ညဘက်တက်ရတဲ့ ပွဲတွေနဲ့ ရှိုးပွဲတွေ၊ EDM ပွဲတွေမှာ အနီ၊အနက် တွဲစပ်ပြီး လန်းလို့ရပါတယ်။
 

ဆွဲဆောင်မှုအားကောင်းတဲ့ အနီရောင်ကို ပွဲတက်အရောင်လို့လည်း သတ်မှတ်ကြပါတယ်။ ပြည်တွင်း၊ ပြည်ပက မင်းသမီးတွေနဲ့ မော်ဒယ်တိုင်းမှာ အနီရောင်ကို မဝတ်တာ တစ်ယောက်မှမရှိပါဘူး။ ကော်ဇောနီလျှောက်လမ်းနဲ့ အခမ်းအနားတွေမှာဆိုရင်လည်း အနီရောင်ဖက်ရှင်ကို ရွေးချယ်လာသူ တစ်ဦးထက်မနည်း တွေ့ရပါတယ်။ အနီရောင်ရဲ့စွမ်းအားက ကြီးမားလွန်းတော့ အဖြူ၊ အနက်ကလွဲရင် တခြားအရောင်နဲ့ တွဲဝတ်ဖို့က နည်းနည်းတော့ခက်ပါတယ်။ အနီနဲ့တွဲစပ်နိုင်မယ့် အရောင်အချို့တော့ ရှိပါတယ်။

 

၁။ အနီနဲ့ သပြေသီးမှည့်ရောင်

ခရမ်းချဉ်သီးမှည့်လို အနီရောင်ကို သပြေသီးမှည့်ရောင်နဲ့ တွဲဖက်ခြင်းက ဖက်ရှင်ကျတဲ့အသွင်ကို ပေါ်လွင်စေပါတယ်။ အနီရောင်ကို ခန္ဓာကိုယ်အောက်ပိုင်းမှာ ဝတ်ဆင်ပါ။ ခေတ်ရှေ့ပြေးနေတဲ့ စမတ်ကျကျအသွင် ပေါ်ထွက်လာပါလိမ့်မယ်။

 

၂။ အနီနဲ့ အနက်

ဒါကတော့ ဆက်စီအကျဆုံး အရောင်တွဲစပ်မှုပါပဲ။ အထူးသဖြင့် သားရေထည်တွေမှာဆိုရင် ပိုပြီးဆက်ဆီကျတဲ့ပုံ ဖြစ်စေပါတယ်။ ညဘက်တက်ရတဲ့ ပွဲတွေနဲ့ ရှိုးပွဲတွေ၊ EDM ပွဲတွေမှာ အနီ၊အနက် တွဲစပ်ပြီး လန်းလို့ရပါတယ်။

 

၃။ အနီနဲ့ ပန်းရောင်

တည်ငြိမ်တဲ့ အမျိုးသမီးတစ်ဦးရဲ့ ပုံရိပ်ကို လိုချင်ရင်တော့ အနီရောင်ကို ပန်းရောင်နဲ့တွဲစပ်ကြည့်ပါ။ သတိထားရမှာက အနီကိုခပ်များများ ဝတ်ရမှာဖြစ်ပြီး ပန်းရောင်ကိုတော့ အပေါ်ပိုင်း၊ ဒါမှမဟုတ် အနီကို အနားကွပ်ထားတာ ပိုသင့်လျော်ပါတယ်။ သိမ်မွေ့တဲ့ မိန်းမဆန်ဆန်အလှကို ဖြစ်ပေါ်စေတဲ့ အရောင်တွဲစပ်မှုလို့ ဖက်ရှင်ဂုရုတွေက ဆိုကြလေရဲ့။

Source : Livingly



က္က