ကြောင်လေးဘော့ဘ်နဲ့အတူ နေထိုင်လာခဲ့ပြီးနောက် ဘိုဝင်ရဲ့ဘဝဟာလည်း တည်ငြိမ်လာခဲ့ပြီး မူးယစ်ဆေးဝါး သားကောင်အဖြစ်မှလည်း လွတ်မြောက်ခဲ့ပါတယ်။
Ko John

2016-11-04_153450.jpg

တစ်ကယ့်ဖြစ်ရပ်မှန် ဇာတ်လမ်းကို ရိုက်ကူးထားတဲ့ ကြည်နူးဖွယ်ရာ ရုပ်ရှင်ဇာတ်ကားအထူးပွဲကို ဖြစ်ရပ်မှန် ကာယကံရှင်နှစ်ဦး ကိုယ်တိုင် တက်ရောက်ခဲ့တာကြောင့် ပရိသတ်တွေ စိတ်လှုပ်ရှား အာပေးခဲ့ကြပါတယ်။

2016-11-04_153148.jpg

ဖြစ်ရပ်မှန်ကို အခြေခံ ရိုက်ကူးထားတဲ့ 'A Street Cat Named Bob' ဇာတ်ကားအထူးပွဲကို နိုဝင်ဘာ ၃ ရက်က လန်ဒန်မှာ အထူးပွဲပြသခဲ့ရာ ဖြစ်ရပ်မှန်က ကာယကံရှင်တွေဖြစ်တဲ့ ကြောင်လေး ဘော့ဘ်နဲ့ သူ့ရဲ့သခင် လမ်းဘေးဂီတသမား ဂျိမ်းစ်ဘိုဝင်တို့ တက်ရောက်ခဲ့ကြတာ ဖြစ်ပါတယ်။

2016-11-04_153214.jpg

အဆိုပါ ဇာတ်ကားထဲမှာ ကြောင်လေးရဲ့သခင် ဘိုဝင်အဖြစ် 'Clash of the Titans' မင်းသား လူကီထရီဒါဝေးက သရုပ်ဆောင်ထားပါတယ်။

2016-11-04_153118.jpg

အိမ်ခြေမဲ့ဖြစ်ပြီး မူးယစ်ဆေးစွဲလို့ ဆေးဖြတ်နေရသူ လမ်းဘေးဂီတသမား ဘိုဝင်တစ်ယောက် လမ်းပေါ်က ကြောင်လေး ဘော့ဘ်ကို တွေ့ခဲ့ပြီးနောက် သူ့ရဲ့ဘဝ ပြောင်းလဲမှုတွေ ဖြစ်သွားခဲ့တဲ့ ဖြစ်ရပ်မှန်ဇာတ်လမ်းကို ပုံဖော်ရိုက်ကူးထားပါတယ်။

1227903_Streetcat-Bob.jpg

၂၀၀၇ ခုနှစ်ရဲ့ ညနေခင်းတစ်ခုမှာ လမ်းဘေးဂီတသမား ဘိုဝင်က လမ်းဘေးမှာ သီဆိုဖျော်ဖြေကာ ငွေတောင်းခံခဲ့ပြီးနောက် သူနေထိုင်တဲ့ နေရာကိုပြန်လာခဲ့စဉ် ဒဏ်ရာရထားတဲ့ နီဝါရောင် ကြောင်လေးတစ်ကောင်ကို တွေ့ခဲ့ရပါတယ်။ ဘိုဝင်က ကြောင်လေးကို သူနေထိုင်ရာ နေရာသို့ခေါ်ဆောင်သွားခဲ့ပြီး ဒဏ်ရာကို ကုသပြုစုပေးခဲ့ကာ ဘော့ဘ်လို့ အမည်ပေးခဲ့ပါတယ်။

