ချစ်ရသူနဲ့ သေတစ်ပန် သက်တစ်ဆုံး ပေါင်းချင်ပါရဲ့။ ပြတ်သွားတော့လည်း ကြေကွဲရ၊ ခံစားရတာပါပဲ။ ဘယ်တော့ ပြတ်မလဲဆိုတာ ကြိုပြောလို့မရနိုင်ပေမဲ့ ဒီလေးခုကတော့ အချစ်ရေးဆုံးခန်းတိုင်မယ့်အရာတွေပါ။
၁။ ဝေဖန်မှု
မကြိုက်လို့ မကြိုက်ဘူးပြောတာ ကိစ္စမရှိဘူး။ ဝေဖန်တာကတော့ အဆိုးတွေချည်း ပြောနေတာဆိုရင် အခြေအနေမကောင်းဘူး။ အကြံပေးတာ၊ ကူညီတာမပါတဲ့ ဝေဖန်မှုဟာ ဘယ်သူမှလက်မခံနိုင်တဲ့အရာပါ။
၂။ အထင်သေးခြင်း
ဘာထူးလဲ။ ဝေဖန်ခြင်းရဲ့နောက်မှာ ကပ်ပါလာတဲ့အရာလေ။ ကိုယ့်ချစ်သူကို ကိုယ်တိုင်က အထင်သေးနေမှတော့ ဘယ်လိုလုပ် ယုံကြည်ချက်ရတော့မလဲ။ ဒီလိုစိတ်ရှိရင် အချစ်ရေးကြာကြာမခံဘူး။ ပြတ်တော့မှာ။
၃။ ကိုယ့်ဘက်ကိုယ်ယက်
စကားများရန်ဖြစ်တိုင်း တစ်ဖက်ကိုမကြည့်ဘူး။ သူ့ဘက်သူပဲကြည့်တယ်။ ကိုယ်မှန်တယ်၊ သူမှားတယ်လို့ပဲ ပြောနေသမျှ ဘယ်သူကမှ ကြာကြာသည်းမခံနိုင်ဘူးနော်။ အတ္တကြီးတဲ့စိတ်က အတော်ဆိုးတာ။
၄။ မဖြေရှင်းဘူး
သံသယတွေ၊ အဆင်မပြေမှုတွေရှိလာရင် သေသေချာချာ ရှင်းပြရပါမယ်။ ရှင်းပြလို့မရဘူးဆိုရင်လည်း မရရအောင် ရှင်းပြရမှာပဲ။ ချော့ရမှာပဲ။ မရလို့ လွှတ်ထားလိုက်ပြီဆိုရင်တော့ ပြတ်ပြီလို့သာ မှတ်ပါတော့။ လူဆိုတာ သံသယစိတ်ကြီးနဲ့ ဘယ်လိုဆက်ချစ်နိုင်မှာလဲနော်။
Source : Bakadesyyo