ချစ်စရာဝန်ထမ်းအသစ်လေးဟာ ခင်ဗျားရဲ့ပျင်းစရာ ရုံးခန်းကြီးကို ဝင်ရောက်တိုက်ခတ်လာတဲ့ လေပြည်လေညှင်းလေးနဲ့ တူပါတယ်။
Su Yee Moe

ရုံးတွင်းအချစ်ဇာတ်လမ်းလေးတွေက မဖြစ်သင့်ဘူးလို့ ခင်ဗျားကောထင်ပါသလား။ တကယ်တမ်းကျတော့ လက်တွေ့ဖြစ်ရပ်တွေက ကျွန်တော်တို့မျှော်လင့်ထားတာနဲ့ ကိုက်ညီမနေတတ်ပါဘူး။ အလုပ်ထဲက တစ်ယောက်ယောက်ကို crush မိသွားတာက ဖြစ်ရိုးဖြစ်စဉ်ပဲဖြစ်ပြီး တစ်ခါတလေ ရှောင်လွှဲလို့လည်းမရပါဘူး။ ဘာလို့လဲဆိုတော့ အဲဒီလိုရုံးတွင်းအချစ်ဇာတ်လမ်းလေးတွေက ခင်ဗျားတို့ရဲ့ ပျင်းစရာနေ့စဉ်ရုံးလုပ်ငန်းတွေထဲမှာ စိတ်ဝင်စားစရာလေးတွေဖြစ်လာအောင် လုပ်ပေးနိုင်စွမ်းရှိလို့ပါပဲ။ ခင်ဗျားတို့၊ ကျွန်တော်တို့ယောကျ်ားလေးအများစု အလုပ်ထဲမှာ ကြုံတွေ့ရတတ်တဲ့ လုပ်ဖော်ကိုင်ဖက် crush ပုံစံ အမျိုးမျိုးရှိပါတယ်။ ဘယ်လိုတွေတောင်လား ဆိုတာကို ဆက်ဖတ်ကြည့်လိုက်ကြရအောင်။

 

၁။ ဝန်ထမ်းအသစ်ကောင်မလေး

ချစ်စရာဝန်ထမ်းအသစ်လေးဟာ ခင်ဗျားရဲ့ပျင်းစရာ ရုံးခန်းကြီးကို ဝင်ရောက်တိုက်ခတ်လာတဲ့ လေပြည်လေညှင်းလေးနဲ့ တူပါတယ်။ ခင်ဗျား အဲဒီဝန်ထမ်းကောင်မလေးကို ထပ်ဖန်တလဲလဲ မြင်ချင်တွေ့ချင်လာမယ်။ သူနဲ့စကားပြောချင်လာမယ်။ တွေးမိသမျှအကြောင်းအရာတွေကလည်း အဲဒီကောင်မလေးအကြောင်းတွေပဲ ဖြစ်လာမယ်။ သူမက အဲဒီအချိန်မှာတော့ ခင်ဗျားမျှော်လင့်ထား တာတွေအကုန်လုံးပိုင်ဆိုင်နေပါလိမ့်မယ်။ ဒါပေမယ့် သူမအကြောင်းတွေကို ခင်ဗျားပိုသိလာလေလေ၊ သူမအပေါ် crush နေတဲ့ခင်ဗျားရဲ့စိတ်အာရုံတွေ လျော့ပါးလာလေလေ ဖြစ်ပြီး နောက်ပိုင်းမှာ သူမကို ခင်ဗျားရဲ့လုပ်ဖော်ကိုင်ဖက်တွေထဲက တစ်ယောက်အဖြစ်သာ ရှုမြင်လာပါလိမ့်မယ်။

