Su Yee Moe

အမေဆိုတာ ကမ္ဘာပေါ်မှာ အချစ်တတ်ဆုံးလူသားတွေလို့ပြောရင် လွန်မယ်မထင်ဘူး။ ခြွင်းချက်တစ်ချို့တစ်လေတော့ ရှိပေမဲ့ မိခင်မေတ္တာဟာ အရမ်းကို ကြီးမားနက်ရှိုင်းလွန်းတာတော့ အမှန်ပါ။ အသက် ၈၀ အရွယ် သားဖြစ်သူကို ပြုစုချင်တဲ့အတွက် အသက် ၉၈ နှစ်အရွယ် အမေက စောင့်ရှောက်ရေးဂေဟာထိအောင် လိုက်လာတဲ့အဖြစ်မျိုးလည်းရှိတယ်။ ကြားရတာ တကယ်ပဲ ပီတိဖြစ် ကြည်နူးရတဲ့ဖြစ်ရပ်ပါ။

Ada-Keating-98-moved-into-Moss-View-Nursing-home-in-Huyton-to-look-after-her-son-Tom-Keating-82.jpg 

အက်ဒါ ကိတင်းဟာ အသက် ၉၈ နှစ် ရှိပါပြီ။ သူမရဲ့သားဖြစ်သူ တွမ်ကတော့ အသက် ၈၀ ပါ။ တွမ်ဟာ ၂၀၁၆ ခုနှစ်ကတည်းက လီဗာပူးလ်မြို့၊ Huyton က Moss View စောင့်ရှောက်ရေးဂေဟာကို ရောက်နေခဲ့တာပါ။ တစ်ကြိမ်တစ်ခါမျှ လက်ထပ်ထိမ်းမြားဖူးခြင်းမရှိခဲ့တဲ့ သားကို စောင့်ရှောက်မယ့် ဇနီးသည်၊ သားသမီး၊ မြေးမြစ်တွေလည်း မရှိတာကြောင့် မိခင်ကြီးက အသက် ၉၈ နှစ်မှာတောင် သားကို ပြုစုပေးချင်ခဲ့တာဖြစ်ပါတယ်။

see also 

သားဖြစ်သူဟာ ပိုပြီးစောင့်ရှောက်ဖေးမပေးတာခံရဖို့ လိုအပ်တယ်လို့ ယူဆတာကြောင့် အက်ဒါက သားနောက်ကိုလိုက်ခဲ့ပါတော့တယ်။

Ada-Keating-98-moved-into-Moss-View-Nursing-home-in-Huyton-to-look-after-her-son-Tom-Keating-80.jpg 

သားအမိနှစ်ယောက်ဟာ ခုဆို စောင့်ရှောက်ရေးဂေဟာမှာ အတူတူနေနေကြပါပြီ။ ဂိမ်းဆော့တာတွေ Emmerdale ရုပ်သံအစီအစဉ်အတူကြည့်တာတွေ ပြုလုပ်ကြသတဲ့။ "ကျွန်မက ညတိုင်း တွမ့်အခန်းကိုသွားပြီး ကောင်းသောညပါလို့ပြောတယ်၊ ပြီးရင် မနက်ကျရင်လည်း မင်္ဂလာမနက်ခင်းပါလို့လည်း သွားပြောမှာ"လို့ အက်ဒါက ပြောပါတယ်။  တွမ်ဟာ အက်ဒါရဲ့ အကြီးဆုံးသားလည်းဖြစ်ပြီး အိမ်ထောင်လည်းမပြုတာမို့ မိခင်အနေနဲ့ အချစ်ပိုဟန်တူပါရဲ့။ အက်ဒါနဲ့ ကွယ်လွန်သွားပြီဖြစ်တဲ့သူမရဲ့ခင်ပွန်းဟယ်ရီတို့မှာ ကလေး ၄ ဦး ထွန်းကားခဲ့ပါတယ်။ တွမ်၊ ဘာဘရာ၊ မာဂီနဲ့ ဂျဲနက်တို့ ဖြစ်ပါတယ်။ ဂျဲနက်ကတော့ အသက် ၁၃ နှစ်မှာ သေသွားခဲ့ပါတယ်။

Ada-Keating-98-moved-into-Moss-View-Nursing-home-in-Huyton-to-look-after-her-son-Tom-Keating-81.jpg 

အရင်တုန်းကတော့ တွမ်က ဆေးသုတ်နဲ့အိမ်အလှဆင်အလုပ်ကို လုပ်ပါတယ်။ အက်ဒါကတော့ အရင်က Mill Road ဆေးရုံမှာ သူနာပြုအကူ လုပ်ခဲ့ပါတယ်။ ခုတော့ အက်ဒါရောတွမ်ပါ စောင့်ရှောက်ရေးဂေဟာမှာ အတူတူ နေထိုင်ကြပြီး မိသားစုဝင်တွေက သူတို့သားအမိကို ပုံမှန်လာရောက်ကြည့်ရှုကြပါတယ်။

 

Source : Mirror


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က