အာကာသပိုင်းဆိုင်ရာ ပညာရှင်တွေထဲမှာ ဂန္ထဝင်အမျိုးသမီးတစ်ဦး ဖြစ်ပါတယ်။
Su Yee Moe

အမျိုးသမီးတစ်ဦးရဲ့ဘဝမှာ လိုချင်တဲ့ပန်းတိုင်ကို အရောက်သွားဖို့ အသက်အရွယ်၊ လိင်ခွဲခြားမှုတွေထက် စိတ်အားထက်သန်မှုက အဓိကပဲဆိုတာကို Peggy Whitson က သက်သေပြနေပါတယ်။ အသက် ၅၈ နှစ် ရှိပြီဖြစ်တဲ့ ပက်ဂီက ဂင်းနက်စ် ကမ္ဘာ့မှတ်တမ်းဝင် အသက်ကြီးဆုံး အမျိုးသမီး အာကာသယာဉ်မှူး ဖြစ်ပါတယ်။

https_%2F%2Fblueprint-api-production.s3.amazonaws.com%2Fuploads%2Fcard%2Fimage%2F441434%2F84a7fea0-c28f-4112-bde5-57b5eb0d9f0e.jpg 

သိပ္ပံပညာကို စိတ်ဝင်စားခဲ့သူဖြစ်ပြီး NASA (အမေရိကန် အမျိုးသားလေကြောင်းနှင့်အာကာသအုပ်ချုပ်ရေးအဖွဲ့) မှာ တာဝန်ထမ်းဆောင်နေသူ ဖြစ်ပါတယ်။ နာဆာရဲ့ ဝါရင့်ဝန်ထမ်းတစ်ဦးလည်း ဖြစ်ပါတယ်။ ကမ္ဘာ့အသက်အကြီးဆုံး အာကာသယာဉ်မှူးအဖြစ် မှတ်တမ်းဝင်ချိန်မှာတော့ သူမရဲ့အသက်က ၅၆ နှစ်နဲ့ ၂၈၂ ရက် ရှိပါပြီ။

9a9cb42313654d09a2dce7339aa874d3.jpg 

၂၀၁၆ ခုနှစ် နိုဝင်ဘာလမှာ ပက်ဂီဟာ Soyuz MS-03 အာကာသယာဉ်ကို အခြား ဝန်ထမ်းနှစ်ဦးနဲ့အတူ  ကာဇက်စတန်ရှိ Baikonur Cosmodrome မှ နိုင်ငံတကာအာကာသစခန်းကို ဦးတည်မောင်းနှင်ခဲ့ပါတယ်။ ပက်ဂီတို့အဖွဲ့ဟာ Lift off လုပ်ပြီး ၈ မိနစ်အကြာမှာပဲ orbit ထဲကို ရောက်ခဲ့ကြပါတယ်။ သူတို့အဖွဲ့ဟာ ၂၀၁၇ ခုနှစ် မေလအထိ အာကာသထဲမှာ နေခဲ့ကာ လေ့လာမှုတွေ ပြုလုပ်ခဲ့ကြပါတယ်။

gettyimages-623637698.jpg 

ပက်ဂီဟာ အမေရိကန်သူတစ်ဦးဖြစ်ပြီး ဇီဝဓာတုသုတေသီတစ်ဦးဖြစ်သလို နာဆာရဲ့ အာကာသယာဉ်မှူးဖြစ်ပါတယ်။ နာဆာရဲ့ အာကာသယာဉ်မှူးချုပ်အဖြစ် တာဝန်ထမ်းဆောင်ခဲ့ပါတယ်။ ၂၀၀၂ ခုနှစ်မှာ အာကာသထဲကို စတင်သွားရောက်ခဲ့ပြီး နာဆာမှာ တာဝန်ထမ်းဆောင်စဉ်အတွင်း  အာကာသ ခရီးစဉ်စုစုပေါင်း ကြာမြင့်ချိန် ၆၆၅ ရက် ၂၂ နာရီ ၂၂ မိနစ် ရှိခဲ့ပါတယ်။ အာကာသပိုင်းဆိုင်ရာမှာ ထင်ရှားတဲ့ အမျိုးသမီးတစ်ဦး ဖြစ်လာခဲ့ပါတယ်။

Source : GWR


ဆက်စပ်အကြောင်းအရာများ


က္က