သရုပ်ဆောင် မိုးဟေကို က အခုလက်ရှိမှာတော့ ရုပ်ရှင်ဇာတ်ကားရိုက်ကူးရေးတွေကို လျှော့ချထားတယ်လို့ ဆိုပါတယ်။ ဒါကလည်း မိခင်ဖြစ်သူရဲ့ ကျန်းမာရေးကို ဦးစားပေးနေတဲ့အတွက်ကြောင့်ပါ ဆိုတာကို မီဒီယာတွေကနေ တဆင့် ပြောပြလာပါတယ်။

'' အမေ့ရဲ့ ကျန်းမာရေးကြောင့် အမေကို ဦးစားပေးတဲ့အနေနဲ့ မိုးရိုက်ကူးရေးတွေကို လျှော့လိုက်တာပါ။ အားလုံးလည်း နားလည်ပေးလိမ့်မယ် လို့ထင်ပါတယ်။ မိုးအမေရဲ့ ကျန်းမာရေးကို ကိုယ်ကိုယ်တိုင် အစစအရာရာ လုပ်ပေးချင်တဲ့ အတွက်ကြောင့်ပါ။ ရိုက်ကူးရေးတွေ မလျှော့ချင် လည်း လျှော့ရမှာပဲ'' လို့ ဆိုပါတယ်။

မိခင်ဖြစ်သူရဲ့ ကျန်းမာရေးကြောင့် အနုပညာလှုပ်ရှားမှုတွေ ကျဲသွားတဲ့ မိုးဟေကို က တကယ်ကို သမီးလိမ္မာလေး တစ်ယောက်ဖြစ်ပါတယ်။ သူ့ရဲ့ ကောင်းမွန် လိမ္မာတဲ့ စိတ်ထားလေးတွေကြောင့်လည်း ပရိသတ်တွေရဲ့ အချစ်ကို တစ်နေ့ထက် တစ်နေ့ ပိုပြီး ပိုင်ဆိုင်လာတာကို တွေ့ရ ပါတယ်။

''ဘယ်သူမဆို ကိုယ့်မိဘဖြစ်လာတယ်။ ကိုယ့်မိသားစုဝင်ထဲက အသက်အရွယ်ကြီးတဲ့ မိခင်၊ ဖခင် ဘယ်သူဖြစ်ဖြစ် ပြုစုပေးရမှာ ကိုယ့်ရဲ့ တာ ဝန်၊ ဝတ္တရားတောင် မဟုတ်ပဲ စိတ်ကိုက အလိုလို လုပ်ပေးရမယ်ဆိုတာကို ဖြစ်ပေါ်နေတဲ့အတွက်ကြောင့် အမေ့ကို ဦးစားပေးလိုက်တာပါ'' ဆိုတာကို အောက်တိုဘာလ ၂၁ ရက်နေ့က အမုန်းတွေ ခေါက်ထားလိုက် ရုပ်ရှင်အထူးပြသပွဲမှာ ဖြေဆိုခဲ့တာဖြစ်ပါတယ်။

Photo: Moe Hay KO Page

မိုးဟေကိုရဲ့ အသက် ၃၀ ကျော်အရွယ် ခံစားချက် 

မိုးဟေကို က သူ့အတွက် အရေးကြီးဆုံးဆိုတာ မိဘပဲ ရှိတယ်လို့ မီဒီယာ အင်တာဗျူးတွေမှာ ဆက်လက်ပြောပြလာပါတယ်။ မိခင်ရဲ့ ကျန်းမာ ရေးကို အဓိက ထားလိုက်ရတာကြောင့် ဇာတ်ကားတွေ သိပ်မရိုက်ဖြစ်တဲ့အပေါ် ပရိသတ်တွေ နားလည်ပေးနိုင်မယ်လို့ ယုံကြည်တယ်လို့ ဆိုပါတယ်။

'' မိဘအရေးကြီးဆုံးလေ နော်၊ အမေက မွေးထုတ်ပေးလာလို့ မိုးဟေကို၊ ပြည်သူတွေချစ်တဲ့ မိုးဟေကို ဆိုတာ ဖြစ်လာတာလေ။ အမေ ကျန်းမာရေး ချို့တဲ့ချိန်မှာ ကိုယ်က ပစ်ထားလို့မရဘူးလေ။ မိုးရဲ့ ခံယူချက်ပေါ့ ဒါဟာ ရင်ထဲက ဖြစ်ပေါ်လာတာ ပရိသတ်တွေလည်း နား လည်ပေးမယ်လို့ ထင်တယ်။ အမေ့ကိုလည်း ကိုယ်တိုင်လုပ်ပေးချင်တဲ့အတွက်ကြောင့်ပါ'' လို့ သူကဆိုပါတယ်။

Photo: Moe Hay KO Page

မိုးဟေကိုဟာ အနုပညာအလုပ်နဲ့ ပတ်သက်ပြီး တီဗီကြော်ငြာတွေပဲ ရိုက်ကူးနေရတာကို တွေ့ရပါတယ်။ သူ့ရဲ့ ကိုယ်ပိုင်ရုပ်ရှင်ထုတ်လုပ်ရေး ဖြစ်တဲ့ မိုးရုပ်ရှင်ထုတ်လုပ်ရေးကနေ ဇာတ်ကားကောင်းတွေ ထွက်ရှိနိုင်ဖို့ ကြိုးစားနေတယ် လို့ သိရပါတယ်။ နောက်ထပ် ပိုးထည်ဆိုင်ဘက်မှာ လည်း ဦးဆောင်နေရတယ်လို့ ဆိုပါတယ်။