• Empowerment Culture
    မီဂန်မာကယ်ရဲ့ ကပိုကယိုဆံထုံးလေးကို လူတွေချီးကျူးနေကြ
Su Yee Moe

အလုပ်များတဲ့ မိန်းကလေးတွေအတွက်တော့ ဆံပင်တွေကို နောက်မှာစုချည်ပြီး ထုံးထားလိုက်တာ အလွယ်ဆုံးပါပဲ။ ဒီလိုအလုပ်မျိုးကို မီဂန်မာကယ်လည်း လုပ်လေ့ရှိတယ်။ ဆံပင်တွေကို နောက်မှာ ကပိုကယိုလေး ထုံးဖွဲ့ထားပြီး တော်ဝင်မိသားစုဝင်တွေနဲ့ အတူ ပြည်သူတွေရှေ့ထွက်ခဲ့ပါတယ်။ အဲ့ဒီ ကယိုကပိုဟန်လေးကိုပဲ လူတွေက ချီးကျူးနေကြပြန်တယ်။

Meghan-Markle-Messy-Bun-January-9-2018.jpg 

ဇန်နဝါရီ ၉ ရက်နေ့က လန်ဒန်မြို့ထဲမှာ ခင်ပွန်းလောင်း မင်းသားဟယ်ရီနဲ့အတူ မီဂန်က ပြည်သူတွေရှေ့မှောက် ထွက်ခဲ့စဉ်က ဆံပင်တွေကို ကယိုကယိုလေးပဲ ထုံးထားခဲ့တယ်။ မျက်နှာမှာလည်း မိတ်ကပ်ကို မပါသလောက်နီးပါး သဘာဝကျကျလေး လိမ်းထားခဲ့တာ တွေ့ရပါတယ်။ လန်ဒန်ရဲ့အေးမြတဲ့ ရာသီဥတုကို အံတုဖို့ ကုတ်အကျႌတစ်ထည်နဲ့ လည်စည်းပုဝါလေးကိုလည်း ပတ်ထားခဲ့တယ်။ လန်ဒန်မြို့က ရေဒီယိုအသံလွှင့်ရုံကို ဟယ်ရီနဲ့အတူ သွားခဲ့တာပါ။

Meghan-Markle-Messy-Bun-January-9-2018 (1).jpg 

မီဂန်ရဲ့ ဓာတ်ပုံဟာ အင်တာနက်နဲ့ လူမှုကွန်ရက်ပေါ်ကို ပျံ့နှံ့သွားပြီးနောက် ဟိတ်ကြီးဟန်ကြီးမနိုင်တဲ့ မင်းသမီးကို လူတွေက ချီးမွမ်းနေကြပါတယ်။ အမေရိကန်မင်းသမီးတစ်ဦးလည်းဖြစ်ပြီး မကြာခင်မှာ ဗြိတိန် တော်ဝင်မိသားစုဝင်တစ်ဦး ဖြစ်လာမယ့် မီဂန်မာကယ်ဟာ ပြည်သူတွေကို တရင်းတနှီး ဆက်ဆံလေ့ရှိပြီး အမျိုးသမီးတွေကို ကူညီပေးတဲ့လုပ်ငန်းတွေနဲ့ ပရဟိတလုပ်ငန်းတွေမှာ ပါဝင်လေ့ရှိသူဖြစ်တာကြောင့်လည်း သူမကို ထောက်ခံသူတွေ များပြားပါတယ်။

meghan-markle.jpg 

" မီဂန်မာကယ်ဟာ တော်ဝင်ပွဲလမ်းတွေကို ဆံပင်လေးကပိုကယိုထုံးပြီး တက်ရောက်တာကို ကျွန်မတော့ သဘောကျတယ်။ အဲ့တာ ဆံပင်လေးပဲဆိုတာ ကျွန်မသိပါတယ်။ ဒါပေမဲ့ အဲ့တာက ပိုရင်းနှီးပြီး ရှေးဆန်တာနည်းသွားစေတယ်လို့ ခံစားရစေတယ်" လို့ တွစ်တာအသုံးပြုသူတစ်ဦးက ရေးထားတယ်။ ငယ်ရွယ်တဲ့ မိန်းကလေးတစ်ယောက်ကလည်း မီဂန်ရဲ့ဆံပင်လေးကို အားကျနေတယ်။ နောက်တစ်ခါ သူမရဲ့ဆံပင်ကို အမေက ပြောလာခဲ့ရင် မီဂန်ကိုပဲ ပြလိုက်မှာလို့ ရေးထားတာ တွေ့ရပါတယ်။

Source : Fox


ဆက်စပ်သတင်းများ


Newsletter
Don't Miss The Best Of Duwun

See stories of the future in your inbox each morning

News
Entertainment
Sports
Women
Lifestyle
Tech

Copyright © 2018 Duwun.

Privacy Policy | About Us