loophole တစ်ခုတော့ ရှိနေပါတယ်။
Nyein Min Wai

ဇူလိုင်လ ၉ ရက်နေ့က iOS 11.4.1 ဖြန့်ချိချိန်မှာ USB Resticted Mode ဆိုပြီး လုံခြုံရေး feature သစ်တစ်ခု ပါဝင်လာပါတယ်။

4E12508400000578-0-image-a-29_1531167727714.jpg

photo: DailyMail

 

iOS ထုတ်ကုန်တွေရဲ့ passcode ဟာ လုံခြုံရေးမြင့်မားပေမယ့် ပြဿနာတစ်ခု ရှိပါတယ်။ အဲဒါကတော့ iPhone/iPad တွေမှာ Lightning Port ကနေ တစ်ဆင့် USB နဲ့ချိတ်ဆက်ပြီး passcode တွေကို crack ဖြည်နိုင်တာပါပဲ။ ဒီပြဿနာကို ဖြေရှင်းဖို့Apple ဟာ iOS 11.4.1 မှာ iPhone တွေကို USB device တွေ ချိတ်လို့မရအောင် ကာကွယ်ပေးမယ့် feature သစ်ကို ထည့်သွင်းလိုက်တာပါ။

Apple ဟာ GrayKey လိုမျိုး passcode cracking tools သုံးပြီး ဖုန်းထဲ ဝင်လို့မရစေဖို့USB Resticted Mode ကို ထည့်သွင်းထားတာ ဖြစ်ပါတယ်။ USB Restricted Mode ဖွင့်ထားချိန်မှာ iPhone ဟာ တစ်နာရီကြာတာနဲ့lock ကျသွားမှာ ဖြစ်ပြီး  USB access ပိတ်နေမှာပါ။ iOS ကနေ Lightning port ချိတ်မရအောင် ဖြတ်တောက်သွားမှာ ဖြစ်ပြီး အားပဲသွင်းနေမှာ ဖြစ်ပါတယ်။

iOS 11.4.1 မှာ ပါတဲ့ USB Restricted Mode ကို enable လုပ်ဖို့အတွက် Settings ကနေ Touch ID & Passcode (iPhone X မှာဆိုရင် FaceID & Passcode) ထဲ ဝင်ပြီး USB Accessories toggle ကို ပိတ်လိုက်ရမှာပါ။ ဒါဆိုရင် USB Restricted Mode က ပွင့်နေမှာ ဖြစ်ပါတယ်။

photo: HowToGeek

 

third party software တွေကနေ iPhone ရဲ့ လုံခြုံရေးစနစ်ထဲ ဝင်မရအောင် ပိတ်သွားမယ့် ဒီစနစ်မှာ ပြဿနာတစ်ခုရှိတယ်လို့ဆိုက်ဘာလုံခြုံရေးကုမ္ပဏီ ElcomSoft က သုတေသီတွေကတော့ ဆိုပါတယ်။

"ကျွန်တော်တို့အကြိမ်ကြိမ် စမ်းကြည့်တော့ USB Restricted mode ကို reboot ကနေ ထိန်းပြီး Recovery Mode ကနေ တစ်ဆင့် software ကို ဆက် restore လုပ်သွားတယ်လို့တွေ့ပါတယ်။ ပြောရရင် တစ်ခါတည်းနဲ့တော့ ဒီ mode ကို ဝင်လို့မရဘူးပေါ့။ ကျွန်တော်တို့တွေ့လိုက်တာက iPhone မှာ အရင်က မချိတ်ဘူးတဲ့ USB accessory တစ်ခုခု ချိတ်လိုက်ပြီဆိုရင် USB Restricted Mode ကနေ ဖုန်းကို တစ်နာရီကြာရင် လော့ခ်ပိတ်ဖို့countdown လုပ်လိုက်တာပါပဲ။ "

"ဒီတော့ ရဲတစ်ယောက်ကသာ တရားခံရဲ့ iPhone ကို ရပြီဆိုပါစို့။ ဒီဖုန်းကို compatible ဖြစ်တဲ့ USB နဲ့ချက်ချင်းချိတ်လိုက်ရင် တစ်နာရီကြာမှ active ဖြစ်မယ့် ဒီ mode ကို ရှောင်နိုင်မှာပါ ။ အရေးကြီးတာက ဒီလိုလုပ်ဖို့ကတော့ iPhone ဟာ USB Restricted Mode မဝင်ထားမှ အလုပ်ဖြစ်မှာပါ။"  လို့ElcomSoft မှ လုံခြုံရေးပညာရှင် အိုလက်အက်ဖိုနင်က ပြောပါတယ်။

iPhone လော့ခ်ဖြည်တဲ့ GrayKey တစ်ခု (photo: DailyMail)

 

အက်ဖိုနင်ကတော့ ဒီလိုလုပ်ဖို့Apple ထုတ် USB 3 Camera adapter အတွက် သုံးတဲ့ Lightnign တောင် သုံးလို့ရနိုင်တယ်လို့ဆိုပါတယ်။ တစ်ခုရှိတာက  USB Restricted Mode ကိုတော့ ဝင်ဟက်လို့မရသေးပါဘူး။


Author


က္က