၁။ ဘယ်လိုသိနိုင်မလဲ

ပါးစပ်ကထုတ်မပြောပေမဲ့ အချစ်ကို ကြောက်နေသူမှန်း သိရအောင် သူ့ရဲ့အပြုအမူတွေကိုကြည့်ပါ။ ချစ်နေတယ်ဆိုတာ သူကိုယ်တိုင် သိရဲ့သားနဲ့ အတင်းတွန်းထုတ်နေမိတယ်။ အကြောင်းပြချက်မရှိဘဲနဲ့လည်း စိတ်ဆိုး စိတ်တိုနေတာမျိုး။ ဒါပေမဲ့ ပျော်စရာ ၊ ဝမ်းနည်းစရာ တစ်ခုခု ရှိလာပြီဆိုရင်တော့ ချစ်နေတဲ့သူကို ပြောဖြစ်တယ်။ ချစ်နေတယ်ဆိုတာကို ဘယ်တော့မှထုတ်ပြောဖို့ မကြိုးစားဘူး။ သူ့ကိုယ်သူ သိမ်ငယ်နေတယ်။

၂။ သူနဲ့ ချစ်သူဖြစ်ရင် မြဲပါ့မလား

မြဲနိုင်ပါတယ်။ ကိုယ့်ဘက်က တကယ်လည်းချစ်တယ် ၊ တည်မြဲဖို့အတွက်လည်း အားထုတ်မယ်ဆိုရင်ပေါ့။ ကိုယ့်ဘက်က ခံစားရတာကို သူ့ကိုပြောပါ။ သူက သိမ်ငယ်တတ်သူဆိုပေမဲ့ ကိုယ့်ကို ကူညီထောက်ပံ့ပေးတတ်သူ ဖြစ်လာအောင် သူ့ကိုအားကိုးပါ။ သူတတ်နိုင်တဲ့၊ လုပ်ပေးနိုင်တဲ့ အနေအထားမျိုးမှာပေါ့။ သူ့ဘက်က တတ်နိုင်သမျှ ကူညီဆောင်ရွက်ပေးပေမဲ့ အဆင်မပြေရင်လည်း အပြစ်မပြောနဲ့နော်။ သူ့မှာ စိုးရိမ်ကြောင့်ကြစိတ် ရှိနေတယ်ဆိုတာ မမေ့လိုက်နဲ့ဦး။ ကိုယ့်အနေနဲ့လည်း အကောင်းဆုံး ကြိုးစားနေတယ်ဆိုတာလည်း သူသိပါစေ။