၂။ လက်ဖက်ရည်ဖျော်သောက်ရင်း တွေ့ရတဲ့ ကောင်မလေး

ခင်ဗျားတို့နှစ်ယောက်ဟာ တစ်ဌာနထဲကမဟုတ်သလို တစ်ယောက်ကိုယ်တစ်ယောက် မြင်တွေ့ခွင့်ရတဲ့အချိန်ဟာ နောက်ဖေးမီးဖိုဆောင်ထဲမှာ (ဒါမှမဟုတ်) ကော်ဖီဖျော်စက်၊ လက်ဖက်ရည်ဖျော်စက် နားမှာ ကော်ဖီ (ဒါမှမဟုတ်) လက်ဖက်ရည်လာဖျော်တဲ့အချိန်လေးပဲ ဖြစ်ပါတယ်။ မြင်ဖန်များလာတော့ ခင်ဗျားဟာ သူမ ပုံမှန်ကော်ဖီ၊ လက်ဖက်ရည်လာဖျော်သောက်တတ်တဲ့အချိန်ကို သိအောင်လုပ်ပြီး အဲဒီအချိန်မှာ သူမကိုတွေ့ခွင့်ရဖို့ ကြံလာပါတော့မယ်။ တစ်နေရာထဲမှာ သူမနဲ့အတူရှိခွင့်ရပြီဆိုတာနဲ့ ခင်ဗျားဟာ ရာသီဥတုအကြောင်းတွေ၊ ထွေရာလေးပါးတွေ လျှောက်ပြောမိပါလိမ့်မယ်။ အဲဒီလို Crush ပုံစံမျိုးဟာလည်း ဝန်ထမ်းအသစ်ကောင်မလေးကို crush မိတာနဲ့ သိပ်တော့မကွာပါဘူး။ သူမအပေါ် စွဲလမ်းမိသလိုဖြစ်နေတဲ့ ခံစားချက်ဟာ အချိန်တစ်ခုကြာလာရင် ပျောက်ပျယ်သွားပါလိမ့်မယ်။

၃။ ခင်ဗျားလက်လှမ်းမမီနိုင်တဲ့ ကောင်မလေး

အထက်တန်းကျောင်းနဲ့ ရုံးမှာ တူတာတစ်ခုတော့ရှိပါတယ်။ အထက်တန်းကျောင်းမှာတုံးက ခင်ဗျား အသေ crush ခဲ့တဲ့ ကောင်မလေးအကြောင်း ပြန်တွေးကြည့်ပါ။ သူမအကြောင်းခင်ဗျားအိမ်မက်တွေ မက်ခဲ့ပါလိမ့်မယ်။ သူမနဲ့တွေ့တဲ့အကြိမ်တိုင်းလည်း ပြောဖို့စကားလုံးတွေ ပျောက်ရှနေပါလိမ့်မယ်။ ဒါပေမယ့် သူမကတော့ ခင်ဗျားနဲ့တူတူရှိနေချင်မှာမဟုတ်သလို ခင်ဗျားရှိနေမှန်းကိုတောင် သတိပြုမိမှာမဟုတ်ပါဘူး။ ကဲ အခုရုံးက ခင်ဗျားရဲ့လုပ်ဖော်ကိုင်ဖက် crush အကြောင်းကို တွေးကြည့်လိုက်ပါ။ သူမကကော သူမနဲ့ခင်ဗျား အတူတူရှိနေတဲ့အချိန်တိုင်း ခင်ဗျားရဲ့ ဒူးတွေ ပျော့ခွေသွားအောင်လုပ်နိုင်ပါသလား။ သူမနဲ့တူတူ ညစာ စားခွင့်ရဖို့ ခင်ဗျားရဲ့ချိန်းဆိုမှုတိုင်းကို သူမကငြင်းပယ်နေပါသလား။ အဲဒါဆိုရင်တော့ ဒီကစားပွဲမှာလည်း ခင်ဗျားရှုံးဖို့များနေပါပြီ။ နောက်ဆုံးမှာတော့ ခင်ဗျားရဲ့ကြိုးစားအားထုတ်မှုတွေကို ခင်ဗျားစွန့်လွှတ်လိုက်ရပါလိမ့်မယ်။

