Su Yee Moe

အချစ်ရေးမှာ အပြောင်းအလဲတွေကတော့ စုံတွဲတိုင်း ကြုံရတတ်ကြတယ်။ အပြောင်းအလဲတွေထဲမှာမှ အချစ်ရေးကို စိတ်မဝင်စားတော့လို့ Relationship အဖြစ်ကို ရပ်နားလိုက်တော့မယ်၊ ချစ်သူနဲ့ လမ်းခွဲတော့မယ်ဆိုရင် ဒီမေးခွန်းလေးတွေ အရင်ဖြေကြည့်ပါဦး။

2014-03-28-Heartwithbandaid.jpg 

၁။ ဘာကြောင့် အခုမှပြတ်ချင်တာလဲ

ပြီးခဲ့တဲ့လတည်းက ပြတ်ချင်နေခဲ့တာလား၊ ဒါမှမဟုတ် လွန်ခဲ့တဲ့ ၆ လလောက်တည်းက ပြတ်ချင်နေခဲ့တာလား။ အရင်တည်းက အချစ်ရေးကိုစိတ်ကုန်နေခဲ့တာဆိုရင်တော့ ခုချိန်မှာ သည်းမခံချင်တော့လောက်အောင် ဖြစ်လာလို့နေပါလိမ့်မယ်။ ရှေ့ဆက်တွဲလို့လည်း အဆင်ပြေမှာမဟုတ်ဘူး။ ဒီလိုမမဟုတ်ဘဲ မနေ့တစ်နေ့ကမှ ဖြတ်ချင်စိတ် ရုတ်တရက်ပေါ်လာရင်တော့ ပြန်စဉ်းစားပါဦးလို့ပဲ ပြောပါရစေ။ ခဏတာခံစားချက်ကြောင့် နောင်တမရစေချင်ပါဘူး။

၂။ ပြောင်းလဲဖို့အလားအလာရှိလား

RS တစ်ခု တည်ဆောက်ဖို့က မလွယ်ပါဘူး။ တစ်ယောက်ကိုတစ်ယောက် အပြန်အလှန် နားလည်ပေးရတာတွေ၊ ညှိနှိုင်းရတာတွေ အများကြီးရှိတယ်။ နှစ်ယောက်အတူ ရှေ့ဆက်ဖို့ ကိုယ့်ဘက်က ဘာတွေပြောင်းလဲနိုင်မလဲဆိုတာလည်း တွေးကြည့်ပါ။ နှစ်ယောက်လုံးက လက်ရှိအခြေအနေအပေါ် ပြောင်းလဲလိုစိတ်မရှိဘူးဆိုမှ ပြတ်ဖို့ဆက်စဉ်းစားပါ။

going-on-a-break_feat.jpg 

၃။ ဖြစ်ချင်တာကဘာလဲ၊ ဘာကြောင့်တစ်ယောက်တည်းလုပ်ချင်ရတာလဲ

ချစ်သူကို လမ်းခွဲပြီး တစ်ယောက်တည်းနေချင်စိတ်ပေါ်နေတာ ဘာကြောင့်လဲ။ ဘာတွေများ ဖြစ်ချင်နေလို့လဲ။ အဲ့ဒါကို တစ်ယောက်တည်းလုပ်မှ ဖြစ်မှာလား။ ချစ်သူရှိနေလျက်နဲ့ လုပ်လို့မရဘူးလား။ ကိုယ်ပိုင်ဆုံးဖြတ်ချက်နဲ့ အမှီအခိုကင်းကင်း ရှေ့ဆက်ချင်စိတ်ကြောင့်ပဲ ချစ်သူနဲ့လမ်းခွဲချင်နေတာလားဆိုတာ ကွဲကွဲပြားပြားသိပါစေ။

၄။ အရင်ချစ်သူနဲ့တုန်းကရောဒီလိုဖြစ်ခဲ့လား

ကိုယ့်အကျင့်ကိုက လူတစ်ယောက်ကို ကြာကြာမတွဲတတ်သူလား။ အရင်ရည်းစားတွေတုန်းကရော ဒီလိုပဲ ငြီးငွေ့လာလို့ လမ်းခွဲခဲ့တာလားဆိုတာ ကိုယ်တိုင်အသိဆုံးဖြစ်မှာပါ။ ဒီလိုပဲ ခဏတွဲလိုက် ပြတ်လိုက် နောက်လူအသစ်ထပ်ရလိုက်ဆိုရင်တော့ သင့်ရဲ့ဘဝကြီးက မှားယွင်းနေတာပါပဲ။ RS စစ်စစ်တစ်ခုရဖို့ကို သေသေချာချာ သုံးသပ်ပြီးမှ တည်ဆောက်ပါ။ လွယ်လွယ်နဲ့ ပြိုကွဲမခံသင့်ဘူး။

break-free-2.jpg 

၅။ သူ့ကိုဆုံးရှုံးလိုက်ရတာ အဆင်ပြေပါ့မလား

စိတ်ကိုအလိုလိုက်ပြီး ခဏတာ သာယာမှုတွေကြောင့် တန်ဖိုးရှိတဲ့အချစ်ကို ဆုံးရှုံးမခံလိုက်ပါနဲ့။ သူမရှိဘဲနဲ့ ကိုယ် တကယ်နေနိုင်ပါ့မလား။ အဆင်ပြေပါ့မလား။ နောက်မှ နောင်တရနေမယ့်အဖြစ်မျိုးတွေ မကြုံချင်ရင် ဒီမေးခွန်းကို ဖြေနိုင်မှ လမ်းခွဲသင့်တယ်။

၆။ သဘောတူညီမှု

အပေါ်ကမေးခွန်းတွေအားလုံးရဲ့အဖြေတွေက Yes ဆိုရင်တောင် လမ်းခွဲဖို့ ယတိပြတ်မဆုံးဖြတ်ပါဦး။ လုံးဝ လမ်းခွဲလိုက်တာမဟုတ်ဘဲ ခဏလောက် အဆက်ဖြတ်တာမျိုးကို စဉ်းစားကြည့်ပါ။ ဥပမာ တစ်လဖြစ်စေ သုံးလဖြစ်စေပေါ့။ အဲ့ဒီအတွက်တော့ နှစ်ဦးသား သဘောတူညီမှုရှိဖို့လိုတယ်။ သူ့ဘက်က နားလည်ပေးနိုင်ရင်တော့ ခဏလောက် တစ်ကိုယ်တည်းနေကြည့်လိုက်ပါ။ အချိန်စေ့တဲ့အခါ ပြန်အဆင်ပြေသွားတာလည်း ဖြစ်နိုင်သလို လုံးဝစိတ်ကုန်သွားတာလည်း ဖြစ်နိုင်ပါတယ်။ တစ်ခုခုဆိုရင် လက်လွတ်စပယ် မဆုံးဖြတ်လိုက်ဖို့ပဲ အကြံပေးပါရစေ။


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က