ကိုယ့်အိမ်လေးကို ဆန်းဆန်းပြားပြားလေး အလှဆင်ထားတဲ့အခါ ရောက်လာသူတွေလည်း ပျော်ရတယ်။ ကိုယ်တိုင်လည်း စိတ်ချမ်းသာရတယ်လေ။
Su Yee Moe

1430929351-front-door4.jpg 

၁။ လာဗင်ဒါခြင်းလေး

ခရမ်းရောင် လာဗင်ဒါပန်းလေးတွေက နည်းနည်းနဲ့ အနံ့များများပျံ့လွင့်နိုင်သလို မျက်စိလည်း ပသာဒဖြစ်စေပါတယ်။ မြန်မာနိုင်ငံမှာတော့ လာဗင်ဒါက ပန်းခြောက်ပုံစံနဲ့ပဲ ဝယ်ရတာမို့ ပန်းခြောက်လေးကို ထိုးထားရင်တောင် လှနေပါပြီ။ ခြင်းလေးတစ်ခုထဲမှာ လာဗင်ဒါတွေထည့်ပြီး တံခါးဝမှာ ချိတ်ထားလိုက်ပါ။

1430929357-front-door8.jpg 

၂။ ကျောက်သင်ပုန်း

ခြင်းတစ်လုံးထဲကို ပန်းခြောက်မျိုးစုံရောထည့်၊ အရွက်လေးတွေပါထည့်ပြီး ကျောက်သင်ပုန်းလေးနဲ့ တွဲထားမယ်ဆို ကြည့်လို့အတော်ကောင်းပါတယ်။ ကျောက်သင်ပုန်းလေးပေါ်မှာ မြေဖြူလေးနဲ့ စာလေးရေးထားလိုက်ပါဦး။ Welcome တို့ Home Sweet Home တို့လိုမျိုးပေါ့။ ကျောက်သင်ပုန်းဝယ်ရခက်မယ်ဆို သစ်သားပြားကို ဆေးအနက်သုတ်ပြီး အပေါ်က ဆေးအဖြူနဲ့ ရေးထားလိုက်ရင်လည်း ရတာပဲမဟုတ်လား။

1430929363-front-door11.jpg 

၃။ ထီးလေးတစ်ချောင်း

ဂေါက်ထီးလို့ ခေါ်ကြတဲ့ လက်ကိုင်ပါထီးရှည်တစ်ချောင်းကိုလည်း ချိတ်ထားလို့ရသေးတယ်။ ဇောက်ထိုးချိတ်ထားပြီး အထဲမှာ ပန်းလေးတွေဖြည့်ထားလိုက်တဲ့အခါ မျက်စိထဲ တစ်မျိုးလေး ဆန်းနေပါလိမ့်မယ်။ အိမ်လာတဲ့သူတွေကတော့ ဒါလေးကို သဘောကျကြမှာပါ။ မိုးရာသီနဲ့ ဆောင်းရာသီတွေမှာ အလှဆင်ဖို့အတွက် အကောင်းဆုံးဒီဇိုင်းလည်း ဖြစ်ပါတယ်။

1430929352-front-door5.jpg 

၄။ သစ်သားပြားလေး

ကိုယ့်တံခါးရွက်က သစ်သားနဲ့ လုပ်ထားတာဆိုရင်တော့ ဒီပုံစံလေးက ပိုအဆင်ပြေပါတယ်။ အရောင်ရင့်ရင့် သုတ်ဆေး သုတ်ထားတာက အလိုက်ဖက်ဆုံးပါ။ သစ်သားပြားလေးတွေမှာ စာရေးပြီး အပေါက်ဖောက်ကာ အုန်းဆံကြိုးလေးနဲ့ ချိတ်ဆွဲထားတဲ့ဒီဇိုင်းမျိုးက ကဗျာဆန်ဆန်နဲ့ စိတ်ကူးသစ်တွေကို ဖော်ထုတ်ပေးနိုင်မယ်လို့ ထင်ပါတယ်။ ရာသီဥတု ကြည်လင်တဲ့နေ့ရက်တွေအတွက် အလိုက်ဖက်ဆုံး အလှဆင်မှုဆိုလည်း မမှားပါဘူး

Source : Womanday


က္က