တဘက်ဆိုတာမျိုးက ၃ ကြိမ် သုံးပြီးရင် လျှော်လိုက်တာအကောင်းဆုံးပါ။
Su Yee Moe

54ffb0af8bcbd-washing-towels-de.jpg 

မျက်နှာသုတ်ပဝါ (တဘက်) က အမွေးပွပွလေးနဲ့ ပျော့ပျောင်းနေမှ အသုံးပြုလို့ ကောင်းပါတယ်။ မာပြီးတောင့်တဲ့ပဝါနဲ့ မျက်နှာကိုသုတ်မယ်ဆို ကြမ်းတမ်းနေလို့ သုတ်ရတာမကောင်းပါဘူး။ နူးညံ့တဲ့အသားအရေပိုင်ရှင်တွေဆို တဘက်ကြမ်းကြမ်းကြီးကြောင့် မျက်နှာသစ်ပြီး ရေသုတ်တိုင်း နီရဲသွားတာမျိုး ဖြစ်ကြပါတယ်။ ဆိုင်ကဝယ်လာတုန်းက နူးညံ့ပြီး အမွေးပွပွလေးဖြစ်နေတဲ့တဘက်ဟာ ကိုယ်တကယ်သုံးတော့မှ မာတောင့်ပြီးကြမ်းလာရတာတော့ ကိုယ့်ရဲ့အသုံးပြုပုံတွေ မှားယွင်းနေလို့ပါပဲ။

towels4__medium.jpg 

၁။ ချိတ်မှာ ချိတ်ထားတဲ့အခါ နှစ်ခေါက်ခေါက်ပြီး မချိတ်ပါနဲ့။ အသုံးပြုပြီးလို့ စိုနေတဲ့ရေတွေက ခေါက်ထားတဲ့နေရာမှာဆို ခြောက်ဖို့ပိုကြာတယ်လေ။ အချိန်ကြာကြာစိုနေတဲ့ တဘက်မှာ ဘက်တီးရီးယားတွေလည်း ကပ်ငြိနိုင်ပါတယ်။

၂။ မလျှော်တာကြာရင် တဘက်က မာတောင့်တောင့်ဖြစ်လာပါလိမ့်မယ်။ တဘက်ဆိုတာမျိုးက ၃ ကြိမ် သုံးပြီးရင် လျှော်လိုက်တာအကောင်းဆုံးပါ။

 

၃။ တစ်ထည်တည်းမသုံးပါနဲ့။ လူတစ်ယောက်ဟာ အနည်းဆုံး တဘက် ၄ ထည်တော့ ရှိထားသင့်ပါတယ်။ တစ်ထည်သုံးပြီး လျှော်ထားချိန် နောက်တစ်ထည် အလဲအလှယ်သုံးလို့ရတာပေါ့။

towel1__medium.jpg 

၄။ လျှော်တဲ့အခါ ကြေး(ဂျီး)ချွတ်ဆေး အများကြီးမသုံးသင့်ပါဘူး။ ကြေးချွတ်ဆေး (Detergent) များများပါတဲ့ ဆပ်ပြာတွေနဲ့ လျှော်မယ်ဆို တဘက်က လျှော်ပြီးတာတောင်မှ မာတောင့်တောင့်ဖြစ်နေလို့ သုတ်လို့မကောင်းတော့ဘူးလေ။

၅။ လျှော်ပြီးတိုင်းလည်း ရေစင်အောင်ဆေးပါ။ အဝတ်လျှော်ပြီးလို့ ရေဆေးတဲ့အခါ ဆေးတဲ့ရေ ကြည်လင်သွားပြီဆိုမှ ဆပ်ပြာတွေ ပြောင်စင်သွားကြောင်း သိနိုင်ပါတယ်။ ဆပ်ပြာမပြောင်ရင်လည်း တဘက်က မာတောင့်နေပါလိမ့်မယ်။

Source : GHK


က္က