Su Yee Moe

ဟောလိဝုဒ်မင်းသမီး ဘလိတ်လိုက်ဗလီဟာ သူမ ပါဝင်သရုပ်ဆောင်ထားတဲ့ All I See Is You ဇာတ်ကား အထူးပွဲတွေကို ဖက်ရှင်အမျိုးမျိုးနဲ့ တက်ရောက်ခဲ့တယ်။ တစ်နေရာနဲ့တစ်နေရာ အကူးအပြောင်းမှာ အပြင်အဆင်နဲ့ ဝတ်စုံကိုပါ ပြောင်းလဲပြီး ဝတ်ဆင်ခဲ့တယ်။ လိုက်ဗလီဝတ်ခဲ့တဲ့ ဝတ်စုံတွေထဲမှာ မီးခိုးရောင် Chanel ဝတ်စုံဟာ မြင်သူငေးသွားရလောက်အောင် လှနေခဲ့ပါတယ်။

gettyimages-862214294-1508274214.jpg 

မီးခိုးရောင်သမ်းတဲ့ သတ္တုရောင် Chanel ဝတ်စုံနဲ့ လိုက်ဖက်အောင် ငွေရောင်ဖိနပ်တွေကိုလည်း ဝတ်ထားတော့ ညဘက်မြင်ရတဲ့ ကြယ်တစ်ပွင့်အလား လင်းလက်နေခဲ့တာပါ။ ဒူးအောက်ပိုင်းမှာ အချောင်းလေးတွေပုံစံလုပ်ထားပြီး ခန္ဓာကိုယ်ကိုတော့ ပန်းရောင်နဲ့အနက်စပ် ရတနာကြိုးတစ်ချောင်းက ရစ်သိုင်းထားသလို ဖန်တီးထားတဲ့ဒီဇိုင်းဟာ တကယ်ပဲ ဆန်းကြယ်ပါတယ်။ ဒီဝတ်စုံဟာ ဒီဇိုင်းသစ်တော့ မဟုတ်ပါဘူး။ လွန်ခဲ့တဲ့ ၁၀ နှစ်ကျော် ၊ ၂၀၀၇ ခုနှစ် ဇန်နဝါရီလက ပါရီမှာပြုလုပ်ခဲ့တဲ့ Chanel ရဲ့ Spring/Summer 2007 ဖက်ရှင်ပွဲမှာ ပြသခဲ့တဲ့ဝတ်စုံလို့ သိရတယ်။

see also 

gettyimages-73091898-1508274176.jpg 

ဒီဝတ်စုံကို ဘလိတ်လိုက်ဗလီမတိုင်မီ အခြား နာမည်ကျော်ပုဂ္ဂိုလ်တွေကလည်း ဝတ်ခဲ့ပါသေးတယ်။ ပထမဆုံးတစ်ယောက်ကတော့ Beatrice Borromeo ပါ။ မိုနာကိုထီးနန်းအရိုက်အရာဆက်ခံဖို့ ၇ ခုမြောက်နေရာမှာ ရှိနေတဲ့ မင်းသား Pierre Casiraghi ရဲ့ ကြင်ယာတော်ဖြစ်ပါတယ်။ အီတလီနိုင်ငံရဲ့ ရုပ်သံလိုင်းမှာ ထင်ရှားသူတစ်ဦးလည်းဖြစ်ပါတယ်။ ယခုနှစ် ဧပြီလမှာ ဝတ်ခဲ့တာပါ။

caroline-of-monaco-1504041173-1-1508274622.jpg 

နောက်တစ်ယောက်ကတော့ မင်းသမီး ကယ်ရိုလိုင်းကလည်း ဝတ်ခဲ့ဖူးပါတယ်။ Princess of Hanover ဖြစ်ပြီး မိုနာကိုမင်းသားနဲ့ အမေရိကန်မင်းသမီး ဂရေ့စ်ကယ်လီတို့ရဲ့ အကြီးဆုံးသမီးလည်းဖြစ်ပါတယ်။ ကယ်ရိုလိုင်းကတော့ ၂၀၀၇ ခုနှစ်တည်းက ဒီဝတ်စုံကို ဝတ်ဆင်ကာ ပွဲတက်ခဲ့ဖူးတာပါ။

 

Source : Bazaar


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က