အဝတ်အစားဝတ်တယ်ဆိုတာလည်း သူ့နေရာနဲ့သူ ဝတ်တတ်မှ ကောင်းမှာပါနော်။ ကိုယ်က အလှအပ ဘယ်လောက်ကြိုက်ကြိုက်၊ ဖက်ရှင်ဆန်းတွေ သဘောကျတယ်ဆိုဦးတော့ မဝတ်သင့်တဲ့နေရာဆိုရင် မဝတ်ဘဲနေတာ အကောင်းဆုံးနော်။ ရုံးတက်၊ ရုံးဆင်း ဝန်ထမ်းတစ်ဦးအနေနဲ့ဆိုရင်တော့ ဒီလိုအဝတ်အစားတွေ မဝတ်သင့်ပါဘူး။
၁။ ဖြစ်ကတတ်ဆန်း
ကြေမွ တွန့်လိပ်နေတဲ့ အဝတ်အစားတွေ၊ ဖရိုဖရဲဖြစ်နေတဲ့ ပုံစံတွေက ကိုယ့်ကိုရုပ်ဆိုးစေရုံမက အထက်လူကြီးတွေကိုလည်း မခန့်လေးစားလုပ်ရာကျတယ်။
၂။ အားကစားဝတ်စုံ
တချို့ ရှိသေးတယ်။ အားကစားလုပ်ရင်းဝတ်တဲ့ ဘောင်းဘီပွပွတွေကို ရုံးကိုဝတ်လာတာ။ လုံခြုံတယ်ဆိုပေမဲ့ မဝတ်သင့်တဲ့ အဝတ်အစားပါနော်။
၃။ အဟိုက်၊ အကျပ်
ရုံးဆိုတာ ဆက်စီကျကျ ဝတ်ပြရမယ့်နေရာမဟုတ်ဘူးဆိုတာ သိထားသင့်တယ်။ ရုံးယူနီဖောင်းစကပ်က ဒူးအထက် အတိုဖြစ်ပေမဲ့ အပေါ်က ရှပ်အကျႌ၊ ကုတ်အကျႌတို့နဲ့ တွဲပြီးဝတ်ရတယ်။ ဒါမှမဟုတ် ဘလောက်စ်ပေါ့။ အောက်က စကပ်အတို၊ အပေါ်က အဟိုက်နဲ့ ဆက်ဆီကျနေရင်တော့ အထက်လူကြီးဆူတာ ခံရမှာပဲ။