Su Yee Moe

အယ်လ်ဘားမားမှာ နေထိုင်တဲ့ အမျိုးသမီးတစ်ဦးဟာ ဟာရီကိန်းမုန်တိုင်း ဟာဗေးကြောင့် ထိခိုက်ပျက်စီးခဲ့ရတဲ့ မိသားစု ၂၀၀ နီးပါးကို ခရစ္စမတ်ပွဲလေး ဖန်တီးပေးခဲ့ပါတယ်။ ဒီလိုမျိုး ပြုလုပ်နိုင်ဖို့အတွက် ဖေ့စ်ဘုတ်ကနေ ဂရုတစ်ခုထောင်ပြီးတော့ လူတွေကိုဖိတ်ခေါ်ကာ Huston ဒေသ ဟာဗေးမုန်တိုင်းသင့် မိသားစုဝင်တွေကို လှူဒါန်းပေးခဲ့တာ ဖြစ်ပါတယ်။

robinn-graves-christams-ht-03-jpo-171215_16x9_608.jpg 

အသက် ၃၃ နှစ်အရွယ် ကော့တနေ အဒမ်ဟာ  သြဂုတ်လတုန်းက ဟာရီကိန်းမုန်တိုင်း Harvey တိုက်ခတ်သွားတာကို ရုပ်သံသတင်းတွေကနေ မြင်ခဲ့ရတယ်။ ကလေး ၃ ယောက်မိခင် အဒမ်က အဲ့ဒီဖြစ်ရပ်ကိုမြင်ပြီး စိတ်မကောင်းဖြစ်သွားတဲ့နောက် သူ့အနေနဲ့ ဘယ်လိုကူညီနိုင်မလဲဆိုတာ စဉ်းစားခဲ့တယ်။ နောက်တော့ Holidays for Harvey ဆိုတဲ့ ဖေ့စ်ဘုတ်ဂရုတစ်ခုထောင်လိုက်ပြီး Huston ဒေသက အကူညီလိုအပ်နေတဲ့ မိသားစုတွေကို ကူညီပေးဖို့ လူတွေကို ဖိတ်ခေါ်ခဲ့တယ်။

courtney-adams-ht-jrl-171215_4x3_992.jpg 

" ကျွန်မ ထိုင်ချလိုက်တယ်၊ ပြီးတော့ ဖေ့စ်ဘုတ်ဂရုတစ်ခုထောင်လိုက်ပြီး စ share တော့တာပဲ။ လူတွေက လာ join ကြတယ်၊ ပြီးတော့ အကူအညီပေးဖို့မေးတယ်၊ အကူအညီတွေ ပေးလာကြတယ်" လို့ အဒမ်က ပြောပါတယ်။ အဒမ်နဲ့အတူ စေတနာ့လုပ်အားရှင်အဖြစ် ပထမဆုံးပူးပေါင်းလာတာက သူမရဲ့သူငယ်ချင်း Lori Martin ဖြစ်ပါတယ်။ ပန်ဆယ်လ်ဗေးနီးယားက ကလေး ၃ ဦး မိခင်ပါ။

မာတင်နဲ့ သူမရဲ့ခင်ပွန်းဟာ အသက် ၁၇ နှစ်အရွယ် သမီးတစ်ဦးရှိတဲ့ မိသားစုတစ်စုကို ခရစ္စမတ်ပွဲလေး ဖန်တီးပေးခဲ့ကြတယ်။ မုန်တိုင်းသင့်မိသားစုဟာ တခြားဘာမှမလိုချင်ပေမဲ့ သမီးဖြစ်သူအတွက် ပျော်စရာခရစ္စမတ်လေး ဖြစ်စေချင်ကြတယ်လေ။ အဲ့တာကြောင့်မို့လို့ မာတင်က သူတို့မိသားစု ၃ ဦးအတွက် ခရစ္စမတ်လက်ဆောင်လေးကို ပါကင်လှလှလေးထုတ်ပြီး ပေးခဲ့တယ်။ ခရစ္စမတ်မနက်ခင်းရောက်လို့ သူ့ရဲ့လက်ဆောင်ထုပ်လေးကို ဖွင့်ကြည့်တဲ့အခါ အဲ့ဒီမိသားစုက ပျော်ရွှင်နေကြတော့မှာပါ။

christmas-nicholson-06-ht-jrl-171214_4x3_992.jpg 

အဒမ်နဲ့အတူ နောက်ထပ်ပါဝင်လာတာက သူမရဲ့သူငယ်ချင်း Nicholson ဖြစ်ပါတယ်။ အမျိုးသမီး ၃ ဦးဟာ Huston က မုန်တိုင်းသင့် မိသားစု ၁၈၈ ခုအတွက် လက်ဆောင်တွေကို စီစဉ်ပေးခဲ့ကြပါတယ်။ ကလေး ၆၂၀ နဲ့ မိသားစုဝင် ၁၀၄၅ ဦးအတွက် လက်ဆောင်တွေကို စီစဉ်ပေးခဲ့ကြပါတယ်။

Source : Wbal


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က