ဈေးက တရိပ်ရိပ်တက်နေပြီး ဘယ်တော့မှပြန်မကျဘူး။
Su Yee Moe

Hermes-Diamond-Birkin.jpg 

လက်ထဲကငွေတွေကို ရင်းနှီးမြှုပ်နှံတဲ့အခါ စတော့ရှယ်ရာ သို့မဟုတ် ရွှေဝယ်စုပြီး ရင်းနှီးထားကြတယ်။ ဈေးတက်လာရင် ပြန်ရောင်းပေါ့။ အိတ်တစ်လုံးကို ရွှေစုသလို စုထားရင် ပိုတောင်မြတ်ဦးမယ်လို့ ဖက်ရှင်ကျွမ်းကျင်သူတွေက ဆိုလိုက်ပါတယ်။

Hermès အမှတ်တံဆိပ်ရဲ့ Hermès Birkin လက်ကိုင်အိတ်ကို ဝယ်ထားပြီး ပြန်ရောင်းမယ်ဆို အမြတ်များစွာ ရနိုင်တယ်လို့ အွန်လိုင်းဈေးကွက်ဝက်ဘ်ဆိုက် Baghunter က ဖော်ပြထားတာပါ။ ယင်းဝက်ဘ်ဆိုက်ဟာ တန်ဖိုးကြီးလက်ကိုင်အိတ်တွေကို ဝယ်ရောင်းလုပ်နေမှုအပေါ် လေ့လာသုံးသပ်ပြီး မှတ်ချက်ပေးခဲ့တာ ဖြစ်ပါတယ်။ Hermès Birkin အိတ်တွေရဲ့ ဈေးနှုန်းဟာ လွန်ခဲ့တဲ့ ၃၅ နှစ်အတွင်းမှာ ရွှေဈေးလိုပဲ မြင့်တက်လာခဲ့တယ်လို့ သိရပါတယ်။

An-Hermes-Extraordinary-Collection-25-cm-98-inches-shiny-black-Nilo-crocodile-Birkin-bag.jpg 

ဈေးကွက်ထဲက ရင်းနှီးမြှုပ်နှံမှု သုံးမျိုးကို လေ့လာကြည့်ရာမှာ စတော့ရှယ်ယာပိုင်းက ပုံမှန် ပျမ်းမျှအကျိုးအမြတ်ရရှိမှုဟာ ၁၁.၆၆ % သာ ရှိပါတယ်။ ရွှေစုထားပြီး ပြန်ရောင်းရင် ၁.၉ % သာ ပြန်မြတ်လေ့ရှိပါတယ်။ Hermès Birkin အိတ်ကို ဝယ်ထားပြီး ပြန်ရောင်းမယ်ဆို တစ်နှစ်မပြည့်ခင်မှာပဲ အမြတ်ပိုများများနဲ့ ပြန်ရောင်းထုတ်နိုင်ပါလိမ့်မယ်။ ဈေးက တရိပ်ရိပ်တက်နေပြီး ဘယ်တော့မှပြန်မကျတဲ့အပြင် တစ်နှစ်အတွင်းမှာပဲ ၂၅% လောက် ပြန်မြတ်နိုင်တယ်လို့  Baghunter က ရေးသားထားတာ တွေ့ရပါတယ်။ 

auction-christies-anniversary.jpg 

Hermès Birkin အိတ်တွေဟာ အဆင့်အတန်းမြင့် ကြေးရတတ်အသိုင်းအဝိုင်းတွေသာ ကိုင်နိုင်လေ့ရှိတဲ့ တန်ဖိုးကြီးအိတ်အမျိုးအစား ဖြစ်ပါတယ်။ ၂၀၁၅ ခုနှစ်တုန်းကဆိုရင် မိကျောင်းသားရေနဲ့လုပ်ထားတဲ့ Hermès Birkin အိတ်တစ်လုံးဟာ အမေရိကန်ဒေါ်လာ ၂၂၃,၀၀၀ နဲ့ ရောင်းထွက်ခဲ့ဖူးတဲ့အထိပါပဲ။

Source : Independent


က္က