၁။ Essential Oil

Essential Oil တွေကို ဆေးပညာနဲ့ကျန်းမာရေးအတွက် နှစ်ထောင်ပေါင်းများစွာကြာအောင် သုံးလာခဲ့ကြပြီးဖြစ်ပါတယ်။ Essential Oil တွေကို ရနံ့ကုထုံး၊ အိမ်သန့်ရှင်းရေးပစ္စည်းတွေနဲ့ အလှကုန်ပစ္စည်းတွေမှာ ထည့်သွင်းအသုံးပြုကြပါတယ်။ ခြောက်သွေ့တဲ့မျက်နှာအရေပြားပိုင်ရှင်တွေအတွက်တော့ Essential Oil ကိုအကောင်းဆုံးပါပဲ။

ပြုလုပ်နည်းကတော့ ဝက်သစ်ချဆီ လက်ဖက်ရည်ဇွန်း (၁) ဇွန်းရယ်၊ လာဗင်ဒါဆီ အစက် (၂၀) လောက်ရယ်၊ သံလွင်ဆီဆပ်ပြာရည် (၈) အောင်စလောက်ရယ်၊ ပေါင်းခံရေတို့ရယ်ကို ဇလုံတစ်လုံးထဲမှာ ရောသမမွှေပါ။ ပြီးရင်စပရေးဘူးတစ်ဘူးထဲမှာထည့်ပြီး ခြောက်သွေ့နေတဲ့မျက်နှာလေးကို ဖြန်းပေးပါ။ (၃) (၄) ပတ်လောက်နေရင် သိသာလာပါလိမ့်မယ်။

၂။ ပျားရည်

ုပြုလုပ်နည်းကတော့ ပျားရည်စစ်စစ် လက်ဖက်ရည်ဇွန်းနဲ့ (၁)ဇွန်းကို မလိုင် (၂) ဇွန်းနဲ့ရောပါ။ ပြီးရင် ရလာတဲ့အနှစ်ကို မျက်နှာပေါ်မှာလိမ်းပေးပြီး ညင်သာစွာနှိပ်နယ်ပေးရုံပါပဲ။ (၂) မိနစ် (၃) မိနစ်လောက် နှိပ်နယ်ပေးပြီးရင်တော့ ရေအေးအေးလေးနဲ့ ပြန်ဆေးချပေးနိုင်ပါပြီ။ ပြီးရင်တဘက်နဲ့သုတ်ပြီး moisturizer (အရေပြားအစိုဓာတ်ထိန်းသိမ်းဆေး) နည်းနည်းလိမ်းပေးလိုက်ပါ။ အရေပြားခြောက်သွေ့ကြမ်းတမ်းမှုက တော်တော်ဆိုးနေမယ်ဆိုရင်တော့ ဒီဆေးမြီးတိုထဲမှာ သံလွင်ဆီကိုပါရောထည့်ပေးနိုင်ပါတယ်

၃။ ကြက်ဥ

ကြက်ဥအနှစ်မှာပါဝင်တဲ့ အာဟာရဓာတ်တွေဟာ ခန္ဓာကိုယ်ကိုကျန်းမာသန်စွမ်းစေရုံသာမက အရေပြားကိုလည်း စိုစွတ်ချောမွတ်စေပါတယ်။ ကြက်ဥအနှစ်ထဲမှာတွေ့ရတဲ့ ဗိုက်တာမင် အေ၊ ဒီ နဲ့ အီးဟာ ခရမ်းလွန်ရောင်ခြည်ဒဏ်မှ ကာကွယ်ပေးသလို အရေပြားအညစ်အကြေးတွေကိုလည်း တိုက်ထုတ်ပေးနိုင်ပါတယ်။

Source: DIYremedies