အရမ်းတိုလွန်းတာတွေနဲ့ ခြေမျက်စိဖုံး ဂါဝန်၊ စကတ်တွေက ခေးနဲ့ မလိုက်ဘူးနော်။
Su Yee Moe

အရပ်ပုတယ်ဆိုတာ စိတ်ညစ်စရာမှမဟုတ်တာ။ ပုလို့နုတယ်ဆိုတဲ့စကားတောင် ရှိပါသေးတယ်။ အဝတ်အစားချုပ်ရင်လည်း ပိတ်စဖိုး အကုန်ကျသက်သာတယ်။ အဓိကက ကိုယ်နဲ့လိုက်ဖက်တာကို ဝတ်နိုင်ဖို့ပဲ။ ကိုယ်ကသာ ဖက်ရှင်ကျကျ လန်းပြမယ်ဆို အရပ်ရှည်ပါတယ်ဆိုတဲ့လူတွေကတောင် ကိုယ့်ကိုပြန်ငေးသွားလောက်တယ်။

 

၁။ စီးရတာသက်တောင့်သက်သာရှိမယ့်ဒေါက်ဖိနပ်

အရပ်ပုလို့ဆိုပြီး ၅ လက်မမြင့်တဲ့ ခဲချွန်ဒေါက်ဖိနပ်တွေချည်း စီးနေရမယ်လို့ မဆိုလိုပါဘူး။ ကိုယ့်အရပ်ကို နည်းနည်းလောက် ပိုပြီးမြင့်သွားစေမယ့်ဒေါက်ဆိုရင် ရပါပြီ။ တပြေးညီဒေါက်တွေက ပိုအဆင်ပြေပါလိမ့်မယ်။ ခြေမျက်စိတဝိုက်မှာ သိုင်းကြိုးပါရမယ်၊ ဒေါက်က ထူထူပြန့်ပြန့်ဖြစ်ရမယ် ဒါဆိုရင် ရပါပြီ။ ဒေါက်ဖိနပ်စီးပြီး သက်တောင့်သက်သာမရှိ၊ လမ်းလျှောက်လို့မကောင်းရင် ဂွမ်းပြီလေ။

short_fashion_wide_leg.jpg 

၂။ ဘောင်းဘီပွပွ

ခုခေတ်မှာ အောက်ရှုးအကျပ် (skinny)တွေ ခေတ်စားနေတယ်။ မရွေးပါနဲ့။ ကိုယ့်ကို ပိုပုသွားစေတဲ့ဖက်ရှင်ကြီးနော်။ စတိုင်လ်ပန်လို့ခေါ်ကြတဲ့ တစ်ဖြောင့်တည်းဘောင်းဘီမျိုးကို အပေါ်နဲ့အောက် အကျယ်တူတဲ့ ဘောင်းဘီကိုပဲ ရွေးလိုက်ပါ။

short_fashion_coat.jpg 

၃။ မတိုမရှည်ကုတ်

မတိုမရှည်ဆိုတာမျိုးက ကိုယ့်အရပ်နဲ့ဆို ဝတ်ထားရင် ပေါင်လယ်လောက် ရောက်တဲ့ ကုတ်အကျႌမျိုးကို ဆိုလိုတာပါ။ ခါးအတိမျိုးနဲ့လည်း မလိုက်သလို ဒူးကျော်သွားရင်လည်း လူကိုပိုပုသလို မြင်ရစေပါတယ်။

short_fashion_v_neck.jpg 

၄။ V လည်ပင်းပေါက်နဲ့ ဘလောက်စ်အကျႌ

ရာသီဥတုမရွေး ဝတ်တဲ့ ဘလောက်စ်တွေထဲမှာ လည်ပင်းပေါက်က V ပုံသဏ္ဍန် ဖြစ်နေတာကို ရွေးသင့်ပါတယ်။ အပေါ်ကနေ အောက်ကို ဇောက်ထိုးပုံစံ မြင်သွားစေလို့ ကိုယ့်ခါးက ပိုသွယ်သွားသယောင် ဖြစ်စေပါတယ်။ ချည်သားဘလောက်စ်လေးတွေက အလိုက်ဖက်ဆုံးလေ။ နွေရာသီနဲ့ အံကိုက်ပဲ။

short_fashion_midi.jpg 

၅။ ဒူးနားဝဲတဲ့ဂါဝန်လေးတွေ

အရမ်းတိုလွန်းတာတွေနဲ့ ခြေမျက်စိဖုံး ဂါဝန်၊ စကတ်တွေက အရပ်ပုတဲ့ခေးနဲ့ မလိုက်ဘူးနော်။ ဝတ်ချင်သပဆိုပြီး ဝတ်လိုက်ရင် ကိုယ့်အလှတောင် ပျက်သွားဦးမယ်။ သူများဝတ်တော့လှပြီး ကိုယ်ဝတ်မှ မလှတော့ သူငယ်ချင်းတွေကိုတောင် အမြင်ကတ်မိမှာ။ ကိုယ်နဲ့လိုက်တဲ့ စကတ်ဆိုတာ ဒူးနားဝဲနေမယ့် ခြေသလုံးတစ်ဝက်နားလောက်က ကွက်တိပဲဆိုတာ သိထားရင် ဒီဇိုင်းစုံအောင်ဝတ်ပြီး ဖလန်းဖလန်းထလို့ရပါလိမ့်မယ်။

Source : Purewow


ဆက်စပ်အကြောင်းအရာများ


က္က