Su Yee Moe

ဖက်ရှင်ရေစီးကြောင်းထဲမှာ မျောပါနေရတာလည်း လူကို နုပျိုလန်းဆန်းစေတာပဲ။ ခေတ်အလိုက် အချိန်အခါအလိုက် ဖက်ရှင်စတိုင်လ်တွေ အမျိုးမျိုး ပြောင်းလဲနေတယ်။ အခုဆို ၂၀၁၇ ကုန်ဆုံးလို့ ၂၀၁၈ ခုနှစ်ကို ရောက်တော့မယ်ဆိုတော့ ၂၀၁၈ ခုနှစ်မှာ ရေပန်းစားမယ့် ဆံပင်စတိုင်လ်တွေကို ဖော်ပြလိုက်တယ်နော်။

၁။ ဆံပင်အရှည်

nrm_1422301936-mc-hairguide.jpg 

ဆံပင်ရှည်တွေက ဆက်ပြီးခေတ်စားနေဦးမှာပါပဲ။ ဆံပင်ရှည်ကို အဖြောင့်ထားရင်ထား၊ အဖျားလေးကောက်တာနဲ့ လှိုင်းတွန့်စတိုင်လ်တွေ ခေတ်စားနေဦးမှာ သေချာပါတယ်။

၂။ Two-Tone Blonde

selena-gomez-blonde-hair-amas.jpg 

အနီးစပ်ဆုံးပြောရရင် ဆယ်လီနာဂိုးမက်စ်ရဲ့ နောက်ဆုံးစတိုင်လ်ပေါ့။ ခပ်ဖျော့ဖျော့ဆံပင်အရောင်ကို တစ်ခေါင်းလုံးမဟုတ်ဘဲ အရင်းပိုင်းတွေမှာ အရောင်ရင့်နဲ့ စပ်ထားတဲ့ စတိုင်လ်မျိုး ခေတ်စားလာနိုင်ပါတယ်။

၃။ ဆံမြိတ်လေးတွေ

See_Through_Bangs.jpg 

ကိုရီးယားမလေးတွေလို ခပ်ကျဲကျဲဆံမြိတ်လေးနဲ့ ခေါင်းထိပ်ပိုင်းက ဆံထုံးလေးက cutie baby girl စတိုင်လ်မျိုး ဖမ်းဖို့အတွက် အသင့်တော်ဆုံးပေါ့။ နဖူးပေါ် ဆံမြိတ်ချတဲ့အခါ ဆံပင်တွေကို ကျဲကျဲလေးညှပ်ထားတာက ကလေးဆန်ဆန်နုပျိုစေတယ်။

၄။ ကျစ်ဆံမြီး

maxresdefault (1).jpg 

ကျစ်ဆံမြီးတွေ ခေတ်မစားတာ ကြာပြီနော်။ အခုဆို EDM ပွဲတွေနဲ့ festival တွေကလည်း တစ်ခုပြီးတစ်ခု ဆက်တိုက်ရှိလာပြီဆိုတော့ ကျစ်ဆံမြီးတွေ ပြန်ခေတ်စားလာပါဦးမယ်။ ကျစ်ဆံမြီးကို စတိုင်လ်အမျိုးမျိုးနဲ့ ပွဲတွေမှာ လန်းလို့ရပြီလေ။

၅။ နားရွက်ဖုံးအတို

a209ce142006dce7aaa354d592781cd2--short-bob-haircuts-bob-haircut-with-bangs.jpg 

အရမ်းတိုကပ်နေတာမျိုး မဟုတ်ဘဲနဲ့ နားရွက်ဖုံး၊ ဂုတ်ထောက်စတိုင်လ်ကိုမှ step တွေ မပါတဲ့ ခပ်ရှင်းရှင်းစတိုင်လ်တွေလည်း လူကြိုက်များလာနေပါတယ်။ ၂၀၁၈ ထဲမှာတော့ ပိုပြီး တွေ့ရမယ်လို့ ဆံပင်စတိုင်လ် ကျွမ်းကျင်သူတွေက ခန့်မှန်းထားကြပါတယ်။


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က