Su Yee Moe

ကမ္ဘာကျော်ဖက်ရှင်အမှတ်တံဆိပ် Gucci ရဲ့ CEO မာကို ဘစ်ဇာရီက ကုမ္ပဏီအနေနဲ့ သားမွေးဖက်ရှင်တွေကို ဆက်လက် အသုံးပြုတော့မှာမဟုတ်ဘူးလို့ ဗုဒ္ဓဟူးနေ့က ကြေညာလိုက်ပါတယ်။ Fur Free Alliance အဖွဲ့နဲ့အတူ ပူးပေါင်းပါဝင်တဲ့အနေနဲ့ Gucci ဟာ သားမွေးဖက်ရှင်တွေကို အသုံးပြုခြင်း၊ ရောင်းချခြင်း သို့မဟုတ် တိရစ္တာန်သားမွေးကို ကြော်ငြာခြင်းတွေကို ၂၀၁၈ ဆောင်းအကုန်/နွေအကူး အစပိုင်းကစပြီး ရပ်တန့်လိုက်မယ်လို့ ဆိုပါတယ်။

TELEMMGLPICT000143371579_trans_NvBQzQNjv4Bqia15PfoVUQZqfYh7aChg9bt2QysTWhH5Zcw-T5qf55c.jpeg 

"ဒီကိစ္စနဲ့ပတ်သက်ပြီး လအနည်းငယ်လောက်တည်းက ပြောခဲ့ကြတာပါ။ နည်းပညာတွေ ရရှိနေပြီပဲလေ။ ဒါက ဘာကိုဆိုလိုတာလဲဆိုရင် သားမွေးတွေကို သုံးဖို့ မလိုအပ်ဘူးဆိုတဲ့သဘောပါပဲ။ မလိုအပ်တော့တာသာ ဖြစ်ပါတယ်" လို့ ဘစ်ဇာရီက လန်ဒန်ဖက်ရှင်ကောလိပ်မှာ ပြောသွားခဲ့တာ ဖြစ်ပါတယ်။

see also 

Gucci-split-NEWS_trans_NvBQzQNjv4BqqVzuuqpFlyLIwiB6NTmJwfSVWeZ_vEN7c6bHu2jJnT8.jpg

လက်ရှိအချိန်မှာတော့ Gucci ဟာ သားမွေးပါဝင်တဲ့ မြောက်များစွာသော ကုန်ပစ္စည်းတွေကို ရောင်းချနေပါတယ်။ အဲ့ဒီထဲမှာ ဒေါ်လာ ၃၀၀၀၀ တန် အမွေးရှည်မြွေပါကုတ်အကျႌ ၊ သိုးပေါက်လေးရဲ့သားမွေးနဲ့လုပ်ထားတဲ့ ဒေါ်လာ ၁၃၅၀၀ တန် ကုတ်အကျႌတွေလည်း ပါဝင်ပါတယ်။

 

သားမွေးဖက်ရှင်တွေကို ထုတ်လုပ်ရောင်းချတာ ရပ်တန့်လိုက်တဲ့ အမှတ်တံဆိပ်တွေထဲမှာ Armani ၊ Stella McCartney နဲ့ Calvin Klein တို့လည်း ပါဝင်ပါတယ်။ Fur Free Alliance အဖွဲ့ကတော့ တိရစ္တာန်တွေကို သတ်ဖြတ်ပြီး ဖက်ရှင်အသုံးအဆောင်အဖြစ် အသုံးပြုဆင်မြန်းနေခြင်းကို ရပ်တန့်ဖို့အရေး လှုပ်ရှားဆောင်ရွက်နေတဲ့အဖွဲ့လည်း ဖြစ်ပါတယ်။

Source : Jezebel


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က