစ်မှာ ရှိတဲ့ ချို့ယွင်းချက်ကို ဖော်ထုတ်နိုင်သူကို ဒေါ်လာ ၁ သန်း ဆုပေးတဲ့ ပရိုဂရမ်တစ်ခု တည်ထောင်ထားပါတယ်။ “ Corellium ကတော့ Apple ရဲ့ ဆော့ဖ်ဝဲလ်မှာ လုံခြုံရေး ယိုပေါက်တွေ ဖော်ထုတ်ဖို့Research tool လုပ်တာလို့ပြောပေမယ့် တကယ့်ရည်ရွယ်ရင်းက မူပိုင်ခွင့်ကို ချိုးဖောက်ပြီး အကျိုးအမြတ်တွေ ရဖို့ပါပဲ” လို့Apple ရဲ့ ထုတ်ပြန်ချက်မှာ ဖော်ပြထားပါတယ်။

မူပိုင်ခွင့်ချိုးဖောက်မှူနဲ့Corellium ကို Apple ဟာ ဖလော်ရီဒါ West Palm Beach တရားရုံးမှာ တရားစွဲထားပါတယ်။



က္က