ငယ်ငယ်လေးကတည်းက လူကြီးလို နေတတ်တဲ့ ဝါဆိုက အသက် ၂၄ နှစ်အတွင်းမှာ အလုပ်ကနေ ရရှိလာတဲ့ ရင့်ကျက်မှု တွေကြောင့် အပျော်အပါးတွေလည်း မမက်တော့ဘူးလို့ပြောပါတယ်။ ဝါဆိုနဲ့ တွေ့မှ ပြင်သင့်တာတွေ ပြင်လာတယ် ဆိုတဲ့ ဖြိုးလေး ကလည်း အမှတ်တရ ပြောပြလာပါတယ်။

'' ဝါဆိုက ငယ်ငယ်လေးကတည်းက အလုပ်လုပ်လာတာဆိုတော့ အလုပ်လုပ်တဲ့ အတွေ့အကြုံတွေက ဝါဆို့အတွက် ရင့်ကျက်စေတယ်လို့ ထင်တယ်။ အရင်တုန်းကတည်းကလည်း ကလေးလိုမနေဘူး လူကြီးလိုနေတာများတယ်။ ဒါပေမယ့် ကိုယ်လိုချင်တာရှိလို့ ပူဆာရင်တော့ ဆိုးသင့်သလောက်တော့ ဆိုးပါတယ်'' လို့ သူကဆိုပါတယ်။

'' အခုချိန်ထိ စိတ်ကောက်တာတော့ မလျော့ဘူး။ အခုနောက်ပိုင်းမှာလည်း အပျော်အပါးတွေ သိပ်ပြီးတော့ မမက်မောတော့ပါဘူး။ ကိုယ့်အလုပ်တွေပဲ ကိုယ်အေးအေးဆေးဆေးလုပ်မယ်။ မိသားစုနဲ့ပျော်မယ်၊ အလှူအတန်းတွေ လုပ်ရင်းနဲ့ ဝါဆို ပျော်ပျော်နေမယ်။ ဒါလေး တစ်ခုကတော့ ဝါဆို လုပ်ဖြစ်နေတာလေးပေါ့'' လို့ပြောပါတယ်။

အချစ်ရေး ပြန်အဆင်ပြေသွားကြပြီဆိုတဲ့ ဖြိုးလေးနဲ့ ဝါဆိုမိုးဦး

ဖြိုးလေးနဲ့ ဝါဆိုမိုးဦး

တို့ စုံတွဲကတော့ တကယ်ကို ပရိသတ်အားကျစရာ စုံတွဲဖြစ် ခဲ့ပါတယ်။ ရန်ဖြစ်လိုက် ပြန်ချစ်လိုက် ဒီစုံတွဲမှာလည်း ဝါဆို စိတ်ကောက်တိုင်း မချော့တတ် ချော့တတ်နဲ့ ချော့ခဲ့ရတဲ့ ဖြိုးလေးကလည်း အမှတ်တရအကြောင်းတွေ ပြောပြခဲ့ပါတယ်။

'' သိပ်ပြီးမချော့တတ်ဘူး၊ သည်းမခံတတ်ဘူးပေါ့နော် ဒါပေမယ့် သူ့ကိုတော့ သည်းခံတယ်၊ ချော့တယ် ဆိုတာကို သူက မယုံဘူး။ စိတ်ကောက် ရင်လည်းချော့၊ အကုန်လုံးနီးပါးပေါ့နော် ကျွန်တော်လည်း သူနဲ့တွေ့မှ ပြင်တဲ့ဟာလေးတွေ ပြင်လိုက်တယ်။ အဲ့ဒါတွေကိုလည်း သူသိအောင် ပြောပြဖြစ်တယ်'' လို့ ဆိုပါတယ်။

Rap အဆိုတော် Snare အဖွဲ့ဝင် ဖြိုးလေးနဲ့ သရုပ်ဆောင်ဝါဆိုမိုးဦးတို့ ချစ်သူနှစ်ဦးက အမှတ်တရနေ့ရက်တိုင်းမှာ တစ်ယောက်နဲ့ တစ် ယောက် Suprise လုပ်ရင်းဖြတ်သန်းလေ့ရှိပါတယ်။ အရမ်းချစ်ကြတဲ့ အနုပညာရှင်စုံတွဲဖြစ်တာကြောင့်လည်း သူတို့ နှစ်ဦးစလုံးမှာရှိတဲ့ ပရိသတ်တွေရဲ့ အားကျခြင်းကိုလည်း ခံထားရတာဖြစ်ပါတယ်။