South China Morning Post မှ သတင်းအရင်းအမြစ်များအရ စစ်တပ်နဲ့အစိုးရအဖွဲ့အစည်းပေါင်း ၃၀ ကျော်ဟာ မကြာသေးခင်နှစ်များအတွင်း ပြည်နယ် ၅ ခုရဲ့ ကောင်းကင်ကနေ စောင့်ကြည့်ထောက်လှမ်းနိုင်မယ့် ငှက်ပုံစံ ဒရုန်းနဲ့အခြား ဆက်စပ်ပစ္စည်းများ အသုံးပြုခဲ့တယ်လို့ဖော်ပြထားပါတယ်။ တရုတ်အစိုးရရဲ့ ဒီပရိုဂရမ်ကို Dove လို့လျှို့ဝှက်နာမည်ပေးထားပြီး ရှီအန်းအနောက်မြောက်ပိုင်း ပိုလီနည်းပညာတက္ကသိုလ် ပါမောက္ခ ဆွန်ဘီဖန်းက ဦးဆောင်အကောင်အထည်ဖော်နေတယ်လို့ ဆိုပါတယ်။ ဆွန်ဟာ အာရှရဲ့ ပထမဆုံး ပဉ္စမမျိုးဆက် ရေဒါအသံစနစ်နဲ့မဖမ်းနိုင်တဲ့ ဖိုက်တာဂျက်လေယာဉ်ပျံ စီမံကိန်း Chengdu J-20 ကို ဦးဆောင်ခဲ့တဲ့ အကြီးတန်း သိပ္ပံပညာရှင်ဟောင်းတစ်ယောက်လည်း ဖြစ်နေပါတယ်။

တရုတ်နိုင်ငံသားများကို စောင့်ကြည့်ရေးအစီအစဉ်အဖြစ် ထုတ်လုပ်ထားတဲ့ ငှက်ဒရုန်းတွေဟာ တကယ့်ငှက်များလို ပျံသန်းနိုင်တဲ့ လျှပ်စစ်မော်တာတပ် တောင်ပံတစ်စုံ ပါရှိပြီး ရုပ်ထွက်မြင့် HD ကင်မရာတစ်စုံ ၊ GPS တည်နေရာပြစနစ် တစ်ခု ၊ ပျံသန်းမှု ထိန်းကျောင်းရေး စနစ်နဲ့ဂြိုလ်တုနဲ့ချိတ်ဆက်ကာ ဒေတာပို့ဆောင်နိုင်တဲ့ နည်းပညာများ ပါရှိထားပါတယ်။ ဒီငှက်ဒရုန်းတွေ အသုံးပြုမှုဟာ အခုချိန်မှာတော့ အတိုင်းအတာအားဖြင့် နည်းပါးဆဲ ဖြစ်ပြီး လာမယ့် အနာဂါတ်မှာ ယခုထက်ပိုပြီး ကြီးမားကျယ်ပြန်လာဖို့ရှိတယ်လို့ဆိုပါတယ်။

မျက်နှာပြင်ဖတ် မျက်မှန်နှင့် ရဲမေတစ်ဦး

တရုတ် CCTV စောင့်ကြည့်ရေးကွန်ရက်ရဲ့ အဆိုအရ လာမယ့် ၂၀၂၀ ပြည့်နှစ်မှာ AI နည်းပညာသုံး CCTV ကင်မရာပေါင်း သန်း ၆၀၀ ကျော်ဟာ နိုင်ငံသားများကို စောင့်ကြည့်မှတ်တမ်းတင်သွားမယ်လို့ဆိုပါတယ်။