တရုတ်စမတ်ဖုန်းဈေးကွက်မှာတော့ ဈေးကွက်ဝေစု ၁% အောက်မှာပဲ ရှိပါတယ်
Nyein Min Wai

၂၀၁၇ ခုနှစ်က စံချိန်တင် ဝင်ငွေရရှိခဲ့တဲ့ Samsung Electronics ဟာ အခုချိန်မှာ ပထမဆုံးအကြိမ် ဝင်ငွေကျဆင်းမှုနဲ့ကြုံနေပြီလို့ဆိုပါတယ်။

Photo: New York Times   



     Samsung ရဲ့ အဓိက အမာခံဈေးကွက်ဖြစ်တဲ့ တရုတ်နိုင်ငံဘက်မှ ဝယ်လိုအား ကျလာခြင်းကြောင့် သုံးလပတ်ဘဏ္ဍာရေး အညွှန်းကိန်းမှာ နှစ်နှစ်အတွင်း ပထမဆုံးအကြိမ် အကျဘက်ကို ပြလာတာ ဖြစ်တယ်လို့Reuters သတင်းမှာ ဖော်ပြထားပါတယ်။ ကမ္ဘာ့ထိပ်တန်း စမတ်ဖုန်းနဲ့semiconductors ကုမ္ပဏီကြီးတစ်ခုဖြစ်တဲ့ Samsung Electronics ရဲ့ လေးပတ်မြောက်ဘဏ္ဍာရေး ရလဒ်တွေကို ဇန်နဝါရီ ၈ ရက်နေ့မှာ ကြေငြာသွားမျာပါ။

         စတုတ္ထသုံးလပတ်အတွင်း Samsung ဟာ လုပ်ငန်းအမြတ်ငွေ ဝမ် ၁၃.၃ ထရီလီယံ (ဒေါ်လာ ၁၁.၈၅ ဘီလျံ) အထိ ကျဆင်းဖို့ရှိတယ်လို့Refinitiv ဘဏ္ဍာရေးအဖွဲ့အစည်းမှ ခန့်မှန်းထားပါတယ်။ ဒါဟာ နှစ်အလိုက် လုပ်ငန်းလည်ပတ်အမြတ်ငွေ ၁၂ % ကျဆင်းလာတာလည်း ဖြစ်မှာပါ။

         HI Investment & Securities ကတော့ Samsung ဝင်ငွေကျဆင်းမှုဟာ တရုတ်ဈေးကွက်ကြောင့်လို့သုံးသပ်ထားပါတယ်။

         "ဝယ်လိုအားနည်းလာတဲ့ တရုတ်ကြောင့် Samsung ချပ်စ် ရောင်းအားကျဆင်းလာပါလိမ့်မယ်။ တရုတ်စမတ်ဖုန်းဈေးကွက်တစ်ခုလုံးကလည်း ငြိမ်ပြီး အကျဘက်ကို ဦးတည်နေပါတယ်။ ဒါကြောင့် Apple တင် အထိနာတာမဟုတ်ဘဲ Samsung ပေါ်လည်း သက်ရောက်မှု ရှိလာမှာပါ" လို့HI Investment & Securities မှ အကြီးတန်း သုတေသီ ဆောင်မြောင်ဆပ်က ဆိုပါတယ်။

         Samsung ရဲ့ ပြိုင်ဘက်ကုမ္ပဏီ Apple မှလည်း iPhone ရောင်းအားကျဆင်းမှုမှာ တရုတ်ဈေးကွက်ကြောင့်လို့ဝေဖန်ထားပါတယ်။ တရုတ်ဈေးကွက်မှာ iPhone အရောင်းကျလာခြင်းဟာ Apple အတွက် ဒေါ်လာ ၉ ဘီလျံအထိ ထိခိုက်နစ်နာဖို့ရှိတယ်လို့Apple ရဲ့ CEO တင်မ်ကွတ်က ကုမ္ပဏီရဲ့ ရင်းနှီးမြှပ်နှံသူတွေကို ပြောထားပါတယ်။

         တရုတ်စမတ်ဖုန်းဈေးကွက်မှာ Samsung ဟာ ဈေးကွက်ဝေစု ၁ % အောက်မှာ ရှိပြီး Apple ကတော့ ၉% ရထားတာ ဖြစ်ပါတယ်။ memory နဲ့processor chip တွေမှာတော့ Samsung ဟာ ဈေးကွက်ရဲ့ ၃၈%အထိ ရထားတယ်လို့ဆိုပါတယ်။ စမတ်ဖုန်းဈေးကွက်အပျက်မှာ Samsung ရဲ့ chip စီးပွားရေးတစ်ခုလုံး ပျမ်းမျှ လုပ်ငန်းအမြတ်ငွေဟာ ပြီးခဲ့တဲ့နှစ်ကထက် ၃.၇% အထိ ကျလာဖို့ရှိနေပါတယ်။ 


ဆက်စပ်အကြောင်းအရာများ


Author

  • Nyein Min Wai

    Content Writer (Duwun Tech)


က္က