ယားလွန်းလို့ လူကြားထဲတောင် မသွားနိုင်ဘူး။ ကုတ်မိတော့မယ်။
Su Yee Moe

မိန်းမကိုယ်ယားယံခြင်းဟာ အမျိုးသမီး ကြီး၊ ငယ်မရွေး ကြုံရလေ့ရှိပါတယ်။ လူကြားထဲမှာ နေမထိထိုင်မသာ ဖြစ်ရလွန်းလို့လည်း တော်တော်ခံရခက်တယ်။ ဘာကြောင့် မိန်းမကိုယ်တဝိုက် ယားယံရသလဲဆိုတဲ့အကြောင်းရင်းတွေထဲမှာတော့ ဒီအချက်တွေက ထိပ်ဆုံးကဖြစ်ပါတယ်။

၁။ နေထိုင်မှုပုံစံကြောင့်

1296x728_Reasons_to_See_an_OBGYN_for_Vaginal_Itch.jpg 

ရိတ်ထားတဲ့အမွေးတွေ ပြန်ထွက်စမှာ နေလို့ထိုင်လို့မရလောက်အောင် ယားတယ်။ အတွင်းခံဘောင်းဘီ တင်းတင်းကျပ်ကျပ် ဝတ်လွန်းရင်၊ ချွေးစိုအဝတ်တွေကို ဝတ်ထားရင်လည်း မိန်းမကိုယ်တဝိုက် ယားယံမှုဖြစ်စေပါတယ်။ Gym မှာ လေ့ကျင့်ခန်းလုပ်ပြီးတဲ့အခါ အတွင်းခံကို လဲဝတ်လိုက်ပါ။ အမွေးရိတ်တဲ့ဓားကိုလည်း အများဆုံး ၅ ကြိမ်ပဲ သုံးပြီး အသစ်လဲလှယ်သင့်တယ်။

၂။ ချစ်တင်းနှောခြင်းကြောင့်

ချစ်တင်းနှောခြင်း (လိင်ဆက်ဆံခြင်း)ကြောင့် ယားယံတာကတော့ သုံးတဲ့ ချောဆီ (lubricant) ကြောင့်လည်း ဖြစ်နိုင်ပါတယ်။ ချောဆီမှာပါတဲ့ အယ်လ်ကိုဟောကြောင့် မိန်းမကိုယ်အတွင်းပိုင်း ယားယံမှုဖြစ်တတ်ပါတယ်။

၃။ သွေးဆုံးကိုင်ခြင်း

opener-gettyimages-492038230-voyagerix.jpg

အမျိုးသမီးတွေ သွေးဆုံးချိန်ရောက်ရင်လည်း မိန်းမကိုယ်တဝိုက် ယားယံမှုကို ခံဏားရလေ့ရှိပါတယ်။ ခြောက်သွေ့မှုကြောင့် ယားယံမှုခံစားရတာပါ။ အီစထရိုဂျင်ဟော်မုန်း (estrogen) လျော့နည်းလာတာနဲ့အမျှ ယားယံမှုတွေ ဖြစ်စေပါတယ်။

၄။ သန့်ဆေးရည်

မိန်းမကိုယ်သန့်ဆေးရည်တိုင်းကလည်း ကိုယ်နဲ့ အဆင်ပြေချင်မှ ပြေဦးမှာကိုး။ တချို့ကျတော့လည်း ဆပ်ပြာနဲ့ မတည့်ဘူး။ သုံးလိုက်တိုင်း ယားယံမှုဖြစ်တယ်ဆိုရင် ဆပ်ပြာပဲဖြစ်ဖြစ် သန့်ဆေးရည်ပဲဖြစ်ဖြစ် ပြောင်းသုံးဖို့ အကြံပေးပါရစေ။ ယေဘုယျအားဖြင့်တော့ မိန်းမကိုယ်တဝိုက်သုံးတဲ့အရာ (ဆေးရည်၊ ဆပ်ပြာ)တို့ဟာ အနံ့မပါတာမျိုးကိုရွေးတာ အကောင်းဆုံးပါပဲ။

၅။ ပိုးဝင်ခြင်း

 

ဘက်တီးရီးယားကြောင့်လည်း မိန်းမကိုယ်တဝိုက် ယားယံမှုဖြစ်ရပါတယ်။ သားအိမ်လမ်းကြောင်းကို ပိုးမဝင်အောင်လို့ သန့်သန့်ရှင်းရှင်းထားဖို့ လိုပါတယ်။ ရာသီလာနေချိန်မှာဆိုလည်း ဂွမ်းထုပ်၊ tampon တို့ကို ၄ နာရီတစ်ကြိမ် အသစ်လဲလှယ်ပေးသင့်တယ်။

Source : Women Health


Author


က္က