သံပရိုသီးမှာပါတဲ့ အချဉ်ဓာတ်က သွားနဲ့ခံတွင်းကို ပျက်စီးစေလို့ပါတဲ့။
Su Yee Moe

water-and-weight-loss.jpg 

ဝိတ်ချဖို့အတွက် သံပရိုသီးကို ရေအေးနဲ့တစ်မျိုး ရေနွေးနဲ့တစ်ဖုံ သောက်သုံးလေ့ရှိကြပါတယ်။ သံပရိုသီးကို အကွင်းလေးတွေလုပ်ပြီး ရေစိမ်သောက်ခြင်းက မြန်မြန်ဆန်ဆန် ပိန်စေတယ်လို့လည်း ယုံကြည်ကြပါတယ်။ ဒါပေမဲ့ သွားဆရာဝန်တွေကတော့ ဒါကိုကန့်ကွက်ကြပါတယ်။ သံပရိုသီးမှာပါတဲ့ အချဉ်ဓာတ်က သွားနဲ့ခံတွင်းကို ပျက်စီးစေလို့ပါတဲ့။ ဒါဆိုရင် ပိန်ဖို့အတွက် တခြား ထိရောက်တဲ့ သောက်စရာတစ်ခုခုမရှိဘူးလား?

ဆက်စပ်ဖတ်ရှုချင်စရာ ---> သံပရိုရေနွေး အသောက်များရင် ဖြစ်လာနိုင်တဲ့ဆိုးကျိုး (၃) ခု

coffee-625_625x350_61444896779.jpg 

၁။ ကော်ဖီ

သဘာဝ အားဖြည့်အရည်လို့ပဲ ခေါ်လိုက်ရအောင်။ ကာယလေ့ကျင့်ခန်းမလုပ်မီ ကော်ဖီသောက်ခြင်းဟာ လေ့ကျင့်ခန်းကို ပိုပြီးထိထိရောက်ရောက် အားစိုက်လုပ်နိုင်ဖို့ လှုံ့ဆော်ပေးတယ်လို့ သုတေသနတစ်ခုက ဆိုဖူးပါတယ်။ ကော်ဖီသောက်ပြီး လေ့ကျင့်ခန်းများများလုပ်တော့ ကယ်လိုရီတွေ များများလောင်ကျွမ်းကာ ဝိတ်ကျလာမှာပါ။ ဒါပေမဲ့ ဘလက်ကော်ဖီဖြစ်ဖို့တော့ လိုပါတယ်။

gettyimages-558302225-morewater-nawarit-rittiyotee-slash-eyeem_0.jpg 

၂။ ရေခဲရေ

ဟုတ်ပါတယ်။ ဘာမှထပ်ဖြည့်မထားတဲ့ ရိုးရိုး ရေခဲရေပါ။ ခန္ဓာကိုယ်အပူချိန်က ၉၈.၆ ဒီဂရီဖာရင်ဟိုက် ရှိနေမှ ကျန်းမာတဲ့ ကိုယ်အပူချိန်ရှိတယ်လို့ ဆိုရမှာဖြစ်ပါတယ်။ ဒီအပူချိန်ကို ထိန်းထားနိုင်ဖို့အတွက် ခန္ဓာကိုယ်က စွမ်းအင်များများ သုံးရပါတယ်။ တကယ်လို့သာ ရေခဲရေကို သောက်ပေးမယ်ဆို ခန္ဓာကိုယ်အပူချိန်ကို ထိန်းပေးထားမှာပါ။ တစ်နေ့ကို ရေခဲရေ ၂၄ အောင်စ (ဝ.၇၁ လီတာခန့်)ကို သုံးကြိမ်သောက်ပေးခြင်းက ကယ်လိုရီ ၁၀၀ လောက်ကို လောင်ကျွမ်းစေမယ့်သဘောပါပဲ။

 

၃။ Green tea

လက်ဖက်စိမ်းရေနွေး (ရေနွေးကြမ်း) ဟာ လူကိုဘေးမဖြစ်စေဘဲ ကယ်လိုရီကို လောင်ကျွမ်းပေးနိုင်တဲ့နေရာမှာတော့ ဆရာတစ်ဆူပေါ့။ လေ့လာမှုတစ်ခုအရ ရေနွေးကြမ်း တစ်နေ့ကို ၄ ခွက်နှုန်းနဲ့ သောက်သုံးလိုက်တဲ့အခါ ၂လ အကြာမှာ ၆ ပေါင်နဲ့အထက် ဝိတ်ကျသွားတယ်လို့ သိရပါတယ်။ လက်ဖက်ခြောက်ကတော့ သန့်စင်တဲ့ လက်ဖက်ခြောက်ဖြစ်ဖို့ လိုအပ်တာကို မမေ့ပါနဲ့။ ဆိုးဆေးနဲ့ ဖုန်တွေကပ်ငြိနေတဲ့ လက်ဖက်ခြောက်မျိုးကို ရှောင်ကြဉ်ရပါမယ်။

Source : Weightloss


က္က