AD
AD
AD

ခိုင်သင်းကြည်ကတော့ သရုပ်ဆောင်တစ်ယောက်မဟုတ်တဲ့ သူ့ရဲ့အပြင်ကနေပုံထိုင်ပုံတွေကို ပြောပြလာပါတယ်။ တစ်ခါ တလေမှာလည်း ပရိသတ်တွေနဲ့ ပျော်ပျော်ပါးပါး စကားပြောလေ့ရှိတယ်လို့ သိရပါတယ်။

play

 

သရုပ်ဆောင် အကယ်ဒမီခိုင်သင်းကြည်ဟာ သူ့ရဲ့Facebook Page ကနေ မကြာခဏဆိုသလို Live လွှင့်ရင်း ပရိသတ်တွေနဲ့ စကားပြောလေ့ ရှိပါတယ်။ ဒီအချိန်ကျရင်တော့ အနုပညာရှင်တစ်ယောက်လိုမဟုတ်ပဲ အပြင်ပုံစံနဲ့ ပရိသတ်တွေကို နှုတ်ဆက် စကားပြောလေ့ရှိတယ်လို့ Duwun Media ရဲ့ အင်တာဗျူးမှာ ဖြေဆိုခဲ့ပါတယ်။

'' Live လွှင့်ဖြစ်တာကလည်း ဘာရယ် မဟုတ်ပါဘူး၊ မခိုင် Live လွှင့်ရင် ပရိသတ်တွေလည်းပျော်တယ်၊ တစ်ခါတလေကျရင် Live လွှင့်ရင်းနဲ့ ကိုယ်ကလည်း သရုပ်မှန်တွေ ပေါ်ပေါ်လာတော့ သူတို့လည်း ပျော်ကြပါတယ်။ ဒါပေမယ့် မခိုင်လေးက Live လွှင့်တာ နည်းပါတယ်။ Page မှာပဲ လွှင့်တာများတယ်''

play

 

ခိုင်သင်းကြည်က သရုပ်ဆောင်တစ်ယောက် အနေနဲ့ ရော၊ သူ့ရဲ့ အပြင်က ကာရိုက်တာ ပုံစံနဲ့ပါ မတူညီ ကွဲပြားတဲ့ အကြောင်းတွေ ပြောပြ လာပါတယ်။ အမြဲတမ်း သွက်သွက်လက်လက် နေတတ်တဲ့ ချစ်စရာကောင်းတဲ့ ပုံစံလေးတွေနဲ့ မတူတဲ့ အရာတွေကို ပြောပြလာတာပါ။

'' အပြင်မှာနေတာက အမြဲတမ်း အစားနဲ့ ပါးစပ်နဲ့ မပြတ်အောင် စားနေမယ်။ ပေါက်ကရ ရှစ်သောင်းတွေပြောနေမယ် အဲ့လိုမျိုးတွေပေါ့နော်။ ဂနာမငြိမ်တဲ့အမာစိန်ပေါ့နော်'' ဆိုပြီးတော့ နိုဝင်ဘာလ ၇ ရက်နေ့က '' မိန်းမကြမ်းကြီး များ'' ရုပ်ရှင်ဇာတ်ကား ကန်တော့ပွဲမှာ ပြောပြခဲ့ ပါတယ်။

play
Photo: ခိုင်သင်းကြည်ဖေ့စ်ဘွတ်

 

မကြာခင်က ခိုင်သင်းကြည်ရဲ့ ဖေ့စ်ဘွတ်အကောင့်ကနေ တင်ခဲ့တဲ့ ရေကူးဝတ်စုံနဲ့ ပုံတွေကလည်း ပရိသတ်အားပေးမှု ရရှိခဲ့ပါသေးတယ်။ သူမ အနေနဲ့ ပရိသတ်တွေ ဝေဖန် အပြစ်ပြောမလားလို့ တင်လိုက်ပေမယ့် အားပေးချစ်ခင်ကြသူတွေရှိလို့လည်း ဝမ်းသာတယ်လို့ ဆက်လက် ပြောပြထားပါသေးတယ်။

'' ကိုယ့်ကိုယ်ကို ယုံကြည်ချက်မရှိပါဘူး၊ အဲ့ဒီနေ့ကလည်း ဟိုတယ်မှာ မနက်စောစောလေး ထပြီးတော့ ရေကူးမယ်ပေါ့။ နေ့ခင်းကျတော့လည်း ကိုယ်အလုပ်မအားဘူး။ ညနေကျတော့လည်းရှုတင်ပြီးတဲ့အချိန်ဆိုရင် ထိပ်ထိပ်နောက်ကို လိုက်ကြည့်ရတာနဲ့ သူရေကူးတာကို လိုက်ပို့ရတာနဲ့ ပြန်လည်းရောက်ရော မောပြီး အိပ်ပျော်သွားတာများတယ်။ အဲ့ဒီနေ့ကလည်း မနက်စောစော ရေကူးမယ် ဆိုပြီးတော့ စောစောနိုးနေတာ'' လို့ ဆိုပါတယ်။

play

 

ခိုင်သင်းကြည်က လက်ရှိမှာ '' မိန်းမကြမ်းကြီးများဆိုတဲ့ ရုပ်ရှင်ဇာတ်ကားကြီးရိုက်ကူးနေတာဖြစ်ပါတယ်။ အခုဆိုရင် သမီးလေး စံထိပ်ထား နဲ့အတူ TV ကြော်ငြာတွေ၊ မဂ္ဂဇင်းကာဗာတွေရိုက်ကူး နေရတာဖြစ်ပါတယ်။သမီးလေး စံထိပ်ထားဦးကိုလည်း လက်ရှိမှာ စာကြိုးစားစေ ချင်တာကြောင့် သရုပ်ဆောင်ဘက်ကို လက်တွဲ မခေါ်သေးဘူးလို့ သိရပါတယ်။

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD