တစ်ခြားဈေးကွက်တွေလည်း မိတ်ဆက်သွားမှာပါ
Nyein Min Wai

Facebook ရဲ့ chat app ဖြစ်တဲ့ Messenger မှာပါတဲ့ ဘာသာပြန် feature ဟာ အတော်လေး အလုပ်ဖြစ်နေပြီ ဖြစ်ပါတယ်။ ပြီးခဲ့တဲ့ ဧပြီလတုန်းက ကျင်းပသွားတဲ့ Facebook ရဲ့ F8 Developer conference မှာ မိတ်ဆက်သွားတဲ့ M Translation feature ဟာ အခုဆို စပိန်နဲ့အင်္ဂလိပ်စကားအကြား အလိုအလျောက် ဘာသာပြန်ပေးနေပြီ ဖြစ်တယ်လို့ဆိုပါတယ်။

tJ8pznSzMpH6XiTq5tBFJM-970-80 (1).jpg 

M Translation feature သစ်ဟာ messenger မှာ built-in ပါလာတဲ့ M Suggestions feature နဲ့ချိတ်ဆက်ပြီး ဘာသာပြန်သွားတာပါ။  M Suggestions ကတော့ reply အမြန်ပြန်တာ ၊ polls ခွဲတာ ၊ တည်နေရာကို share တာတွေလိုမျိုးအတွက် ထုတ်ထားတဲ့ feature ဖြစ်ပါတယ်။ Messenger ရဲ့ M Translation ကို အမေရိကန်နဲ့မက္ကဆီကိုမှာ အသုံးပြုနိုင်ပြီ ဖြစ်လို့ စပိန်စကားနဲ့ Messengerမှာ ပြောသူတွေကို Messenger ရဲ့ M bots ကနေ တိုက်ရိုက် ဘာသာပြန်ပေးသွားမှာပါ။ e-Commerce တွေမှာ အမြန်ဝယ်ရောင်း လုပ်နိုင်ဖို့၊ ငွေပေးငွေချေလုပ်တာနဲ့ဂိမ်းလိုမျိုး ဈေးကွက်ကို ဦးတည်ပြီး Facebook ဟာ ဒီ feature ကို မိတ်ဆက်ခဲ့တာလည်း ဖြစ်ပါတယ်။

Messenger မှာ default language ကို အင်္ဂလိပ်စကား ထားထားပြီး ဒီမက်ဆေ့ကို စပိန်လို ဘာသာပြန်ပေးပါဆိုရင် တစ်ခါတည်း စပိန်စကားနဲ့ဘာသာပြန်ပြီး စာပို့သွားမှာပါ။ ဒီအတွက် Facebook ရဲ့ ဆော့ဖ်ဝဲလ်က သုံးစွဲသူကို ဘာသာပြန်မလားဆိုပြီး မက်ဆေ့ပို့သွားမှာ ဖြစ်ပါတယ်။ Facebook ရဲ့ AI ဘာသာပြန်စနစ်ဟာ Google Translate လိုပဲ ပိုပြီး သဘာဝကျတဲ့ ဘာသာပြန်စွမ်းရည်ပါရှိတာ ဖြစ်လို့ M Translation ဟာ တစ်ဘက်လူရဲ့ ပြောလိုရင်းကို အနီးစပ်ဆုံး ဘာသာပြန်နိုင်မယ်လို့ဆိုပါတယ်။ M Translations ကို ပြီးခဲ့တဲ့ မေလကမှ မိတ်ဆက်ခဲ့ပြီး Facebook ဟာ Messenger ကို ရိုးရှင်းတဲ့ ဒီဇိုင်းပြောင်းသွားမယ်လို့ကြေငြာထားပါတယ်။

 

Facebook ဟာ M Translations စနစ်ကို တစ်ကမ္ဘာလုံးမှာ သုံးနိုင်အောင် ဖြန့်ချိသွားမယ်လို့ဆိုပါတယ်။ လက်ရှိမှာတော့ Mi AI Translation စနစ်ကို ဘာသာစကား ၅ မျိုးနဲ့၁၁ နိုင်ငံမှာ မိတ်ဆက်ထားပါတယ်။ Facebook ဟာ Messenger စကားပြောခန်းမှာ autoplay video ads အတိုများ ထည့်သွင်းကြော်ငြာသွားဖို့စီစဉ်ထားသလို AR နည်းပညာနဲ့စီးပွားရေး ထုတ်ကုန်များကို 3D မော်ဒယ်အဖြစ် ပြသသွားဖို့လည်း လုပ်ဆောင်နေပါတယ်။


ဆက်စပ်အကြောင်းအရာများ


က္က