မင်္ဂလာဆောင်ခါနီး စုံတွဲတိုင်း ကိုယ့်ချစ်သူကို ဒါတွေမေးထားသင့်ပါတယ်။
Kyawko Ko

what-questions-to-ask-before-you-get-married-Main.jpg 

ချစ်သူသက်တမ်းဟာ အချိန်ကြာခဲ့သည်ဖြစ်စေ၊ မကြာခဲ့သည် ဖြစ်စေ မင်္ဂလာဆောင်ပြီးလို့ ဇနီးမောင်နှံဘဝ ရောက်သွားပြီ ဆိုတာနဲ့ ကွဲပြားခြားနားတဲ့ အခြေအနေတစ်ခုကို နှစ်ဦးလုံး ကြုံတွေ့ရတော့မှာဖြစ်ပါတယ်။

မင်္ဂလာဆောင်တော့မယ့် စိတ်ကူးရှိသူတွေအနေနဲ့ မင်္ဂလာဆောင်မှာ ဘာလိုဝတ်ဆင်မယ်၊ ဘယ်လိုအစီအစဉ်တွေလုပ်ပြီး ဧည့်ခံမယ်ဆိုတာထက် အရေးကြီးတဲ့အချက်တွေရှိနေပါတယ်။

အောက်ပါ မေးခွန်း (၇) ခုကို မင်္ဂလာမဆောင်ခင် သင့်ရဲ့ချစ်သူကို မေးထားသင့်ပါတယ်။

၁ ။ အကြွေးဘယ်လောက်ရှိလဲ

huef.jpg 

သူ့ရဲ့ဝင်ငွေကို သိနေပေမယ့် သူ့မှာ အကြွေးဘယ်လောက်ရှိလည်းဆိုတာကိုလည်း မေ့ပစ်မလိုက်ပါနဲ့။ သူနဲ့ကိုယ် လင်မယားဖြစ်သွားရင် သူ့အကြွေးကလည်း ကိုယ့်အကြွေး ဖြစ်လာမှာပါ။

၂။ ဘယ်လိုဆိုရင် သဘောကျလဲ

ဒါရှင်းရှင်းလင်းလင်း မေးထားသင့်တဲ့ မေးခွန်းပါ။ ငြိမ်ငြိမ်လေး နေပေးတာကြိုက်လား။ ပွတ်သပ်ချော့မြူတာကိုသဘောကျတာလား စတဲ့နှစ်ဦးသား အခြေအနေကို တိတိကျကျ မေးမြန်းထားဖို့ လိုပါတယ်။ တဆက်တည်းမှာ မကြိုက်တာတွေကိုလည်း မေးမြန်းထားပါ။

၃။ ကလေးတွေ လိုချင်လား

ဒါဟာ အရေးကြီးတဲ့ မေးခွန်းပါ။ အမျိုးသားပဲဖြစ်ဖြစ်၊ အမျိုးသမီးပဲဖြစ်ဖြစ် ကလေးချက်ချင်းလိုချင်တာရှိသလို၊ မလိုချင်သေးသူတွေလည်း ရှိပါတယ်။ လောလောဆယ် မယူချင်သေးရင်လည်း  ဘယ်အချိန်ယူမှာလည်းဆိုတာမျိုး မေးထားသင့်ပါတယ်။

၄။ ပိုက်ဆံကိစ္စ

01042013_wedding_couple_money_article.jpg 

ရလာတဲ့ ဝင်ငွေနဲ့ ပြန်သုံးရမယ့် ထွက်ငွေကို ဘယ်လိုသုံးစွဲမယ်ဆိုတာမျိုး ရှင်းရှင်းလင်းလင်း ပြောထားသင့်ပါတယ်။

၅။ ပန်းတိုင်ဘာလဲ

နှစ်ဦးလုံးဟာ အပြန်အလှန် တစ်ယောက်ရဲ့ရည်မှန်းချက်ကို တစ်ယောက်သိထားသင့်ပါတယ်။ သူရော၊ ကိုယ်ရော ဘာဖြစ်ချင်တာလဲ သိထားရမှာပါ။ ဒါမှ အပြန်အလှန်ကူညီနိုင်မှာ ဖြစ်ပါတယ်။

၆။ သူငယ်ချင်းတွေကိစ္စ

gno.jpg 

တစ်ဦးရဲ့မိတ်ဆွေသူငယ်ချင်းတွေအကြောင်း တစ်ဦးသိထားဖို့လိုသလို ဒါလည်း ရှင်းရှင်းပြောထားရမှာပါ။ တစ်ခါတစ်ရံ သူငယ်ချင်းတွေနဲ့ လူမှုဆက်ဆံရေးလုပ်ဖို့ အပြင်သွားဖို့လိုပါတယ်။ ဒီတော့ ဒါကို ကြိုက်လား၊ မကြိုက်ဘူးလား မေးထားသင့်ပါတယ်။

၇။ တစ်ဦးအကြိုက် တစ်ဦးလက်ခံမလား

ဘယ်လောက်ပဲ ချစ်ကြသည်ဖြစ်စေ အကြိုက်တော့ အားလုံးမတူနိုင်ပါဘူး။ သင်က အပြင်သွားရတာကြိုက်ရင်သူက အိမ်ထဲနေရတာ ကြိုက်ချင်ကြိုက်မှာပါ။ အဝတ်အစား၊ အစားအသောက် တွေလည်းဒီလိုပါပဲ။ တစ်ဦးအကြိက်ကို တစ်ဦးလေးစားမှု ရှိဖို့ ကြိုပြောထားရမှာ ဖြစ်ပါတယ်။

ှSource : Life


က္က