တင်ပါးလှခြင်းကလည်း မိန်းကလေးတွေရဲ့ခန္ဓာကိုယ်အလှထဲမှာ ပါဝင်တာပါပဲ။ တင်သားလေးလုံးဝန်းလှပနေမယ်ဆိုရင် မြန်မာဝတ်စုံတွေနဲ့လိုက်ဖက်သလို ဂါဝန်တိုလေးတွေ၊ ဘောင်းဘီတိုလေးတွေဝတ်မယ်ဆိုရင်လည်း လိုက်ဖက်တင့်တယ်နေစေမှာပါ။ တင်ပါးလှတဲ့ အကိတ်လေးတွေဖြစ်အောင် အစားအသောက်အနေအထိုင်ဆင်ခြင်ရသလို လေ့ကျင့်ခန်းလုပ်ပေးလို့လည်း ရပါတယ်။
Daily Burn အွန်လိုင်းမဂ္ဂဇင်းမှာဖော်ပြထားတဲ့ ဘဲလေးစတိုင်လ်လေ့ကျင့်ခန်းလေးတွေဟာ ပြီးပြည့်စုံတဲ့ တင်သားအလှကို ပိုင်ဆိုင်လိုသူတွေအတွက်တော့ အသင့်တော်ဆုံးပါပဲ။ လုပ်ရတာလည်း ဘာမှခက်ခက်ခဲခဲမဟုတ်ပါဘူး။ ထိုင်ခုံတစ်လုံးရယ်နဲ့ သက်တောင့်သက်သာရှိမယ့် ကြမ်းပြင်ရယ်ပဲ လိုအပ်တာပါ။ LCD ဘဝကနေ အကိတ်ဘဝရောက်ချင်ရင်တော့ အောက်က လေ့ကျင့်ခန်းလေးတွေကိုကြည့်ပြီး လိုက်လုပ်ကြည့်ကြရအောင်။
၁။ Seat Shaper (ထိုင်ခုံပေါ်မှာ ပုံသွင်းခြင်း)
ဒီလေ့ကျင့်ခန်းလေးကတော့ တင်ပါးရယ်၊ ပေါင်ရယ်၊ ခြေသလုံးရယ်အဓိကထားဆော့ရမှာပါ။ အရင်ဆုံး ထိုင်ခုံတစ်ခုံကိုယူလိုက်ပါ။ ပြီးရင်လက် (၂) ဖက်ကိုထိုင်ခုံနောက်မှီပေါ်မှာတင်ပြီး ဟန်ချက်ညီအောင် ထိန်းထားလိုက်ပါ။ ပြီးရင်တော့ ခြေဖနောင့် (၂) ခုကို ပူးကပ်ထားပြီး ခြေချောင်းလေးတွေကိုလည်း ဆန့်ထားလိုက်ပါ။
ပုံထဲကဘယ်ဘက်ပုံမှာပြထားတဲ့အတိုင်း ဒူးလေးတွေကို ကွေးညွှတ်လိုက်ပြီး ညာဘက် ခြေချောင်းလေးတွေကို ဘယ်ဘက်ခြေကျင်းဝတ်နောက်မှာ ပြေးကပ်ထားလိုက်ပါ။ ပြီးရင်တော့ လေ့ကျင့်ခန်းစပါမယ်။
ရင်ဘတ်ကိုမတ်မတ်ဆန့်ထားလိုက်ပြီး ညာဘက်ပုံထဲကအတိုင်း (စောစောက ဘယ်ဘက် ခြေကျင်းဝတ်နောက်မှာကပ်ထားတဲ့ ညာခြေထောက်) ကို နောက်ကို ဆန့်ထုတ်လိုက်ပါ။ နှစ်စက္ကန့်လောက်ကြာမှ ဘယ်ဘက်ပုံထဲကအနေအထားအတိုင်းပြန်ထားလိုက်ပါ။ အဲဒီပုံစံအတိုင်း (၁၅) ခါ လောက်လုပ်ပြီးရင် ဘယ်ညာပြောင်းလဲလုပ်ဆောင်ပေးပါ။
၂။ Chair Lift (ထိုင်ခုံပေါ်မှာ မတင်ခြင်း)
