တကယ်ချစ်တဲ့သူတွေကသာ အနာဂတ်အတွက် ကြိုတွေးတတ်ကြပါတယ်။
Su Yee Moe

14900406_337980763227576_6130521233364995291_n.jpg 

အချစ်နဲ့တပ်မက်မှုဆိုတာ တူသယောင်ယောင်ရှိပေမဲ့ တကယ်တမ်းတော့ ကွဲပြားတဲ့စိတ်ခံစားချက် (၂)မျိုးပါ။ ဒါပေမဲ့ တချို့က အချစ်စစ်နဲ့ချစ်ပြီး တပ်မက်မှုတွေရှိတတ်သလို တချို့ကျတော့လည်း အချစ်သပ်သပ် ဘာတပ်မက်မှုမှမပါတာ ဒါမှမဟုတ် တပ်မက်မှုပဲရှိနေပြီး တကယ့်အချစ်စစ်နဲ့မချစ်နိုင်တာတွေလည်း ဖြစ်တတ်ပါတယ်။ ဒါဆို အချစ်စစ်နဲ့ တပ်မက်မှုကြားမှာ ဘယ်လိုကွာခြားချက် တွေရှိနေလဲ...

14947891_337980839894235_873408027080786195_n.jpg 

၁။ သက်တောင့်သက်သာရှိခြင်း

အချစ်စစ်နဲ့ ချစ်မိရင် သူအလှတွေပြင်ထားမှ၊ သူကြည့်ကောင်းနေမှ သဘောကျတာမျိုးမရှိပါဘူး။ သူနေတတ်သလိုနေပြီး သက်တောင့်သက်သာဖြစ်နေတာကိုပဲ လိုလားပါတယ်။ တပ်မက်မှုက ပိုများနေရင်တော့ ရုပ်ပိုင်းဆိုင်ရာအလှက သင့်အတွက် ပိုအရေးပါနေပါလိမ့်မယ်။

14889902_337980376560948_4584950206438361964_o.jpg 

၂။ အမှားတွေ

လူဆိုတာအမှားနဲ့မကင်းပါဘူး။ အချစ်စစ်နဲ့ချစ်တဲ့သူတွေက သူတို့ချစ်သူ အမှားတွေလုပ်မိမှာ၊ အမှားလုပ်မိတဲ့အပေါ်မှာ ခံစားရတဲ့ခံစားချက်တွေကို ဂရုစိုက်ပေးလေ့ရှိပါတယ်။ တပ်မက်မှုသပ်သပ်ပဲ ရှိနေရင်တော့ သူ့အမှားကိုယ့်အမှားက သူနဲ့ကိုယ်နဲ့ကြားမှာ ဘာမှအရေးမပါပါဘူး။

14632842_337980386560947_5911729484924457594_n.jpg 

၃။ ဘာတွေတွေးနေလဲ

ချစ်သူရယ်လို့ဖြစ်လာရင် စကားတွေပြောကြမယ်၊ အတွေးလေးတွေ၊ စိတ်ကူးလေးတွေဖလှယ်ကြမယ်ဆိုတာမျိုးက လုပ်လေ့လုပ်ထရှိတဲ့အရာတွေပါ။ ဒါပေမဲ့ အချစ်စစ်နဲ့ချစ်တာမဟုတ်ဘဲ တပ်မက်မှုပဲရှိနေတဲ့သူအတွက်တော့ သူဘာတွေတွေးနေလဲဆိုတာကလည်း အရေးမပါသလို ကိုယ်ဘာတွေတွေးနေမိတယ်ဆိုတာလည်း သူ့ကိုထုတ်ပြောချင်စိတ်မရှိပါဘူး။

14917145_337980726560913_4582402919115804436_o(1).jpg 

၄။ နားလည်မှု

တကယ်ချစ်ရင် သူနဲ့ပတ်သက်သမျှကို တကယ်နားလည်သွားပါတယ်။ နားမလည်သေးရင်လည်း နားလည်အောင် အမြဲကြိုးစားနေမှာပါ။ တပ်မက်မှုပဲဆိုရင်တော့ နားလည်ဖို့လိုတယ်လို့ကို မထင်ပါဘူး။

nlklk-1024x411.jpg 

၅။ စိတ်ချင်းဆက်သွယ်မှု

ဒါကတော့ နည်းနည်းထူးခြားပါတယ်။ တစ်ယောက်နဲ့တစ်ယောက် တကယ်အချစ်စစ်နဲ့ချစ်နေမိရင် စိတ်ချင်းဆက်သွယ်မှုလေးတွေ ရှိတတ်တယ်လို့ သုတေသီတွေက ဆိုပါတယ်။ တပ်မက်မှုသီးသန့်ပဲဆိုရင်တော့ ဒီအရာက ဘယ်လိုမှ မဖြစ်တည်လာနိုင်ပါဘူး။

inside_1352373518_640x640.jpg 

၆။ တိတ်ဆိတ်ငြိမ်သက်ခြင်း

တကယ်ချစ်ကြတဲ့ချစ်သူတွေမှာ ဘာစကားမှမပြော၊ ဘာဆက်သွယ်မှုမှရှိမနေဘဲ တိတ်ဆိတ်ငြိမ်သက်နေကြတာ အချိန်ကြာလာရင် ဘယ်လိုမှမနေနိုင်ကြပါဘူး။ ဒါပေမဲ့ တပ်မက်မှုတစ်ခုပဲရှိနေသူအတွက်တော့ တိတ်ဆိတ်ငြိမ်သက်တဲ့အခြေအနေကို ပိုပြီးတောင် သဘောကျကောင်းကျနိုင်ပါတယ်။

14915223_337980279894291_5389474906355500808_n.jpg 

၇။ အနာဂတ်

ချစ်သူတိုင်းမှာ သူတို့နှစ်ယောက်ရဲ့အနာဂတ်က ဘယ်လိုလေး၊ ဘယ်ပုံစံလေးဆိုပြီး တိုင်ပင်ဆွေးနွေးစိတ်ကူးယဉ်ကြတာမျိုးရှိတတ်စမြဲပါ။ တကယ်ချစ်ကြတဲ့ချစ်သူတွေမဟုတ်ဘဲ တပ်မက်မှုကိုပဲ ဦးစားပေးသူတွေအတွက်တော့ အနာဂတ်ဆိုတဲ့ခေါင်းစဉ်အောက်မှာ ဘာစာသားမှ ရှိမနေတတ်ပါဘူး။

14889875_337980336560952_3064839642222455802_o.jpg 

၈။ ခံစားချက်

ရိုးရိုးလေးပါပဲ။ အချစ်စစ်နဲ့ချစ်ရင် သူရောကိုယ်ရောရဲ့ခံစားချက်တွေကသာ အရေးအကြီးဆုံးပါ။ တပ်မက်မှုသပ်သပ်ပဲဆိုရင်တော့ စိတ်ခံစားချက်ထက် အထိအတွေ့အယုအယတွေက ပိုအလေးသာနေမှာပါ။

Source : Cosmopolitan


က္က