၄။ သန့်ရှင်းရေးကောင်မလေး

သူမကတော့ သန့်ရှင်းရေးလုပ်တဲ့ကောင်မလေး ဒါမှမဟုတ် ခင်ဗျားတို့ရုံးနားက ကန်တင်းက ကောင်မလေးဖြစ်နေနိုင်ပါတယ်။ သူမကတော့ အမြဲတမ်းလိုလို အလုပ်ရှုပ်နေတတ်ပြီး ခင်ဗျားရဲ့ ပျင်းစရာရုံးလုပ်ငန်းတွေအကြောင်းလည်း ဘာမှနားလည်မှာမဟုတ်ပါဘူး။ သူမနဲ့ခဏတွေ့ခွင့်ရတာ စကားပြောခွင့်ရတဲ့ ခင်ဗျားအတွက်ကံကောင်းခြင်းတစ်ခုဖြစ်ပြီး သူမနဲ့အပြင်လောက က သတင်းတွေအကြောင်းပဲ အများဆုံးပြောဖြစ်ပါလိမ့်မယ်။ အဲဒီလို crush မျိုးကတော့ ခင်ဗျားအတွက် လွတ်လပ်မှု နဲ စိတ်ပေါ့ပါးမှုကို ဆောင်ကျဉ်းလာပါတယ်။ ဒါပေမယ့် အဲဒီလိုရာထူးမျိုး၊ နေရာမျိုးမှာ အလုပ်လုပ်ရတဲ့ မိန်းကလေးတွေက ခဏခဏ အပြောင်းအလဲရှိတတ်ပါတယ်။ ဒါကြောင့် ခင်ဗျား သူမအပေါ် crush ရချိန်ဟာ သိပ်ကြာလိုက်မှာမဟုတ်ပါဘူး။ (ခင်ဗျားကိုယ်တိုင် အရမ်းကြီး serious ဖြစ်မိမသွားဘူး ဆိုရင်ပေါ့။)

 

၅။ အကောင်းမြင်တတ်တဲ့ ကောင်မလေး

သူမကတော့ လောကကြီးကိုအကောင်းမြင်တတ်တယ်။ အမြဲတမ်းပေါ့ပါးပျော်ရွှင်နေတယ်။ အမြဲတမ်း ပြုံးရွှင်ရယ်မောနေတတ်တယ်။ သူမအကြောင်း ကောင်းကောင်းမသိသေးတဲ့လူတွေတောင် သူမ အမြဲပြုံးနေတာကို မြင်တွေ့ရတာကိုနှစ်ခြိုက်ကြပါလိမ့်မယ်။ သူမလိုလူမျိုးနဲ့ အချိန်ကုန်ဆုံးရတာ အချိန်ကုန်လို့ ကုန်သွားမှန်းတောင်သိလိုက်မှာမဟုတ်ပါဘူး။ အထူးသဖြင့် သူမက ချစ်စရာကောင်းပြီး ခင်ဗျားတို့နှစ်ယောက်ကြားမှာ အကြိုက်ချင်းတူနေတာတွေအများကြီး ရှိနေချိန်မှာပေါ့။ ဒါမှမဟုတ် အနည်းဆုံးတော့ ခင်ဗျားတို့ကြားမှာ ပြောစရာအကြောင်းအရာတွေ သုံးလေးငါးခုလောက်တော့ ရှိနေချိန်မှာပေါ့။ တစ်နေ့နေ့မှာ ခင်ဗျားရဲ့ရုံးတွင်းဇာတ်လမ်းလေးဟာ ဒီထက်ပိုတဲ့ နောက်တစ်ဆင့်ကို တက်လှမ်းသွားနိုင်ပါတယ်။ ဒါကြောင့် ခင်ဗျားသာ single တစ်ယောက်ဖြစ်မယ်ဆိုရင် ဒီထက် နောက်တစ်ဆင့်တက်နိုင်ဖို့ ကြိုးစားကြည့်သင့်ပါတယ်။

