၁။ ရှပ်အကျႌဖြူ

ဂျင်းဘောင်းဘီရှည်နဲ့တွဲဝတ်ဖို့ အလိုက်ဆုံးက ရှပ်အကျႌလက်ရှည် အဖြူရောင်ပါ။ ဒါပေမဲ့ တခြားဘောင်းဘီတွေနဲ့ဝတ်လည်း အထာကျတယ်။ ရှပ်လက်ရှည်တစ်ထည်က အမျိုးမျိုးပြောင်းလဲပြီး ဝတ်လို့လည်းရပါသေးတယ်။

အနက်ရောင်၊ အညိုရောင် သားရေလက်ကိုင်အိတ်က လုပ်ငန်းခွင်ဝင်နေရတဲ့ ပျိုမေတို့ကို စမတ်ကျတဲ့အသွင် ဖြစ်စေပါတယ်။ ကိုယ့်ကိုယ်ကိုယ်ယုံကြည်မှုရှိတဲ့ပုံလည်း ပေါက်သွားစေတယ်။ မကြီး၊ မသေး အရွယ်တော်ဆိုဒ်က ပွဲတက်လို့လည်းရပါလိမ့်မယ်။

၃။ အနက်ရောင် dress

ခန္ဓာကိုယ်နဲ့အတိဖြစ်နေမယ့် အနက်ရောင် ဂါဝန်တစ်ထည်လောက်လည်း မရှိမဖြစ် ဆောင်ထားပါဦး။ ပွဲတက်ဖို့ ဘာဝတ်ရမှန်းမသိရင် အနက်ရောင်ကိုယ်ကျယ်ဂါဝန်လေးကိုသာဝတ်သွား။ ဘယ်တော့မှလည်း ရိုးမသွားဘူး။ အတိုဖြစ်စေ၊ အရှည်ဖြစ်စေ တစ်ထည်တော့ ဝယ်ထားလိုက်ပါနော်။

၄။ ဂျင်းဘောင်းဘီရှည်

ဂျင်းဆိုတာ ဘယ်တော့မှမရိုးတဲ့ဖက်ရှင်ပါ။ အပေါ်ဆုံးမှာ ပြောခဲ့သလို ရှပ်အကျႌလက်ရှည် အဖြူရောင်လေးနဲ့ တွဲဝတ်ရင် စတိုင်မိမိလေး ဖြစ်သွားတယ်။ တီရှပ်လေးတွေနဲ့ဝတ်လည်း လိုက်တာပဲ။ ခန္ဓာကိုယ်နဲ့အတိဖြစ်တာမျိုးကို ရွေးသင့်ပါတယ်။ ကျပ်လွန်း၊ ပွလွန်းတာတွေက လူတိုင်းနဲ့မလိုက်ဘူး။

၅။ ဒေါက်မြင့်ဖိနပ်

ရုံးတက်နေရသူတွေအဖို့ ဒေါက်မြင့်လေဒီရှုးတစ်ရံတော့ ဆောင်ထားရမယ်။ အနက်ရောင်ကိုပဲရွေးပါ။ ရုံးတက်တဲ့အခါ ဘာပဲဝတ်ဝတ် ဒီဖိနပ်ကြောင့် ပိုပြီးစမတ်ကျသွားရော။ တကယ်လို့ ကိုယ့်အလုပ်က ရုံးတက်နေရသူမဟုတ်ဘူးဆိုရင် ဒေါက်မြင့်ဖိနပ်တစ်ရံကိုလည်း ဆောင်ထားရမယ်။ ဒေါက်မြင့်ဖိနပ်ကိုစီးလိုက်ရင် ခန္ဓာကိုယ်အနေအထားက မတ်သွားတယ်။ လမ်းလျှောက်ရင်လည်း ပိုပြီးကြည့်ကောင်းတယ်။ ဒေါက်မြင့်မစီးတတ်ဘူးဆိုရင် ကြိုးသိုင်းဒေါက်မြင့်တွေက စီးလို့လွယ်တယ်။