124060ED000005DC-0-image-a-26_1428102105522.jpg

ကြောင်လေးဘော့ဘ် ဒဏ်ရာပျောက်ကင်းပြီး ကျန်းမာလာချိန်မှာတော့ ဘိုဝင်ရဲ့အနားက မခွာတော့ဘဲ သွားလေရာ လိုက်ပါနေတော့ပါတယ်။ ကြောင်လေးဘော့ဘ်နဲ့အတူ နေထိုင်လာခဲ့ပြီးနောက် ဘိုဝင်ရဲ့ဘဝဟာလည်း တည်ငြိမ်လာခဲ့ပြီး မူးယစ်ဆေးဝါး သားကောင်အဖြစ်မှလည်း လွတ်မြောက်ခဲ့ပါတယ်။

s-0397dfa8bd31f656d887e9d135c484224b230b54.jpg

ကြောင်လေးဘော့ဘ်နဲ့ သူ့ရဲ့ ဇာတ်လမ်းကို ဘိုဝင်က 'A Street Cat Named Bob' အမည်ဖြင့် စာအုပ်တစ်အုပ် ရေးသားဖြစ်ခဲ့ပါတယ်။ ဘိုဝင် ရေးသားတဲ့ စာအုပ်ကို အခြေခံပြီး အဆိုပါ စာအုပ်အမည်ဖြင့်ပင် ရုပ်ရှင်ရိုက်ကူးခဲ့တာလည်း ဖြစ်ပါတယ်။

2016-11-04_153614.jpg

ကြောင်လေးဘော့ဘ်က သူ့အတွက် မနက်ခင်းတိုင်းမှာ အဓိပ္ပါယ်ရှိစွာ နိုးထလာပြီး အခုလို အခြေအနေဖြစ်စေခဲ့တဲ့ အကြောင်းရင်းဖြစ်တယ်လို့ ဘိုဝင်က ဆိုပါတယ်။ ရုပ်ရှင်အထူးပွဲ ကော်ဇောနီလျှောက်လမ်းမှာ ကြောင်လေးဘော့ဘ်ကို ဘိုဝင်ရဲ့ ပခုံးပေါ်မှာ အိနြေ္ဒရရ လိုက်ပါလာတာကို ပရိသတ်တွေ ကြည်နူးဖွယ်တွေ့ခဲ့ရပါတယ်။

2016-11-04_153333.jpg

'A Street Cat Named Bob' ဇာတ်ကားအထူးပွဲကို ဗြိတိန်တော်ဝင်မင်းသမီး ကိတ်မစ်ဒယ်လ်တန် ကိုယ်တိုင်တက်ရောက်ခဲ့ပြီး ကြောင်လေးဘော့ဘ်နဲ့ ဘိုဝင်တို့ကို တွေ့ဆုံနှုတ်ဆက်ခဲ့ပါတယ်။

964c50e2-6bb8-4fe8-8e61-3268cfdfa31b.jpg

ရုပ်ရှင်အထူးပွဲကို တက်ရောက်လာကြတဲ့ ပရိသတ်တွေကလည်း ကြောင်လေးဘော့ဘ်နဲ့ ဘိုဝင်တို့ကို ဝိုင်းဝန်းဂုဏ်ပြုခဲ့ကြတာ တွေ့ပါတယ်။

article-2227639-1240609C000005DC-167_634x462.jpg

ကြောင်လေးတစ်ကောင်နဲ့ လူသားတစ်ဦးတို့ရဲ့ သံယောဇဉ်အနှောင်အဖွဲ့ ဖြစ်ရပ်မှန်ဇာတ်လမ်းကို ပုံဖော်ရိုက်ကူးထားတဲ့ 'A Street Cat Named Bob' ဇာတ်ကားကို နိုဝင်ဘာ ၄ ရက်မှာ ဗြိတိန်နဲ့ နိုဝင်ဘာ ၁၈ ရက်မှာ အမေရိကန်မှာ စတင်ပြသသွားမှာ ဖြစ်ပါတယ်။

Source & Photo: Reuters, Daily Mail


က္က