မနက်ခင်းပိုင်းမှာ အသားအရေကို အဆင့်အလိုက် ဂရုစိုက်ပေးသွားမယ်ဆို မိတ်ကပ်လိမ်းရတာပိုကောင်းပါတယ်။
Su Yee Moe

8-Facial-Cleansing-Mistakes-You-Must-Avoid1.jpg 

၁။ အညစ်အကြေးတွေ ဖယ်ရှားတဲ့အဆင့်

မျက်နှာသစ်တာလို့ အလွယ်ပြောလို့ရပေမဲ့ တကယ်တမ်းတော့ ဒီ့ထက်ပိုပါတယ်။ အရေပြားမှာ အောင်းနေတဲ့ အညစ်အကြေး၊ အဆီတွေကို ဖယ်ရှားသန့်စင်ပေးရပါမယ်။ ဒါမှသာ အရေပြားက လန်းဆန်းပြီး ဘာလိမ်းလိမ်း လိမ်းလို့ပိုကောင်းမှာပါ။

၂။ အစိုဓာတ်ဖြည့်မယ့် Mist

အသားအရေလေး ကြည်လင်စိုပြေအောင် အားဖြည့်ပေးမယ့် mist လေး ဖြန်းပေးပါ။ Mist ကို အစိုဓာတ်ဖြည့်ခရင်မ် သို့မဟုတ် serum မလိမ်းမီ အရင်ဖြန်းပေးရပါတယ်။ မိတ်ကပ်လိမ်းရတာ ချောချောမွေ့မွေ့လေးဖြစ်ပြီး မိတ်ကပ်ပိုစွဲပါတယ်။

30-1485749028-5.jpg 

၃။ Serum

Serum ကို အသုံးပြုခြင်းဟာ အသားအရေကို နုပျိုစေပါတယ်။ အသားအရေတင်းရင်းဖို့အတွက် အထောက်အကူဖြစ်စေပြီး လျော့တွဲနေတဲ့ အသားအရေကို ပြုပြင်ပေးပါတယ်။

၄။ အစိုဓာတ်ဖြည့် (Moisturize)

မျက်နှာအတွက် အစိုဓာတ်ဖြည့်ပေးရမယ့် အဆင့်ကို ရောက်ပါပြီ။ လုံးဝ ကျော်သွားလို့မရတဲ့ အဆင့်ပါ။ အရေပြားက အစိုဓာတ်များစွာ လိုအပ်ပါတယ်။ နေရောင်ခြည်ကို ကာကွယ်ပေးနိုင်တဲ့ အစိုဓာတ်ဖြည့်ခရင်မ် သို့မဟုတ် အရည်ကို သုံးသင့်ပါတယ်။

 

၅။ မျက်အိတ်တွဲတာကိုဖြေရှင်းပါ

အိပ်ရာကနိုးတဲ့အခါ မျက်အိတ်တွဲနေတာကြီး မြင်ရရင် သိပ်စိတ်ညစ်တာပဲ။ ဒါပေမဲ့ ဖြေရှင်းနည်းတွေ ရှိပါတယ်။ Eye cream လိမ်းမယ်ဆိုရင် မလိမ်းခင် ခရင်မ်ကို ရေခဲသေတ္တာထဲမှာ ခဏထားပြီးမှ လိမ်းပါ။ အအေးဓာတ်ကြောင့် မျက်အိတ်တွဲတာ သက်သာသွားပါလိမ့်မယ်။ သုံးပြီးသားလက်ဖက်ခြောက်အိတ်လေးတွေကိုလည်း အအေးခံပြီး မျက်လုံးမှာကပ်လို့ရပါတယ်။

o-DRINKING-WATER-facebook.jpg 

၆။ ရေများများသောက်

ရေသောက်ဖို့ ခဏခဏ သတိပေးပါတယ်။ ရေဓာတ်ပြည့်ဝနေဖို့က အရေးကြီးလို့ပါ။ ခုလိုနွေမှာဆို ပိုတောင်အရေးကြီးသေးတယ်။ ရေဓာတ်မလုံလောက်တဲ့အခါ ခန္ဓာကိုယ်က နွမ်းနယ်နုံးချိလာမယ်၊ အသားအရေလည်း မလှတော့ဘူး။

Source : Style Crazy


က္က