လေ့ကျင့်ခန်းမစခင်မှာ ထိုင်ခုံတစ်လုံးကိုအရင်ယူထားလိုက်ပါ။ ကျောနာတတ်သူဆိုရင် အောက်မှာသင်ဖြုးဖျာတစ်ချပ် ခံချင်ခံထားလိုက်ပါဦး။ ပြီးရင်တော့ ဖျာပေါ်မှာ ပက်လက်လှန်လှဲချလိုက်ပြီး လက် (၂) ဖက်ကိုတော့ ဘေးတစ်ဖက်တစ်ချက်မှာ (လက်ဖဝါးတွေကို ကြမ်းပြင်ပေါ်မှာကပ်ထားပြီး) ချထားလိုက်ပါ။ ပြီးရင် ညာဘက်ခြေထောက်ကိုတော့ ၉၀ ဒီဂရီထောင့်ချိုးပုံစံ ကုလားထိုင်ပေါ်တင်ထားလိုက်ပြီး ဘယ်ဘက်ခြေထောက်ကိုတော့ တန်းတန်းမတ်မတ်ပဲ မိုးပေါ်ထောင်ထားလိုက်ပါ။
လေ့ကျင့်ခန်းစတော့မယ်ဆိုရင် ထိုင်ခုံပေါ်တင်ထားတဲ့ ညာဘက်ခြေဖဝါးကို ထိုင်ခုံပေါ်မှာအပြားလိုက်ကပ်ထားလိုက်ပြီး အဲဒီကအားပြုပြီး ခါးကိုကြမ်းပြင်ကနေ မယူလိုက်ပါ။ မိုးပေါ်မြှောက်ထားတဲ့ ခြေထောက်ကိုလည်း အဲဒီအတိုင်း ဆက်လက်ဆန့်တန်းထားပါ။ (၂) စက္ကန့်လောက်ကြာမှ မူလပုံစံအတိုင်းဖြစ်အောင် ပြန်ထားလိုက်ပါ။ အဲဒီအတိုင်း (၁၅) ကြိမ်ကနေ အကြိမ် (၂၀) ထိလုပ်ပြီးရင်တော့ ဘယ်ညာ ချိန်းပေးနိုင်ပါပြီ။
၃။ Thigh Toner (ပေါင်တံထိန်းညှိခြင်း)
ထုံးစံအတိုင်း ထိုင်ခုံကိုအရင်နေရာချထားလိုက်ပါ။ ဒီတစ်ကြိမ်မှာတော့ ထိုင်ခုံနောက်မှီကို မိမိရဲ့လက်ချောင်းလေးတွေနဲ့ ထိထားလိုက်ပါ။ ခြေထောက်နှစ်ဖက်ကိုတော့ ဘယ်ညာခွဲထားပြီး ပေါင်ကြားထဲမှာတော့ လိပ်ထားတဲ့ တဘက်တစ်ထည်ကို ညှပ်ထည့်ပြီး ထိန်းထားလိုက်ပါ။ တဘက်ကိုညှပ်ထားရင်းနဲ့မှ ခြေဖျားထောက်ထားလိုက်ပါဦး။
လေ့ကျင့်ခန်းစတော့မယ်ဆိုရင် ညာဘက်ပုံထဲကအတိုင်း ဒူးတွေကိုဖြေးညှင်းစွာကွေးလိုက်ပြီး ခြေဖျားထောက်ထားတာလည်း မပျက်ရအောင် ဟန်ချက်ကိုထိန်းထားလိုက်ပါ။ ပြီးရင် မိမိကွေးနိုင်သလောက် အနေအထားထိရောက်အောင် ကွေးထားလိုက်ပါ။ ရင်ဘတ်ကိုတော့ မတ်မတ်ပဲ ဆန့်ထားလိုက်ပါ။ အဲဒီပုံစံအတိုင်း (၂) စက္ကန့်လောက်နေပြီးရင် မူလအတိုင်းပြန်ထားလို့ရပါပြီ။ ဒီပုံအတိုင်း (၁၅) ကြိမ်၊ အကြိမ် (၂၀) လောက်လုပ်ပေးရင် ရပါပြီ။
Source: Goodhousekeeping
Share