Su Yee Moe

ဦးရေပြားမှာ အဖတ်အဖတ်တွေနဲ့ ကြည့်ရဆိုးပြီး အမြဲတမ်းယားယံနေရတဲ့ ဗောက်ပြဿနာရဲ့ဒုက္ခကို ခံစားဖူးသူမှသိမယ်။ ခေါင်းက အမြဲတမ်းယားယံနေတာ၊ အဖြူဖတ်တွေကလည်း ကွာကျတော့ လူကြားထဲမှာဆို ဂွမ်းတာပဲ။ ဗောက်ပျောက်ဆေးတွေ ဘယ်လောက်သုံးသုံး ခဏပဲသက်သာပြီး အမြဲတမ်းလိုလို ပြန်ဖြစ်နေရတာကတော့ ကိုယ်နဲ့ဆိုင်သွားပြီ။

၁။ အပူပေးပြီးစတိုင်လ်သွင်းတယ်

05-5-reasons-for-dandruff-over-styling.jpg 

ဆံပင်ကို အပူပေးပြီး ဖြောင့်တယ်၊ လိပ်တယ်၊ ကောက်တယ် ခဏခဏပဲ။ ဒီ်တော့ ဦးရေပြားက ခြောက်သွေ့လာပြီး ဆံသားတွေကို အစိုဓာတ်နည်းသွားစေတယ်။ ဦးရေပြားခြောက်သွေ့တော့ အဖတ်တွေလန်ပြီး ဗောက်အဖြစ်နဲ့ ကွာကျလာတယ်လေ။ အပူတွေ သိပ်မသုံးနဲ့နော်။

၂။ အကြွင်းအကျန်တွေ

ခေါင်းကို ဂျဲလ်တွေလူးတယ်၊ စပရေးဖြန်းတယ်ဆိုရင် ခေါင်းလျှော်တိုင်း ပြောင်အောင်လျှော်ရမယ်။ ပြီးတော့ တစ်ပတ်ကို ၂ ကြိမ်၊ ၃ ကြိမ်လောက် လျှော်ပေးမှ ခေါင်းပေါ်တင်ထားတဲ့ ဂျဲလ်၊ စပရေးတွေ ကုန်သွားမှာပါနော်။ အဲ့တာတွေ ဦးခေါင်းမှာ ကပ်နေရင်လည်း ဗောက်ထဖို့ အားပေးသလိုပါပဲ။ ဦးရေပြားလည်း ယားယံတယ်။ ခေါင်းလျှော်ပြီးလို့ ဆံပင်ပေါင်းဆေးလိမ်းရင်လည်း သေသေချာချာပြောင်စင်အောင် ဆေးချဖို့လိုပါတယ်။

၃။ ဓမ္မတာကိစ္စ

1296x728_Dandruff_HEADER.jpg 

ဓမ္မတာကိစ္စကြောင့် ခန္ဓာကိုယ်မှာ ဟော်မုန်းအပြောင်းအလဲတွေ ဖြစ်ရပါတယ်။ ဟော်မုန်းတွေ ကမောက်ကမဖြစ်တဲ့အခါ ဗောက်ထခြင်းကိုလည်း ဖြစ်စေပြန်တယ်။

၄။ မှန်ကန်တဲ့ခေါင်းလျှော်ရည်

ဗောက်ထနေတယ်ဆိုရင် ဗောက်ပျောက်ခေါင်းလျှော်ရည်ကို သုံးရမယ်နော်။ ဆံပင်ပျော့ချင်တာပဲ ဦးစားပေးနေလို့မရဘူး။

၅။ အရေပြားခြောက်သွေ့မှု

ayurvedic-dandruff-treatment-in-kerala.jpg 

ဗောက်ထခြင်းရဲ့ အဓိကအကြောင်းရင်းတွေထဲမှာ အရေပြားခြောက်သွေ့ခြင်းကလည်း တစ်ခုအပါအဝင်ဖြစ်ပါတယ်နော်။ အရေပြားမှာ လုံလောက်တဲ့အစိုဓာတ်မရှိတဲ့အခါ ခြောက်သွေ့အက်ကွဲပြီး အဖတ်လေးတွေက ဦးရေပြားမှာ ကပ်ငြိကုန်ပါတယ်။ ဦးရေပြား ခြောက်သွေ့မှုမဖြစ်အောင်လို့ ဆီလေးလိမ်းပြီး နှိပ်ပေးနော်။ ဦးရေပြားမှာ သွေးလည်ပတ်မှုကောင်းရင် ခြောက်သွေ့တာတွေလည်း မဖြစ်တော့လို့ ဗောက်ထတာလည်း သက်သာမှာပါ။


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က