မြင်ရတဲ့လူတွေမှာ ပါးစပ်အဟောင်းသားနဲ့ ခြောက်ခြားသွားရတယ်။
Su Yee Moe

ကမ္ဘာကျော် ဖက်ရှင်အမှတ်တံဆိပ် Gucci ရဲ့ ရှိုးပွဲတစ်ခုဟာ ဖက်ရှင်လောကမှာ ဂယက်ထသွားတယ်။ ရှိုးလျှောက်တဲ့ မော်ဒယ်တွေ လက်ထဲမှာကိုင်လာတဲ့ ပစ္စည်းတွေက တကယ်ကို ကြောက်စရာကြီးတွေပါ။ ဒါမျိုးလည်း မမြင်ဖူးတော့ မြင်ရတာ ခြောက်ခြားစရာပါပဲ။

ddd.jpg 

Gucci ရဲ့ Fall/Winter 2018 ကို ဖေဖော်ဝါရီ ၂၁ ရက် ညပိုင်းက မီလန်မြို့ရှိ Gucci Hub မှာ ပြုလုပ်ခဲ့ပါတယ်။ Creative Director Alessandro Michele ရဲ့စိတ်ကူးနဲ့ ရှိုးပွဲမှာ အထူးအဆန်းတွေကို လုပ်ပြသွားခဲ့တယ်။ မော်ဒယ်တွေဟာ ခေါင်းပြတ်တွေကိုကိုင်ပြီး ရှိုးလျှောက်ပြခဲ့ကြတာ ဖြစ်ပါတယ်။

49717B5A00000578-5418355-Ready_for_an_outfit_transplant_The_room_was_set_up_to_look_like_-m-9_1519255424557.jpg 

အပြင်အဆင်ကိုလည်း ခွဲစိတ်ခန်းပုံစံ ပြုလုပ်ထားတယ်။ ခွဲစိတ်ကုတင်၊ မီးလုံးနဲ့ ခွဲစိတ်ခန်းသုံးအရောင်ဖြစ်တဲ့ အစိမ်းရောင်နောက်ခံကိုလည်း ထည့်သွားထားတယ်။ ခွဲခန်းနဲ့၊ ခေါင်းပြတ်တွေနဲ့ဆိုတော့ မြင်ရသူတွေမှာ မျက်လုံးတွေပြူးကျယ်သွားရတော့တယ်လေ။

4971671000000578-5418355-image-m-167_1519231351520.jpg 

ရှိုးလျှောက်တဲ့မော်ဒယ်ဟာ သူ့မျက်နှာအတိုင်း တစ်ထပ်တည်းတူတဲ့ ခေါင်းပြတ်အရုပ်ကို ကိုင်ပြီးလျှောက်သွားခဲ့တာပါ။ ဆံပင်နဲ့ မိတ်ကပ်ကအစ တစ်ထပ်တည်းတူနေတော့ မြင်ရတာ ကြက်သီးထစရာလည်းကောင်းတယ်။ တချို့မော်ဒယ်တွေကတော့ နဂါးရုပ်ကို ကိုင်ပြီးလျှောက်တာလည်း တွေ့ခဲ့ရပါတယ်။

Source : Daily Mail


ဆက်စပ်အကြောင်းအရာများ


က္က