ညနေ ၄ နာရီအထိ ကျင်းပသွားမှာပါ
Nyein Min Wai

ရန်ကုန်ကွန်ပျူတာတက္ကသိုလ်မှ ၂၀၁၄ ခုနှစ်ကစပြီး ကျင်းပလာခဲ့တဲ့ IT Camp ဟာ ယခုအကြိမ်နဲ့ဆို စတုတ္ထအကြိမ်မြောက် ရောက်လာပြီ ဖြစ်ပါတယ်။

 

၂၀၁၆ ခုနှစ် တစ်နှစ်ကလွဲပြီး နှစ်စဉ် ကျင်းပလာတဲ့ UCSY IT Camp ဟာ နည်းပညာပိုင်းဆိုင်ရာအကြောင်းအရာများအပြင် ဗဟုသုတရဖွယ်များပါ ဆွေးနွေးဖလှယ်ခဲ့တာ ဖြစ်ပြီး ဦးဆောင်ဆွေးနွေးသည့် ပုဂ္ဂိုလ်နဲ့တက်ရောက်နားထောင်သူ ပရိတ်သတ်များ ထိတွေ့ရတဲ့ အိုင်တီပွဲတစ်ပွဲလည်း ဖြစ်ပါတယ်။ ယခုနှစ်အတွက် UCSY IT Camp 2018 ကို ဇူလိုင် ၂၅ ရက် မနက် ၉ နာရီမှ ညနေ ၄ နာရီအထိ ပြုလုပ်သွားမှာ ဖြစ်ပြီး အိုင်တီနယ်ပယ်မှ နာမည်ကျော်ပုဂ္ဂိုလ်များမှ Guest speakers များအဖြစ် ဦးဆောင်ဆွေးနွေးသွားမှာပါ။

ဒီပွဲမှာ MCPA ဥက္ကဌ ဦးသောင်းဆုငြိမ်း ၊ UCSY ပါမောက္ခ ဒေါက်တာ မီမီဆုသွင် ၊ Fairway Technology ပူးတွဲတည်ထောင်သူ ကိုအိမောင် ၊ KBZ Bank မှ CIO ပီတီ ကူးပါး အပါအဝင် အိုင်တီနယ်ပယ်အစုံမှ ပညာရှင်များစွာ တက်ရောက်ဟောပြောသွားမယ်လို့ဆိုပါတယ်။ UCSY IT Camp 2018 မှာ ဟောပြောမယ့် ပုဂ္ဂိုလ်များရဲ့ အချိန်စာရင်းနဲ့နေရာ room များကို သိဖို့အတွက်လည်း  အန်းဒရိုက် app ကနေ ဝင်ရောက်ကြည့်ရှုနိုင်မှာပါ။

 

နှစ်စဉ် ကျင်းပနေကျ UCSY IT Camp ဟာ တက်ရောက်သူ ၂၅၀၀ နဲ့အထက် ရှိပြီး စိတ်ဝင်စားဖွယ် အိုင်တီနဲ့လူမှုဘဝအတွေ့အကြုံများ ဖြန့်ဖြူးတဲ့ ပွဲတစ်ခုလည်း ဖြစ်ပါတယ်။


Author


က္က