Su Yee Moe

ရုတ်တရက် ကိုယ်အလေးချိန် တက်လာခြင်း၊ လျော့သွားခြင်းကြောင့် အရေပြားမှာ အကြောပြတ်ရာတွေ ဖြစ်လေ့ရှိပါတယ်။ အရေပြားက အချိန်တိုအတွင်း ဆန့်ထွက်လာတာကြောင့် အကြောပြတ်ပြီး အမာရွတ်တွေ ပေါ်လာရပါတယ်။ ကာယလေ့ကျင့်ခန်းနဲ့ အားကစားလုပ်တာတွေကြောင့်လည်း အကြောပြတ်တတ်ပါတယ်။ ဘာကြောင့်ပဲဖြစ်ဖြစ် အကြောပြတ်ရာတွေကြောင့် လူကို ကြည့်ရဆိုးစေတာတော့အမှန်ပါ။

MG_6676-1024x682.jpg 

အကြောပြတ်ရာတွေကို ပျောက်ဖို့အတွက် ခရင်မ်တွေ၊ လိမ်းဆေးတွေကို သုံးလို့လည်းရသလို လေဆာနည်းနဲ့ ဖျောက်လို့လည်း ရတာပေါ့။ ဒါတွေမလုပ်ခင်မှာ သဘာဝနည်းလေးနဲ့ပဲ ပျောက်အောင် အရင်လုပ်ကြည့်ပါလား။ ဘာမှမခက်ဘူး။ ရှားဇောင်းလက်ပပ်နဲ့ အုန်းဆီစစ်စစ်ပဲ လိုပါတယ်။

img_0904-2.jpg 

ရှားဇောင်းလက်ပပ်အနှစ် (အရည်ညှစ်ရန်မလိုပါ) ၁၁၃ ဂရမ်၊ အုန်းဆီခဲ ၁၁၃ ဂရမ်၊ essential oil (လာဗင်ဒါ သို့မဟုတ် ဗနီလာ) ၃/၄ စက် တို့ပဲ လိုအပ်ပါတယ်။ ခွက်တစ်လုံးထဲမှာ ရှားဇောင်းအနှစ်နဲ့ အုန်းဆီကိုရောပြီးမွှေပါ။ နှစ်မျိုးလုံးသမသွားတဲ့အခါ အနံ့နဲ့အရောင်က ပြောင်းသွားတယ်။ ပြောင်းသွားတဲ့အထိ ၅ မိနစ်ဖြစ်စေ ၇ မိနစ်ဖြစ်စေ မွှေပေးရပါမယ်။ ပြီးတော့မှ essential oil လေးကို ထည့်လိုက်ပါ။

mark.jpg 

ဘူးကိုအဖုံးလုံအောင်ပိတ်သိမ်းထားပြီးရင် ရေချိုးပြီးတိုင်း လိမ်းပေးမယ်ဆို အကြောပြတ်ရာတွေ ပျောက်သွားနိုင်ပါတယ်။ ဒါတင်မကသေးဘူး အရေးအကြောင်းတွန့်တာတွေလည်း ပျောက်သွားမယ့်အပြင် အသားအရေလည်း စိုပြေတင်းရင်းလာတာကို တွေ့ရမှာပါ။

Source : Final You


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က