၆။ Nigh Out အတူထွက်ဖူးတဲ့ ကောင်မလေး

ပြီးခဲ့တဲ့အပတ်တုံးက ခင်ဗျားရဲ့လုပ်ဖော်ကိုင်ဖက်တွေနဲ့အတူ night out ထွက်ခဲ့ပြီး သူတို့ထဲကတစ်ယောက်ယောက်ကို ခင်ဗျား ချစ်မိနေပြီလို့ ခံစားရပါလိမ့်မယ်။ ကျွန်တော်တို့ခန့်မှန်းကြည့်ပါရစေ။ နောက်တစ်နေ့ မနက်မှာ သူမနဲ့ပတ်သတ်ပြီး ခင်ဗျားရဲ့အမြင်တွေပြောင်းလဲသွားပါလိမ့်မယ်။ နောက်ပြီး သူမကို ခင်ဗျားအမြင်သစ် ရှုထောင့်သစ်ကနေ ကြည့်မိလာပါလိမ့်မယ်။ ဟုတ်တယ်ဟုတ်။ အဲဒီညတုံးကတော့ သူမဟာအရမ်းမိုက်နေမယ်။ အရမ်းလန်းနေမယ်။ ပစ်ကြွေချင်စရာကောင်းနေ ပါလိမ့်မယ်။ ကျွန်တော်တို့ခန့်မှန်းချက်တွေအရတော့ အရက်သောက်ထားခြင်းက ခင်ဗျားရဲ့သူမ အပေါ်ထားရှိခဲ့တဲ့ အမြင်တွေကို ၉၀% လောက် ဝင်ရောက်စွက်ဖက်နေပါလိမ့်မယ်။ သူမအပေါ် ခင်ဗျား crush နေမိတာတွေဟာလည်း သိပ်မကြာခင်မှာပဲ ပျယ်ပျောက်သွားပါလိမ့်မယ်။

၇။ ရုံးမှာခင်ဗျားနဲ့ အရမ်းအတွဲညီတဲ့ ကောင်မလေး

ခင်ဗျားတို့ဟာ တစ်ယောက်ကိုယ်တစ်ယောက်ကူညီတယ်။ ခင်ဗျားဘာပဲလုပ်လုပ် သူမဆီက အကြံဉာဏ် သို့မဟုတ် ခွင့်ပြုချက်တောင်းမိတတ်တယ်။ နေ့လည်စာတူတူစားတယ်။ ကော်ဖီ တူတူသောက်တယ်။ ရယ်စရာမောစရာတွေပြောတယ်။ ရုံးချိန်တော်တော်များများကို သူမနဲ့အတူ ဖြတ်သန်းကုန်ဆုံးတယ်။ အဲဒီလိုကောင်မလေးမျိုးဟာ ခင်ဗျားနဲ့တဌာနတည်းမှာ တူတူအလုပ်လုပ်ရတဲ့ ကောင်မလေးမျိုးပေါ့။ တစ်ရုံးလုံးက ခင်ဗျားတို့နှစ်ယောက်ကို အတင်းတုပ်ကြပါလိမ့်မယ်။ ပြီးတော့ အဲဒီလို အတင်းတုပ်ခံရတာလည်း စိတ်ပျက်စရာကောင်းပါလိမ့်မယ်။ တစ်ခါတလေမှာ အဲဒီလိုမျိုး အတင်းတုပ်မခံရအောင်၊ သူတို့တွေရဲ့ ခင်ဗျားတို့နှစ်ယောက်ကို အတွဲလိုမျိုး မြင်နေတာမျိုးတွေ ရပ်သွားအောင် တစ်ယောက်ကိုယ်တစ်ယောက် မတွေ့မမြင်မိသလို ဟန်ဆောင်တာမျိုးတွေတောင် လုပ်မိပါလိမ့်မယ်။ တကယ်လို့ခင်ဗျားသာ အိမ်ထောင်ရှိပြီးသားအမျိုးသားတစ်ယောက်ဆိုရင် ခင်ဗျားရဲ့ အိမ်ထောင်ဖက်က ခင်ဗျားရဲ့အဲဒီလုပ်ဖောင်ကိုင်ဖက်ကောင်မလေး နာမည်ကိုကြားတာနဲ့မနာလိုဝန်တိုဖြစ်လာပါလိမ့်မယ်။ တကယ်လို့ခင်ဗျားသာ လူပျိုလူလွတ်တစ်ယောက် ဖြစ်နေမယ်ဆိုရင်တော့ အဲဒီလို crush မျိုးဟာ တစ်နေ့နေ့မှာခင်ဗျားရဲ့ အိမ်ထောင်ဖက် ဖြစ်လာနိုင်ပါတယ်။

