စမ်းလုပ်ကြည့်တာတော့ အဆင်ပြေတယ်။
Su Yee Moe

ပူပြင်းတဲ့ နွေကာလလည်းကုန်ပြီ။ အေးမြတဲ့ မုတ်သုန်ရာသီလေးဟာ သဘောကျချင်စရာတော့ ကောင်းပါရဲ့။ အပြင်ထွက်လို့ မိုးမိပြီး အဝတ်တွေစို၊ လျှော်ထားတာတွေ တော်တော်နဲ့မခြောက်တာကလွဲရင်ပေါ့လေ။ လျှပ်စစ်မီးကလည်း မမှန်တော့ အဝတ်ခြောက်စက်ကို သုံးမရတဲ့အချိန် အတော်ဒုက္ခရောက်ရတာပဲ။

How-to-dry-clothes-without-using-a-hairdryer.jpg 

အဝတ်မြန်မြန်ခြောက်ချင်ရင်တော့ ဒီနည်းလေး စမ်းကြည့်ပါလား။ လျှော်ထားပြီးတဲ့ အဝတ်စိုတွေကို ရေပြောင်အောင် ညှစ်လိုက်ပါ။ ရေပြောင်အောင်ညှစ်ပြီးသွားရင်တော့ ခြောက်သွေ့နေတဲ့ တဘက်ပေါ်မှာ ရေညှစ်ထားတဲ့အဝတ်ကို တင်ပြီးရင် မုန့်တွေလိပ်သလိုမျိုး ရေစိုဝတ်ကို အထဲမှာထည့်ပြီး လိပ်လိုက်ရပါမယ်။

Dry_Clothes_Faster_on_Laundry_Day.jpg 

လိပ်ပြီးသွားတာနဲ့ တင်းကြပ်နေအောင် လိမ်ညှစ်လိုက်ရပါမယ်။ တင်းနိုင်သမျှတင်းအောင် လိမ်ညှစ်လိုက်ရမှဖြစ်ပါတယ်။ ဒီလိုဆိုရင် အဝတ်စိုမှာကပ်နေတဲ့ရေတွေ အကုန်လုံး ကုန်သွားလိမ့်မယ်။ တဘက်က ရေတွေကို စုပ်ယူလိုက်မှာဖြစ်လို့ အဝတ်ခြောက်ဖို့ ပိုမြန်သွားတယ်။

tips-para-que-la-ropa-se-seque-en-los-dias-humedos-2.jpg 

စိုထိုင်းထိုင်းလေးပဲ ဖြစ်နေတော့တဲ့အဝတ်ကို ဒီအတိုင်းပဲ ဖြန့်လှန်းထားလိုက်ရုံပေါ့။ ပုံမှန်ထက်စာရင်တော့ ခြောက်ဖို့အချိန်က ပိုမြန်သွားတယ်။ အဝတ်အများကြီးဆိုရင်တော့ လုပ်ရတာ လက်ဝင်လိမ့်မယ်။ ဒါပေမဲ့ အရေးတကြီး အမြန်ခြောက်ဖို့လိုအပ်တဲ့ အဝတ်ဆိုရင်တော့ ဒီနည်းကို စမ်းလုပ်ကြည့်ပါ။ တကယ်အဆင်ပြေတယ်။


က္က