ဒီလိုမေးလိုက်မှ သူ့ဘက်က သင့်မျက်နှာကျကို ပိုလေ့လာဖြစ်ပြီး သင်ညှပ်ချင်တဲ့ပုံဟာ တကယ်လိုက်ဖက်မှုရှိမရှိ မညှပ်ခင် သေချာသုံးသပ်ဖြစ်သွားမှာပါ။
Thurein Tun
 

ဆံပင်ညှပ်ဆိုင်သွားပြီး ပြန်လာတဲ့အခါ လူတိုင်းမှာ စိတ်ဆန္ဒတစ်ခုရှိပါတယ်။ ဒါကတော့ နဂိုကထက် ကြည့်ကောင်းတဲ့ပုံစံမျိုးရှိနေချင်တာပါ။ နဂိုထက်မကောင်းဘူးဆိုရင်တောင် ကိုယ်နဲ့လိုက်ဖက်ပြီး ပုံမှန်ကြည့်ကောင်းတဲ့ ပုံလေးတော့ ရချင်ပါတယ်။ မလိုက်ဖက်တဲ့ ပုံကို ညှပ်မိရတဲ့အကြောင်းအရင်းတွေထဲမှာ ဆံသဆရာနဲ့ သေချာညှိနှိုင်းခြင်းမရှိတဲ့အချက်လည်း ပါဝင်ပါတယ်။ ဆံပင်မညှပ်ခင် ဆံသဆရာကို ဒီအချက်လေးတွေ မေးပြီးမှ ညှပ်သင့်ပါတယ်။

၁ - လိုက်ပါ့မလား

ဒါက မေးကို မေးရမှာပါ၊ ဘော့ဘ်ဆံပင်ပုံစံမျိုးဟာ တခြားလူတွေဆီမှာ ကြည့်ကောင်းပေမယ့် သင့်မျက်နှာနဲ့ လိုက်ဖက်ပါ့မလားဆိုတာ မေးရမှာပါ။ ဒီလိုမေးလိုက်မှ သူ့ဘက်က သင့်မျက်နှာကျကို ပိုလေ့လာဖြစ်ပြီး သင်ညှပ်ချင်တဲ့ပုံဟာ တကယ်လိုက်ဖက်မှုရှိမရှိ မညှပ်ခင် သေချာသုံးသပ်ဖြစ်သွားမှာပါ။

 

၂ - ဘယ်လောက်တိုသွားမလဲ

ဆံပင်ညှပ်တဲ့အခါ အရမ်းတိုသွားမှာကို ကြောက်တတ်တာဟာ မိန်းကလေးတွေတင်မဟုတ်ဘဲ ယောကျာ်းလေးတွေမှာလည်း ဖြစ်တတ်ပါတယ်။ ဆံသဆရာနဲ့ ဆံပင်ညှပ်သူကြားနားလည်မှုလွဲတတ်ဆုံး ကိစ္စရပ်လည်း ဖြစ်ပါတယ်။ အရမ်းတိုသွားတယ်ဆိုတဲ့စကားဟာ ဆံပင်ညှပ်ပြီးစလူတွေဆီက ခဏခဏ ကြားရတတ်ပါတယ်။ ဒီလိုမဖြစ်ရအောင် ညှပ်ချင်တဲ့ ဆံပင်ပုံစံကို ပြောပြီးတာနဲ့ ဘယ်လောက်တိုသွားနိုင်လဲဆိုတာကို တိုင်ပင်ညှိနှိုင်းထားသင့်ပါတယ်။

၃ - နေ့စဉ်ပုံစံ

ညှပ်နေတုန်းနဲ့ ညှပ်ပြီးစအချိန်မှာ ကြည့်လို့ကောင်းပါတယ်။ ဆံပင်ညှပ်ဆိုင်က ထွက်လာပြီးပြီးချင်း ကြည့်လို့ကောင်းပါတယ်။ ဒါပေမယ့် အနည်းငယ်ကြာတဲ့အခါ ညှပ်ခါစကလို ကြည့်မကောင်းဘူးလို့ ထင်ရတာ ဖြစ်ပါတယ်။ ဒါကြောင့် ဆံပင်မညှပ်ခင် ဒီအချက်ကို ထည့်တွက်ပြီး ဆံသဆရာတွေနဲ့ တိုင်ပင်သင့်ပါတယ်။

 

၄ - ဘယ်အချိန်လောက်ပြန်လာသင့်လဲ

တော်တော်များများကတော့ မေးလေ့မရှိကြပါဘူး။ ဆံပင်ပုံမကျတော့ဘူးလို့ထင်တဲ့အချိန်ကြမှ ဆံသဆိုင်ကို နောက်တစ်ခေါက် သွားကြတာပါပဲ။ ဒါပေမယ့် သင့်ဆံပင်ပုံကို ပုံမှန်ထိန်းထားဖို့အတွက် ဘယ်အချိန်ပြန်လာသင့်လဲ မေးသင့်ပါတယ်။ ယောကျာ်းလေးတွေဆိုရင်တော့ ဘေးဘက်ရှိတ်ထားတဲ့နေရာတွေကို သစ်လွင်တဲ့ပုံမျိုးဖြစ်နေအောင် မကြာခဏ ပြန်သွားညှပ်လေ့ရှိကြပါတယ်။

၅ - ဖြစ်နိုင်ပါ့မလား

သင့်ညှပ်ချင်တဲ့ပုံစံမျိုး သေချာရပါ့မလားဆိုတာကို တိတိကျကျ မေးသင့်ပါတယ်။ မရနိုင်ဘူးဆိုရင် သင့်ဘက်က နောက်တစ်မျိုးကို ရှင်းရှင်းလင်းလင်းစဉ်းစားလို့ရပါတယ်။ ဆံပင်ရှည်ဖို့ လိုသေးတယ်ဆိုရင်လည်း ထပ်စောင့်ရမှာပါ။ ဒီလိုမှ မဟုတ်ဘဲ စညှပ်ကတည်းက နှစ်ယောက်စလုံးက ရှင်းရှင်းလင်းလင်းမရှိဘဲ လိုချင်တဲ့ပုံမျိုးမရဘူးဆိုရင် ကသိကအောက် ဖြစ်ရပါတယ်။

Photos & Source: Candy Crush


Author


က္က