ဘက်ခမ်းနဲ့ ပါတနာလို သဘောထားဆက်ဆံတဲ့အတွက် အောင်မြင်မှုရခဲ့တယ်။
Su Yee Moe

အဆိုတော်တစ်ယောက်အဖြစ်နဲ့ အောင်မြင်ခဲ့သလို ဒီဇိုင်နာအလုပ်ကို ပြောင်းလဲလုပ်တာ့လည်း ဗစ်တိုးရီးယားဘက်ခမ်းဟာ အောင်မြင်မှုတွေ ရနေသူပါ။ သားသမီး ၄ ယောက်ကိုလည်း စနစ်တကျ ထိန်းကျောင်းနိုင်သူလည်းဖြစ်တယ်။ ပြီးတော့ ဘက်ခမ်းနဲ့ အိမ်ထောင်ရေးကလည်း သာယာနေအောင် ထိန်းသိမ်းထားနိုင်သူ။ ဗစ်တိုးရီးယားအနေနဲ့ သူမရဲ့ အိမ်ထောင်ရေးကို အဆင်ပြေနေအောင် ဘယ်လိုလုပ်သလဲဆိုတာ ပြောပြထားတယ်။

1491552788-elle-uk-may-cover-victoria-beckham-kerry-hallihan.jpg 

ဒီဇိုင်နာ ဗစ်တိုးရီးယားဟာ သူမနဲ့ဘက်ခမ်းရဲ့ အိမ်ထောင်ရေး ပြေလည်နေရခြင်းမှာ အဓိကကျဆုံးအရာကို Elle UK မဂ္ဂဇင်းမှာ ပြောသွားခဲ့တာပါ။ ဘက်ခမ်းက သူမကို ကလေးထိန်းကျောင်းတဲ့နေရာမှာ ကူညီပေးတာက အိမ်ထောင်ရေးသာယာခြင်းရဲ့ အဓိကသော့ချက်ပဲလို့ ဗစ်တိုးရီးယားကပြောတယ်။

1491553047-elle-uk-may-cover-victoria-beckham-kerry-hallihan-01.jpg 

" ဖက်ရှင်ရက်သတ္တပတ်တွေ (ဖက်ရှင်ရှိုးရှိတဲ့အချိန်တွေ)မှာ ကျွန်မ အလုပ်လုပ်နေချိန်ဆို ကလေးတွေက နယူးယော့ခ်မှာ ရှိနေမှာ။ သူက ကလေးတွေကို ပြတိုက်တွေလိုက်ပို့ဖို့နဲ့ စနေညမှာ ညစာထွက်စားဖို့ အသင့်စီစဉ်ထားပြီးနေပြီ။ သူက ကျွန်မလုပ်သလိုမျိုး ကောင်းကောင်းလုပ်နိုင်တယ်။ ဒါဟာ ကိုယ့်အိမ်ထောင်ရေးမှာ ဘယ်လိုကူညီပေးနိုင်မလဲဆိုတာ ပြသရာရောက်ပါတယ်။ ကျွန်မက အဲ့တာကို ရထားတယ်လေ။ အဲ့ဒီအတွက် တကယ့် ပါတနာကောင်းတစ်ယောက် ဖြစ်စေတယ်" လို့ ကလေး ၄ ဦး မိခင် ဗစ်တိုးရီးယားက အင်တာဗျူးမှာ ဖြေခဲ့တယ်။

1491553214-elle-may-2017-cover.jpg 

နှစ်ယောက်လုံးကတော့ အရမ်းအရမ်းကို အလုပ်များကြတဲ့လူတွေပါ။ ဒါပေမဲ့ နှစ်ယောက်အတူရှိချိန်တွေမှာ ဖုန်းတွေကို ချထားပြီး တစ်ခါတစ်လေဆို စကားတွေပဲ ပြောဖြစ်ကြတယ်လို့ ဗစ်တိုးရီးယားကပြောတယ်။ သိပ်မပြုံးတတ်တဲ့ ဗစ်တိုးရီးယားဟာ တကယ်တော့ စိတ်အေးလက်အေး အနားယူပြီး ရယ်မောရတာကိုလည်း ကြိုက်ပါတယ်။ သူ့အနေနဲ့ အဲ့လိုရယ်မောလိုက်တိုင်း လူတွေအံ့သြပျော်ရွှင်သွားကြလို့လည်း ကျေနပ်တယ်လို့ ပြောပါတယ်။

Source : Bazaar


ဆက်စပ်အကြောင်းအရာများ


က္က