ခေါင်းမခြောက်သေးဘဲနဲ့လည်း အိပ်ရာမဝင်သင့်ဘူးနော်။
Su Yee Moe

မနက်အိပ်ရာကနိုးတိုင်း အချိန်ယူပြီးလုပ်ရတဲ့ အလုပ်တစ်ခုက ဆံပင်ရှင်းရတဲ့ကိစ္စပါ။ ရုံးသွား၊ ကျောင်းသွားဖို့ နောက်ကျနေရတဲ့အထဲ ဆံပင်က ဖြီးမနိုင် ရှင်းမရဆိုရင် အဲ့ဒီမှာတင် အချိန်က ပုပ်ကုန်ပြီ။ ဆံပင်ဖို့ရို့ဖားလျားကြီးနဲ့ အလုပ်ကို၊ ကျောင်းကို ရောက်သွားရတဲ့အချိန်တွေကို မုန်းနေပြီလား။ အခု မဒီပြောပြသလိုသာ လုပ်ထားရင် မနက်မနက် ဆံပင်ရှင်းရတဲ့အချိန်တွေဟာ နည်းသွားပါလိမ့်မယ်နော်။

41.jpg 

ကိုယ်လိုချင်တဲ့ ဆံပင်ပုံစံက ဘယ်လိုမျိုးလဲဆိုတာ အရင်ဆုံးတွေးပါ။ ဆံပင်က ကောက်ထားတာ ဒါမှမဟုတ် လှိုင်းတွန့်လေးတွေ လိုချင်တာဆိုရင်တော့ ညမအိပ်ခင်မှာ ကျစ်ဆံမြီးကျစ်ပြီး အိပ်ပါ။ ဆံပင်ကို သေသေချာချာ ရှင်းအောင်ဖြီးပြီးမှ ကျစ်ဆံမြီးကျစ်ပေါ့။

8-Things-to-Do-for-Your-Hair’s-Beauty-Sleep2-700x466.jpg 

မနက်ကျရင် ကျစ်ဆံမြီးကိုဖြည်ပြီး ဘီးနဲ့ ၃ ချက်လောက် ဆွဲလိုက်တာနဲ့ အိုကေသွားပြီ။ ဒီနည်းဟာ ဆံပင်တွေ ရှုပ်ပွတာကို သက်သာစေရုံမက ဆံသားကျိုးကြေတာတွေလည်း မဖြစ်စေပါဘူး။

see also 

အိပ်ရာနိုးချိန်မှာ ဆံပင်ကို ဖြောင့်ဖြောင့်စင်းစင်းလေးပဲ ဖြစ်နေချင်တယ်ဆိုရင်တော့ ကျစ်ဆံမြီးမကျစ်ပါနဲ့။ တစ်ပတ်လျှိုဆံထုံးလေးကို ထုံးပြီးအိပ်ပါ။ ဆံပင်ကို အရင်းကနေ စုကိုင်ပြီး ကျန်လက်တစ်ဖက်နဲ့ ညာဘက်ကိုရစ်ကာ အရင်းကိုနှိုက်လိုက်ရင် တစ်ပတ်လျှိုဆုံးထုံးရပါပြီ။ ခေါင်းနားထိရောက်အောင် တင်းတင်းကြီး မထုံးရပါဘူး။ အိပ်ရတာ အဆင်မပြေဖြစ်ပါလိမ့်မယ်။

Tie-Your-Hair.jpg 

လည်ပင်းနားလောက်မှာ တွဲတွဲလေးဖြစ်အောင် ထုံးပေးရင် ရပါပြီ။ ဒါမှမဟုတ် ဆံပင်ကို ဘေးနှစ်ဘက်မှာ ဆံထုံးပွပွလေးနှစ်ခု ဖြစ်အောင် ထုံးပြီးမှအိပ်လည်း ရပါတယ်။ ခပ်လျော့လျော့ဆံထုံးလေးကို မနက်ကျရင် ဖြည်ကာ hair coat လေးလူး ၊ ခေါင်းလေးနည်းနည်းဖြီးရုံနဲ့ ဆံပင်လေးက သပ်ရပ်လှပနေတော့မှာပါနော်။

 


က္က