ဘယ်သူနဲ့မဆို မိတ်ဆွေဖွဲ့နိုင်ရင် ကိုယ့်အတွက် ကောင်းကျိုးဖြစ်တာချည်းပါပဲ။
 

အပေါင်းအသင်းဆိုတာ သက်တူ၊ ရွယ်တူမှ အဆင်ပြေမယ်လို့ ထင်ကြတယ်။ ကိုယ့်ထက် အသက်ကြီးတဲ့လူ၊ အသက်ငယ်တဲ့လူဆိုရင် မပေါင်းချင်ဘူး။ အဓိက အချက်ကတော့ အမြင်တွေမတူကြတာကြောင့် ဖြစ်မယ်ထင်ပါရဲ့။ ကိုယ့်ထက်ငယ်သည်ဖြစ်စေ၊ ကြီးသည်ဖြစ်စေ အသက်ကွာဟတဲ့လူနဲ့ မိတ်ဆွေဖြစ်ရတာလည်း ကောင်းတဲ့အချက်တွေ ရှိပါသေးတယ်။ ကိုယ်နဲ့ အသက်ကွာဟသူ တစ်ဦးတစ်ယောက်နဲ့ မိတ်ဆွေဖြစ်ရတဲ့အခါ မတူညီတဲ့ အတွေးအမြင်တွေ၊ ဉာဏ်ပညာတွေ၊ ပျော်ရွှင်မှုတွေကို ရနိုင်ပါတယ်။ ဒါက ကိုယ့်ကိုလည်းတိုးတက်စေပြီး ကိုယ့်ဘဝတွေကို ပိုမိုပြည့်စုံစေပါလိမ့်မယ်။

 

အသက်ကြီးတဲ့လူနဲ့ မိတ်ဆွေဖြစ်ရင် သူ့ဆီက အကြံကောင်းတွေရမယ်။ ကိုယ့်ဆီက လွဲမှားနေတဲ့ခံစားချက်တွေကို နားထောင်ပေးပြီး ဘယ်လိုအနားယူရမယ်ဆိုတာ ပြောပြပါလိမ့်မယ်။ မလိုတာတွေကို ရှင်းထုတ်နိုင်ဖို့အတွက် အသက်ပိုကြီးတဲ့မိတ်ဆွေထံမှာ နည်းလမ်းတွေ ရှိနေပါလိမ့်မယ်။ ကိုယ့်ထက်လည်း အတွေ့အကြုံစုံနေတော့ သိချင်တာတွေ မေးလို့ရတာပေါ့။ သူတို့ဘဝမှာ အမှားတွေကြုံခဲ့တယ်ဆိုရင်တောင် ကိုယ်က သူ့တို့ထံကနေ သင်ခန်းစာယူနိုင်ပါတယ်။

 

ထိုနည်းတူစွာပဲ ကိုယ့်ထက်ငယ်တဲ့လူနဲ့ မိတ်ဆွေဖြစ်ရာမှာလည်း ကောင်းတာတွေ ရှိပါသေးတယ်။ သူတို့ကျတော့လည်း ကိုယ်မသိသေးတဲ့ ခေတ်အကြောင်းကို ပိုပြောပြနိုင်ကြတယ်။ ခေတ်စားနေတာ ဘာတွေလဲဆိုတာ သူတို့ကိုမေးမှသိမှာ။ ကိုယ်က စိုးရိမ်ကြီး သံသယကြီးနေတဲ့အရာတွေကို သူတို့က အမြင်ပြောင်းလဲသွားအောင်လည်း လုပ်ပေးကြသေးတယ်။ ပိုပြီး ပျော်ရွှင်ရတယ်၊ အပူအပင်တွေ လျော့ကျရပါတယ်။ စိတ်ပျိုတော့ ကိုယ်နုတယ်ဆိုတဲ့ စကားလည်း ရှိသေးတယ်မဟုတ်လား။

Ref : Metro



က္က