 

၈။ ကိုယ့်ကိုယ်ကိုယုံကြည်မှုအပြည့်ရှိတဲ့ အမျိုးသမီး

သူမက အမြဲလိုလိုစတိုင်ကျလှပနေပြီး business suit နဲ့ အလွန်လိုက်ဖက်ပါတယ်။ ခင်ဗျားဟာသူမကို ခင်ဗျားဘဝမှာ တစ်ခါမှမရှိဖူးခဲ့တဲ့ ခပ်ဆိုးဆိုးဆရာမတစ်ယောက်လိုမျိုး စိတ်ကူးယဉ်နေမိပါလိမ့်မယ်။ သူမက အမှီအခိုကင်းပြီး အရာရာကိုထိန်းချုပ်နိုင်စွမ်းရှိပါလိမ့်မယ်။ အဲဒီလိုအမျိုးသမီးမျိုးဟာ ခင်ဗျားကိုယ်ခင်ဗျား ပျော့ညံ့တယ်လို့ခံစားမိစေပါလိမ့်မယ်။ မကြာခင်မှာပဲ ခင်ဗျား သူမအပေါ် crush နေတာတွေ ကွယ်ပျောက်သွားပါလိမ့်မယ်။ ဒါမှမဟုတ် သူမအပေါ်ကြွေနေတဲ့စိတ်တွေက သူမကို သူမရဲ့ sweatpants (အသားကပ်ဘောင်းဘီ) တွေနဲ့တွေ့လိုက်ရချိန်မှာ ကွယ်ပျောက်သွားပါလိမ့်မယ်။

၉။ အမြဲလိုလို လုံးလားထွေးလား နေမိတတ်တဲ့ ကောင်မလေး

ခင်ဗျားတို့နှစ်ယောက်က တရားဝင်တွဲနေတာမျိုးမဟုတ်ရင်တောင်မှ ခင်ဗျားနဲ့ခင်ဗျားရဲ့ကြားက ပြောဆိုဆက်ဆံပုံတွေက ခင်ဗျားတို့ရဲ့ဆက်ဆံရေးအတိုင်းအတာကို သိသားထင်ရှားနေစေပါတယ်။ ခင်ဗျားတို့ဟာ တစ်ချိန်လုံး ပူးကပ်လုံးထွေး စနောက်နေတတ်ပြီး ခင်ဗျားတို့ရဲ့လုပ်ဖော်ကိုင်ဖက်အားလုံးက ခင်ဗျားတို့နှစ်ယောက်ကို ငြိနေပြီလို့ပဲ ယူဆနေကြမှာပါ။ အဲဒီလိုဆက်ဆံရေးက သွေးပူစေတတ်ပြီး အန္တရာယ်လည်းကြီးပါတယ်။ များသောအားဖြင့်တော့ ဒီလိုလုပ်ဖော်ကိုင်ဖက် crush ပုံစံမျိုးက အဆုံးသတ် မလှတတ်ပါဘူး။ ဒါကြောင့် တရားလွန်မဖြစ်အောင် ဂရုစိုက်ထိန်းသိမ်းသင့်ပါတယ်။

Source : Top Banger


Author


က္က